《我係窮郵差，專門幫陰陽相隔嘅親人送信》（書局上架中）: 42

 
 
接見咗唔同客，喺六點幾左右，見埋最後一個客人就可以開始派信。
 
 
佢好有禮貌咁敲一敲門，然後入咗嚟，當我抬頭一望佢時，就笑咗起嚟。
 
 
「睇嚟你真係好掛住你太太。」
 


 
黑衣男，正正就係今日嗰位教授。
 
 
「坐呀。」
 
 
「唔該晒。」
 
 


「我無諗到大學教授都真人㒙會信哩啲。」我開玩笑咁講。
 
 
佢有啲尷尬咁話：「其實我都係嚟試下，不過我見係政府部門，無理由係呃人呀，咁就嚟咗。」
 
 
「都未知你叫咩名。」
 
 
「喔，好抱歉。我叫陳叔寶。」佢點點頭道歉，好有禮貌。


 
 
「陳教授介唔介意講下你背景？」
 
 
哩個時候，我電話不停咁震，震得飛起。
 
 
「喂！唔應我就得㗎啦？」
 
 
「衰人應我呀！」
 
 
「色情鬼逃避責任！」


 
 
我決定較靜音。
 
 
「對唔住呀陳生，你繼續呀。」
 
 
「喔⋯⋯我仲有。」
 
 
由於陳教授突然收到學校通知，要返去開會，所以我哋嘅面試只好暫停，約咗第二日嘅夜晚去佢學校見面。
 
 
第二日嘅七點左右，我準備離開郵局起行去港大時，就喺門口遇見到王胤瀅。


 
 
佢嬲爆爆咁企在係門口嘅對面。
 
 
一見到佢，我當然馬上第一個念頭就係，
 
 
走！
 
 
雖然我自覺自己反應已經好快，但佢跑得仲快，一手就捉住我。