《我係窮郵差，專門幫陰陽相隔嘅親人送信》（書局上架中）: 92

 
「你根本唔知我有幾鍾意佢⋯⋯有幾咁唔可以失去佢⋯⋯」佢轉頭瞪住我講。
 
 
「你唔可以失去嘅⋯⋯係佢⋯⋯定還是係你嘅自尊同控制慾？」
 
 
「隨你估⋯⋯」佢嘴角上揚話：「反正我唔會坐得長。」
 
 


「人間法律未必制裁到你，但將來喺陰間你慢慢還。」
 
 
佢有啲錯愕咁畀押上警車。
 
 
出返宿舍嘅時候，只係見王胤瀅甜笑咁望住我，一臉得意。
 
 
「今次應該多謝我啦。」


 
 
「我都救咗你，當係打和啦。」
 
 
「喂，條數係咁計㗎咩？」
 
 
「當然啦，唔係點計？」
 


 
「我都唔識計，可能要問返教授。」
 
 
夜空下，我哋相視而笑。
 
 
《陳教授篇完》