[新手上路] 真係做得出刀劍神域入面果種VR?: 5. 秘密? 新技術?

「我係講真」
「Come on James, 一齊同我研究, 同我果team人研發出可以連接大腦用得既VR! 」 
「講多個秘密你知, 我入Apple都係因為我知道左佢地幾年前發佈果樣VR技術」
Steve好認真咁望住我, 一邊帶我行, 一邊講, 好似怕我唔信佢咁

「我研究過, 真係有可能做到我地既夢想呀! Sword! 」 Steve一口氣講左好多野出黎, 一時間我都反應唔切呆左係度 

Steve搖一搖我膊頭「喂, 黎啦, 一齊研究, 人工方面一定包你滿意」

 其實我一直都係思考緊佢果番說話...唔係思考啲人工呀! 我唔係啲咁既人黎既! 





 呢個VR計劃真係會成功? Apple唔係專精於呢一方面, support夠咩? 佢真係咁睇得起我要我幫手? 人工真係好多??? 我一路呆一路諗

Steve再搖一搖我「喂, 點呀? 諗成點? 請就請左你嫁啦, post係有好多, 但我想你跟我條team姐!」 

「好! 我跟你!」短短幾個字就代表我對佢既信任同肯定, 我認我呢刻係無諗咁多就應承佢

「GOOD! 都話我無睇錯人」Steve好大聲咁講, 仲係咁笑住話「等等我帶你去睇睇依家既成果, 其實做到七七八八嫁啦, 係差少少技術上既問題請你幫幫手解決」 

乜咁睇得起我呀

「不過正確黎講又唔算係好technical既問題黎既, 應該點講好呢? umm...不如你等等見到我再同你解釋啦」Steve慢慢行開去第二度

「好呀! 我都想睇下, 見證下係咪真係咁西利!」我都知講呢句野有啲寸 

「Okay! 咁你係度等等, 我叫另一位同事黎搵你, 佢都係我地條team既, 有咩唔明問佢都ok, 佢識既野唔會比你少嫁, 哈哈」佢邊行去門口邊講, 冷笑左兩就出左門口