《我係窮郵差，專門幫陰陽相隔嘅親人送信》（書局上架中）: 93

 
飛蛾圍轉街燈黃光，燈柱下嘅佢摸摸肚問：「肚餓⋯⋯我哋去食飯囉？」

 
王胤瀅係一個極鍾意日本文化嘅女仔，身上嘅打份都好日系女生FEEL，食嘢都自然就佢去食日本嘢。
 
 
我哋近近地去咗銅鑼灣嘅拉麵店，一間好細嘅店，叫咗碗青BB嘅拉麵，佢就好肚餓咁食得好開心，我就無乜胃口。
 
 


「你唔食嘅？」
 
 
「無乜胃口，點解妳咁食得？」
 
 
「我成日無食過嘢啵。」說話之間，佢已經吞咗大半碗麵，點估到小小嘅身驅有如此高強嘅戰鬥力呢？
 
 
「妳究竟係點逃出生天？」