《我係窮郵差，專門幫陰陽相隔嘅親人送信》（書局上架中）: 56

 
「無益電影你實在睇太多⋯⋯」我話：「妳只要做一樣嘢就得。」
 
 
「係咩？」佢坐咗喺枱到問。
 
 
「食藥。」
 
 


「⋯⋯」
 
 
佢以為我係度講笑，一嘢拍落我手臂度。
 
 
「如果妳想好快咁進入深層睡眠，係必要㗎。」我解釋普通人係入唔到嗰種睡眠深度。
 
 
佢有啲唔相信咁望住我。


 
 
「手機。」我攤開手問。
 
 
「手機都要？」
 
 
「藍光都會影響你進入深層睡眠。」