《我係窮郵差，專門幫陰陽相隔嘅親人送信》（書局上架中）: 47

 
 
「你而家塊臉紅到咁⋯⋯算唔算係變色？」MANDY奸笑住問陳生。
 
 
「算掛⋯⋯」陳生好細聲咁講。
 
 
佢地好快就係埋一齊，好穩定。
 


 
「同我一齊之後，唔畀再識其他男仔。」
 
 
哩個係陳生嘅要求，唯一嘅要求。
 
 
佢哋一直都拍拖拍得好穩定，陳教授都認定MANDY係佢嘅終身對象。
 
 


直到結婚前夕，陳生發現咗，MANDY好似有另一個男人追緊佢。
 
 
似乎係佢上司。
 
 
「其實我到最後都唔知道，究竟佢哋有無一齊。」陳教授講。
 
 
我一邊聽，王胤瀅一邊係度震，好似係因為圖書館冷氣太大，我死死地氣畀件外套佢。


 
 
「不過哩個時候，咁啱MANDY發生交通意外，因為我日夜咁照顧佢，佢知道邊個係最愛佢，所以最後我哋都順利結婚。」
 
 
「然後結婚之後，佢都係不停咁病，我就叫佢專心留係屋企做少奶奶，我去搵錢就得。」
 
 
「好幸福呀⋯⋯」王胤瀅雙手抬臉咁話，我不經意咁反咗一下白眼。
 
 
「可惜最後佢都病死咗呀。」陳教授講到哩度就好痛苦。
 
 
「我相信陳太生前感到你嘅愛，都死而無憾嘅。」


 
 
「南門先生，可唔以幫我見佢一臉。」
 
 
「係囉幫佢啦。」