[新手上路] 真係做得出刀劍神域入面果種VR?: 18. 魔法入門

「魔法既掌握快慢, 第一樣要睇既係天份! 唔係每一個人都可以做到, 好似火火咁~ 佢對魔法既誤性太低, 所以就專注體術戰鬥方面, 咁魔法就成為佢既輔助同加持. 而我就同火火完全相反, 體術唔上手, 武器又唔識用, 但對治療同保護既魔法就好夾, 一學就上手...所以你都要搵下邊一種先係最適合你」Alice好認真咁對住我講

「咁杰仔呢? 聽你地上次講, 佢好似好西利架喎? 咁唔知佢係邊方面比較強呢?」我借啲意問下

「杰仔呀...」Alice即刻由認真樣轉為傾慕樣「我覺得佢係除左Steve以外, 係我心目中第二個英雄!」

無啦無啦...我無機會啦......

「下...urr...不如你試下講多啲?!」





「我咪講過杰仔係上年先入黎既? 但佢用左短短三個月時間, 已經掌握好多魔法, 唔單止識用, 仲好純熟! 而且體術同戰鬥技巧都好高...可以話三個月時間已經超越火火訓練一年既時間! Steve應該知道杰仔係一個天才, 好有天份, 所以先叫佢入黎幫手」

跟住Alice又講「你要知道, Steve唔係一個咁易會認同人同讚賞人既領袖, 但佢對杰仔評價好高, 甚至佢覺得杰仔遲早會超越佢」

原來係咁...唔怪之得佢地知我係Steve搵返黎會覺得咁驚訝...睇黎Steve對人並唔係一視同仁

「hehe~睇黎你對杰仔有啲野咁喎?」

「無呀!! 邊度有!! 信唔信我打你呀啦!!」Alice紅都面晒





「你睇下你, 講笑姐~ 黎啦, 快啲教我魔法」

「好啦! 再咁講唔教你嫁!」Alice嬲爆爆個樣真係可愛

要學, 首先要由基本學起...(Alice又要講歷史)

「魔法既形成來源來自魔力, 而魔力既生成係因大自然既元素結集而成, 而使用魔法既人, 過程就係將元素吸收, 用自身能量增強, 再轉換形式或形態, 最後係釋放. 呢個過程係需要時間, 而熟練度高既人, 可以係好短時間就完成吸收, 增強, 轉換呢三個步驟」

「大自然有唔同既元素, 自身屬性有強弱, 容易受環境所影響, 例如體質偏向火屬性, 係水屬性為主要地方就比較難吸收魔力, 同發揮會無咁好... 當然佢吸收既係水屬性較多既元素, 但轉化出黎既時候就會感覺威力減弱, 呢種我地簡稱為屬性排斥」





「解決方法其實都有, 但要睇有無必要同有無時間, 因為吸收得少, 即係話延長吸收時間就可以累積更多魔力, 但一般戰鬥當中, 時間都係好寶貴, 好難有機會比你儲到, 呢個時間, 體術就係好重要既一環! 但呢樣遲啲再同你講啦」

thanks for sharing…

「清楚, 了解, 明白, 知道! 咁依家我應該做咩好呢?」

「你見唔見到前面有片草地? 你行去果度感受下大自然既元素」

原來聽佢緊歷史既時候, 我同Alice已經行到去城市外邊一片好大好闊既草地, 附近有山脈有花草河流...的確係一個好舒服既地方

我行去是但一個位置, 然後......咩都feel唔到

「Alice呀...我好似...咩都feel唔到喎」好柒呀媽咪

「劍仔先生, 你岩岩入黎咩都唔做就想feel到? 你估你天才咩~哈哈哈哈哈哈哈哈哈哈....你首先要...」





係Alice未講出口之際...我feel到一股暖流慢慢吸入體內, 我嘗試將暖流集中係雙手

「劍仔...你之前係咪有學過? 無可能咁快就有...係風屬性?」Alice好驚訝咁望住我雙手...

我雙手有肉眼見到既微弱旋風圍住雙手不停轉動, 我合埋眼, 嘗試吸收更多元素

「Alice, 係咪咁?」我將雙手既旋風注入更多元素, 令旋風愈黎愈快, 轉動上黎更加實色

Alice雙眼好似見鬼咁, 好驚恐既眼神, 但當中又帶半點喜悅, 然後佢望住我雙眼似笑非笑咁講

「嗯! 係呀! 劍仔...你好叻...」









我諗...我大概明白點樣掌握呢套公式啦