[新手上路] 真係做得出刀劍神域入面果種VR?: 19. 你覺得Steve係咪有野暪住我地?

「Alice睇住啦!」我將風既魔力壓縮係雙手中心, 形成一個球體形狀

「螺旋丸!!!」一套好舊既動漫, 其中一位主角既技能名

單手拎住個波, 一下就打落個訓練假人果度「哼~ 睇野啦」

訓練假人「。。。。。。呼~」

.......................................





哈哈哈哈哈..哈哈哈哈....哈哈...哈哈哈哈哈哈哈哈....

Alice又黎料啦

「劍仔...哈哈哈哈哈...唔得啦笑死我了..哈哈哈」

「劍仔呀劍仔, 你係就係好有天份, 唔洗點教就上手, 但技能都係講求熟練度同不斷嘗試, 先會發揮得最好, 你岩岩果招咩咩丸呢~係就係好聰明, 識得壓縮能量, 令到個爆發性提高...不過岩岩開始唔好咁高期望呀~ 唔係你會好失望嫁, 我依家都要去練習下先, 一陣再過黎搵你啦, hehe!」

唉! 我又柒左啦媽咪...





無辦法, 既然無得一步登天, 就唯有靠努力去彌補啦!


半日後

「劍仔~」Alice一邊跑過黎一邊叫我

「係訓練埸果邊搵你唔到, 原來你出左黎草地呀...呼~」

「係咪訓練進度唔如意, 卡住卡住好似無進步咁呀? 唔緊要喎, 我地每人都會經歷過! 唔洗灰心嫁, 更何況你第一日已經掌握到, 已經好好叻嫁啦, 休息下~」





當Alice講緊呢段說話既時候, 其實我係打緊坐, 我想感受下每一刻元素吸收入體內轉化為魔力果種過程, 令我更加記住每一次既感覺, 原因係每次刻意去感受呢刻既時候, 下一次進行魔力轉化都會更加流暢, 同埋個吸收量愈黎愈高, 所以我覺得咁樣做係可以打好基礎

我慢慢擘大眼見到Alice有小小喘氣「哦...無呀, 練到咁上下覺得攰, 出黎坐下休息一陣, 我覺得呢度好舒服呀!」

「傻瓜~呢度緊係舒服啦, 你知唔知呢度係中央城既最人中心果點, 呢度既元素豐富種類又多咩屬性你都可以感受得到, 就算唔刻意去吸收, 訓係草地都會慢慢令自己魔力有累積嫁~」

「係呀, 我感覺到啲魔力慢慢滲入體內」

「好啦~差唔多要去會合佢地, 都過左半日, 你已經領略到點進行魔力轉化已經超出我地預期, 我都可以交差啦~哈哈」

之後我地離開呢片草地, 返去一開始條村果度搵隊友

「hey~ 火火~ Bobo~ Zero~ 杰仔~!」Alice半行帶跑咁去叫佢地, 咁我唯有跟上啦





「喂! Alice,劍仔快啲過黎呀, 今日發現左啲好重要既野!」Zero大叫

「黎緊啦」我同Alice一齊嗌

「係...係咩事呢? 好緊要嫁?」Alice邊回氣邊問

「呢樣野係杰仔諗出黎既, 雖然未經證實, 但有思考既空間」火火好凝重咁講, 跟住拍一拍Alice「我知你好信任Steve, 我地都係! 但你有無一刻覺得...覺得佢係有隱瞞, 呃緊我地?」

「點會呀...Steve有咩原因要呃我地喎?」Alice一面迷茫

「打爆機呢樣野, 我覺得唔係咁簡單」第一次聽杰仔主動開口講野

「你有無諗過呢隻game, 其實係無所謂既爆機同盡頭?」杰仔再補充

「杰仔講得岩, 爆機只係Steve講出黎, 但跟本無人證實過係咪有呢件事...」火火好認同杰仔既觀點





的確...呢點係我一直都無諗過, 隻game有無一個盡頭係無人知, 由其是現時為止, 都係似不段修練再去打塔打裝備, 但打晒之後呢? 打完就正式完結? 真係無人知, 所以我地先信Steve講既野

「邊度講邊度散啦, 始終都係估估下, 純粹講出黎比大家思考下, 如果真係想知原因, 倒不如我地自己去試下搵答案」火火作為隊長, 知道討論個底線去到邊

Bobo終於開口「千祈唔好同Steve提起呢個問題呀! 我唔想因為咁而面阻阻, 搞到我地好似唔再信任佢咁」

Alice個表情仲係好似唔相信Steve會呃我地咁

杰仔拍一拍Alice手臂「Alice, 我都係提出一個可能性姐, 未必係真既, 希望你唔好咁介意我地會去懷疑Steve啦」

「嗯...」

(啪~ 啪~) 「時候都唔早啦, 我地討論埋聽日個流程, 之後一齊出返去啦!」火火果然有隊長既風範





「Okay!」