《我係窮郵差，專門幫陰陽相隔嘅親人送信》（書局上架中）: 15

就係咁，我拎返一張紙巾走，佢終於笑返。
 
 
「我唔鍾意差人嘢。」
 
 
我諗嚟諗去都唔知點應佢，唯有話：「嗯，好美德嚟。」
 
 
「多謝你張紙巾。」


 
 
真係一個怪人。
 
 
我返到郵局，就準備開始今日嘅工作，見到娟姐係度派餅，我就好奇走埋去問：「娟姐妳有喜呀？」
 
 
「有你個死人頭呀。」娟姐打咗我一下然後話：「我而家派下嘢食畀人係咪唔得呀？」
 


 
「唔係，我就係想讚娟姐妳大方。」我細細聲講：「邊似得我今日都遇到嗰個怪人。」
 
 
「做咩呀，邊個激親南門先生呀。」
 
 
「無⋯⋯不過唔好再提，希望以後唔好再遇到佢就得。」
 
 


「古古怪怪咁。」
 
 
「我做嘢先啦。」
 
 
我返到去部門嘅辦公室，無幾耐就有人開始嚟面試。