《我係窮郵差，專門幫陰陽相隔嘅親人送信》（書局上架中）: 50

 
 
本來佢扁晒嘴，苦口苦面咁嘅樣，一聽到我上一句，就即刻變臉，破涕為笑咁，真係唔知佢係做戲定係乜嘢。
 
 
「咁⋯⋯你即係肯帶我去？」
 
 
「我怕我唔帶妳去我會死呀。」
 


 
我哋走出香港大學，返到朝早繁華旺盛、半夜煙火寂寥嘅中環。
 
 
喺我哋行緊返去嘅途中，王胤瀅忽然拉住我話：「喂，我哋搭電車返去囉？」