[新手上路] 真係做得出刀劍神域入面果種VR?: 4. Steve請我既目的

講起Steve呢個人, 佢都算係一個奇蹟, 細細個就覺得Steve Jobs係一個傳奇人物, 覺得佢為世界帶黎改變既人, 佢想學Steve Jobs咁, 所以佢改名叫Steve

唔同既係, Steve份人比較有野心, 同埋好後生就已經做到香港研發部話事人

唯一一個問題, 就係佢好自大

等左半個鐘左右, 有人敲門之後行入黎「Hey, Sword!  Soooooo sorry i'm late! 」佢好熱情咁行埋黎張開雙手咁比個hug我, ok, 其實我同佢唔係好熟, 不過佢咁做我唯有照hug

我企起身同佢hug左下, 「唔係啦, 都唔係等左好耐之嗎」屌你等左你成半個鐘, 請野飲呢啲走唔甩啦 





「廢話唔多講啦Sword, 今次請你返黎你知咩事嫁啦?」佢突然好認真咁望住我講 

「當然知啦...? 係咪叫我幫手研發新產品?」其實我係唔知既 

「岩一半啦, 你記唔記得你大學果份論文係關於啲咩?」Steve奸笑住咁講 

我自己嘔心瀝血做出黎既野會唔記得?

「點會唔記得! 講VR係世界既影響同長遠發展既可能!」我好肯定咁講





「你唔係想繼續研發VR呀? 我study左好多關於VR既case, Playstation果次都證明左現今科技黎講, 十年前就應該要止步, 佢地唔係話無可能發展到落去, 而係再進步既話, 怕VR會比人利用成為武器, 而且會有違常態!」係! 我係有啲激動, 同時有啲興奮 

「See? 呢樣就係我搵你返黎既原因, 我終於搵到個同我有一樣諗法既人」Steve笑得好開心

「唔怕話你知, 我入黎呢度做都係知道左Apple一個幾大既秘密, 所以先諗辦法吸引佢招聘我返黎」Steve好自豪咁講

「高薪厚職? I don't care~」Steve舉起雙手做左個who fucking care既手勢

「我想要既係得到佢既技術! 一個未有人成功做到既技術!」





「你係想講刀劍入面果種人腦連接虛擬, 再online同步, 每個人都可以透過VR得到虛擬入面學習既智識同能力? 呃...刀劍即係一套動漫講類似VR做到令人代入虛擬化既野」我尷尷尬尬咁講 

「Exactly! Exactly!! Exactly!!! 我搵你返黎真係無做錯」Steve指住我, 「你知唔知我睇到你份paper果時, 我真係好感動! 終於覺得自己唔係自己一個, 原來仲有人係會覺得VR有得做落去!」睇得出佢係好激動

「等等先, 等等先...我係..就係有講過VR長遠有得發展同升級層次, 但科技上能唔能夠support, 同埋做到出黎對社會果個影響有幾大, 又係另一回事喎...始終理想同現實一定有偏差」我都係保持住自己立埸同睇法咁講

「老實講, 依家既科技都唔係先進到好似刀劍咁啦...我覺得..」 我未講完Steve就插把口講

「如果! 我話你知係有可能做到呢? 做到同刀劍一樣既野, 你相唔相信呢?」 Steve望住我慢慢咁講出口

「REALLY? Are you fucking kidding me Steve??」我個口擔住塊尤加利葉, 唔撚係掛? 

「係! 我自己試過, 證明係得」佢拍晒心口好有信心