《我係窮郵差，專門幫陰陽相隔嘅親人送信》（書局上架中）: 51

 
「點解呀？」明明坐地鐵快勁多。
 
 
但我都係畀佢返咗上電車，我哋坐咗喺上座，乘客唔係好多，只係有三幾個。
 
 
「你唔覺得慢先會睇清楚好多嘢㗎咩？」
 
 


「唔覺⋯⋯」
 
 
「咁你繼續盲啦。」佢好似有啲嬲嬲地咁講。
 
 
不過老實講，吹著涼風、望住港島嘅繁華鬧市，係別有番風味嘅。
 
 
王胤瀅篤一篤我手臂問：「喂，你講嘅係真㗎？」


 
 
「妳講邊樣？」
 
 
「當然係你話，落陰間會折壽命嗰樣啦。」佢咬一咬唇，個樣睇落有啲不安咁。
 
 
「係真㗎。」我認真咁講：「我都唔講大話嘅。」
 


 
「真係⋯⋯？」
 
 
「做咩呀？妳驚啦？而家退出都仲嚟得切。」
 
 
「咁點解你要做哩份工？」哩條問題已經係第二次問。
 
 
「因為做哩份工係我嘅天職。」
 
 
之後王胤瀅講乜嘢，我都已經唔太記得。
 


 
我嘅渴睡症又再發作，幾秒間已經瞓著咗。
 
 
⋯⋯⋯⋯