[新手上路] 真係做得出刀劍神域入面果種VR?: 1. 開始

鄧~鄧櫈燈燈櫈櫈燈鄧~~...一個用左廿年都無變過既鈴聲

亦都係我自己最鐘意既鈴聲, 對我黎講相當有代表性. 

我拎起電話熄個鬧鐘, 繼續訓!

「喂! 劍仔! 起身啦喎, 你唔係話今日要返工咩? 第一日返工就想遲到呀? 下?」feel到一個好大聲既女人隔住度門係度嗌

無錯...佢係我老母

我死死地氣拎起個電話望一望「屌咩! 8點幾wtf? 遲到!」

 我大嗌一聲「要返工啦屌!!」

 之後用畢生最快既速度換衫出門口

 點解唔可以遲?

 一黎, 準時係基本





 二黎, 今日係我第一日返新工呢份工係我由細到大既dream job -- 入去Apple度做研發(好似係)

 點解? 咁就要講返我讀書果時啦 

其實我大學讀果科係電子工程, 但我就特別少少, 你話我好學又好, on9都好啦...只要係關於電腦呀, 電子科技呀, 程式編寫呀...等等既野啦, 只要係可以增加到我智識既東西, 我都一定會去學, 因為我覺得智識係無價, 只要我學得識, 果樣智識就屬於我

呢個諗法係咪好天真呢? 不過天真既想法往往都係取悅唔到人, 啲人都係覺得你傻仔, 讀大學緊係要去玩架啦~ 玩啦!

所以我係大學無咩朋友, 我又比較摺





拿! 我摺咋, 唔代表我唔識同人溝通呀, 我只係用晒全部時間放落去我鐘意既領域果度, 因為細細個我老母就同我講

「劍仔你知唔知呀, 醉心於某樣野既男人真係好有魅力, 果時就係咁樣比你老豆吸引住啦, 真係好鬼衰~」

我「................................知架啦, 你講左好多次」

但久而久之, 聽得愈黎愈多次就覺得好似真理咁...唉

搞到依家女朋友都無一個, 連女仔朋友都唔多一個...唉

但我仲係堅信, 只要我keep住做我鐘意做既野, 一定會有出頭天! 諗起都覺得自己好撚正面