《我係窮郵差，專門幫陰陽相隔嘅親人送信》（書局上架中）: 48

 
 
「見面就真係唔得，但送信我就可以。」
 
 
我唔敢望住王胤瀅。
 
 
陳教授一臉失望，佢話：「咁唔緊要⋯⋯但可唔可以除咗信之外，幫我送多一樣嘢畀佢。」
 


 
「當係信嘅附件都可以。」
 
 
陳生拎咗一個包裝得好靚嘅盒出嚟。
 
 
「就係哩個盒。」
 
 


當陳教授返上去堂之後之後，我就準備返郵局做嘢。
 
 
喺哩個時候，我發現王胤瀅不懷好意咁望住我。
 
 
「做咩？」
 
 
「你話會帶我落去㗎嘛。」


 
 
「我幾時有咁樣講過？」而家啲女仔咁識得屈嘅。
 
 
「嚟啦，你都係落去送信啫，點解唔可以帶我睇埋我媽咪？」