《我係窮郵差，專門幫陰陽相隔嘅親人送信》（書局上架中）: 136

 
「10、9、87654、32⋯⋯1，我嚟啦。」
 
 
阿龍喺大樹下轉身，開始四周圍搵我哋。
 
 
佟蓳萓匿埋喺草叢下，收得自己好埋，正係度屏息靜氣，睇住阿龍嘅動向。
 
 


「一、二、三⋯⋯」
 
 
佢數住佢嘅腳步，似乎阿龍發現唔到佢，開始鬆一口氣之際，
 
 
阿龍忽然轉身，大叫：「佟蓳萓！」然後極速狂奔，闖入草叢裡面，一手捉向佟蓳萓。
 
 
「嘩！」


 
 
佟蓳萓反應都好快，已經掉頭就走，但速度遠遠唔及阿龍，
 
 
阿龍兩三步就已經趕上咗佢，一嘢捉住佢。
 
 
「喂呀，好茅呀！扮睇唔到嘅你！」
 


 
「出其不意，攻其不備，兵家之謀呀。」
 
 
「你又講一啲我唔識嘅嘢，你狡猾就狡猾！」
 
 
「仲差南門亮一個。」
 
 
我匿埋咗係樹上，一個好隱閉嘅位，正常人應該望唔到。
 
 
但一陣風吹過，樹葉四散，阿龍好敏銳咁望向我呢個方向。
 


 
「南門亮，最後一個。」