[新手上路] 真係做得出刀劍神域入面果種VR?: 23. 極限時間要極速進步
「Steve佢好有可能之後都唔會再主持早會...應該話...佢可能唔會再返黎」Koey雙眼開始通紅
聽到呢個消息, 其他研發部成員都係驚訝同難以置信既表情, 竊竊私語就更加走唔甩啦...呢個時候, 企係後面既Andy上前拍一拍Koey, 安慰佢同時示意佢企後少少
Andy開聲話「係! 呢件事係好難接受同好難令人相信, 我地已經用盡所有方法去搵Steve, 真係用盡一切既方法啦...大家都知Steve係一個咩既人, 佢絕對唔會咁無交帶, 所以一定係有佢原因或者出左咩事. 不過...點都好...我地都唔可以令佢心血白費! 要一齊繼續去完成佢既目標, 呢度仲有我, Koey同Suki睇住, 你地專心去繼續VRT既project, 請你地放心交比我地啦!!!」Andy愈講愈激動, 研發部既所有人員愈聽愈熱血...
「好! 有你地係度我地放心...」「咁我地繼續努力啦!」「個system有我地幫手一定安全!」... 雖然埸面係好老土, 但見到佢地咁齊心, 不得不配服係Steve帶領之下既團隊真係好團結
火火「咁我地team既人都要努力啲啦, 劍仔~有咩唔明唔識, 一定要問! 我地識既一定會教你, 係Steve搵你返黎既, 我地對你都好大期望嫁! 唔係話比壓力你, 而係想比你知大家都好重視你!」
咁都唔係比壓力我...? hell ya?
Alice「我會努力啲教你嫁啦~hehe」
Zero「一早話你兩個有野嫁啦, 哈哈哈哈...........」傻左?
杰仔「等等入去就show比我睇下你去到咩程度啦」半笑半串咁講
Bobo望左我一眼之後咩都無講...
既然大家都對我咁有期望, 我唯有好有自信咁回應「盡量啦...盡量啦...都係要靠你地教我嫁咋」
曾過一輪簡單既briefing, 我地5個又再次去到Kasa既世界入面, 電流曾過全身, 眼前再次閃出啲文字...
一擘大眼, 又返到黎同一間房, 同一個世界, 我同之前一樣...都係咁靚仔
行落大廳, 原來佢地一早到齊, 一時間又要重新load過佢地唔同晒既外表...
「喂劍仔, 差你一個呀, 埋黎講兩句就分頭行事啦」叫我個名既人, 望落去標準身型, 體格強壯, 外表同火火跟本無咩分別...加上佢既語氣, 更加肯定佢就係火火
呢個時候大家都望過黎, 其實第一次見佢地果時, 我都無清楚望下佢地既外表...除左火火同Zero無咩大分別之外, Bobo本身已經好fit, 但佢係Kasa世界入面樣無咩唔同, 但體型變得更強壯...可以話係大隻, 比人既感覺係好堅強好好打咁; 而杰仔就五官分明, 可以話係完美既比例咁...外型又係...總知就望落去極度順眼之餘, 會有令人嫉妒既感覺...佢著住一身黑色長袍, 黑色長褲, 個裝扮同成個環境有格格不入既感覺, 總係比人覺得好特別, 好唔同, 好珍貴咁
「嘩! 點解你地咁快落到黎既?」呢句我真係出於真心咁問
「因為我地黎左咁多次, 次次都知一出黎要落呢度集合嗎~ 你下次識做啦? hehe」Alice笑住講
火火「好啦, 咁今日唔同啲, 杰仔頭半日去指導下劍仔, 目標係令佢快啲上手, 我地要追返塔既進度!」「咁我會同剩返既隊員一齊去試下新研究既技能, 同埋會練習下, 試試個可行性! 所以晏就2點就係我地集合時間, 地點係中央草地, 即係劍仔杰仔你兩個等會去既地方, 有無其他問題? 無既就依家出發!」
去到中央草地, 即刻感受到個人特別精神, 好似每個毛孔都吸收緊周邊既元素一樣, 依家感覺比第一次入黎果時更好更暢順
「劍仔, 呢度係新入門練習最好既地方~因為佢咩屬性既元素都可以吸收到, Alice之前有無大約講過使用魔法既流程呢?」
「有呀, 基本吸收同轉換都識既, 只係未練熟成個流程...同埋技能......」大佬呀, 我黎得果一次想我有幾勁?
「Easy easy~ 你黎左一次姐, 識呢兩樣已經叻過晒佢地嫁啦, 講真, 我覺得你成就可以好大」「事不而遲, 我比一個挑戰你, 只要你係2點前完成到, 就證明我無睇錯人!」
「好! 咁你講黎聽下個挑戰係咩!」Come on james~ 我唔怕你嫁
「試下用你既魔法技能破壞到個訓練假人, 聽落好似好易~其實都幾難嫁~ 哈哈!!」好假既兩下笑聲
Okay~ 我不得不承認你果兩下笑聲比到壓力我, 咁我唯有認真去對待啦
「Anyway~ 火火唔係叫你指導我嫁咩?」
「係! 但我覺得極限時間內用最快速度去迫自己進步, 呢個方法的確有啲不切實際...指導適用於教授招式, 但你呢個情況一定要打好基礎先有用, 而且唔係話三五七日就可以打得好... 所以我想你自己去突破自己, 一次又一次咁突破, 靠自己一定係最真實最有感覺, 所以黎緊呢幾個鐘呢~哈哈! 睇你做化啦」
「好...咁我明白啦」......
「咁好啦, 我會去附近練下新創既技能, 晏啲過黎睇下你, 加油啦劍仔」杰仔笑一笑
我睇到佢奸笑呀!!!!!!!!!!!!!!!!!!!
杰仔走左之後, 我望住個訓練假人......有一種無力感...唉! 我同自己講「屌那媽頂硬上~!」
然後我就開始我自己既極速進步訓練之路............