【最好的結局】那年那天那個大過我的少女。: 34下 為何用到盡了至知那樣緊要

會煮飯的男仔大有人在， 
會緊張女朋友既係男朋都會做， 
會安全感既又邊會係我呢d弱仔比到， 
何況買公仔，大把士兵爭住去送俾子琳啦，會係講我個隻先！ 

「哇，子琳妳好高要喎！」 

「緊係啦！我話曬都係女神級」 

同樣地， 


女人既話題男人都係無機會插嘴。 
我都係安靜咁食飯算。 

「係啦係啦，知妳多人追。」 

「係有d人唔識寶！」 

「邊個咁大膽呀？」 

「唔知呢！不過講多人追邊夠小玲你先。」 



講到呢到， 
我即刻舉高自已隻耳仔， 
要準備偷聽一下呢個驚天大秘密。 

「無呀！」 

「點會無呀，大學個時咁多人追！」 

「過左去啦…」 


 
「都唔知點解你會同個有錢男朋友分手既！」
小玲之前個個男朋友係有錢仔？ 
唔撚係掛… 
同我相比… 
我真係輸足幾十條街， 
我又無錢，又唔靚仔，又係公屋仔。 
點樣比呀？ 

但係小玲點解會同個有錢仔分手呢？ 
係未個有錢仔有第個呢？ 
第係個有錢仔出面包起d女女呢！ 

個個有錢仔會唔會就係上次個個男仔呢？ 
屌…又俾子琳引起左我！ 



「又講返咁耐既野！佢對我唔好我未…未唔要佢…佢囉！」 

原來係小玲唔要佢嘻嘻！ 
有錢唔係萬能架！ 

「係咩嘻嘻！」 

「快d食野啦，凍曬唔好食！」 

兩個女人既對話亦開始慢慢淡出， 
而飯都準備食完， 
時間亦都到左夜晚既九點幾。 

我負責汁d碟碗呀返入去洗， 


好意外地， 
今次竟然係子琳入來幫我手。

「等我幫你手啦！」 

「妳會唔會搞到周圍都係架！」 

「唔會既！」 

「會就笑妳！」 

「我入得廚房出得廳堂呀！」 

「咁快d搵個男仔要左妳啦。」 



「你唔可以講呢樣野！」 

子琳望到我好實，好實。 

「點解呢？」 

「無得解，就係你唔可以叫我搵其它男仔！」 

「咁妳唔係好受歡迎咩？」 

「我唔鍾意！」 

呢個時候，小玲都拎埋剩低d碗入來， 

「講緊咩呀？」 



「我叫子琳快d搵個男朋友之麻！」 

「哈哈，要啦。子琳你出去廳坐下啦等我洗啦！」 

子琳好似無曬精神咁， 
出左去。

「今晚餐飯好好食呀！」 

小玲讚我喎！ 

「妳有份煮麻緊係好好味。」 

「口甜舌滑！」 

「邊到有呀！」 

「衰人，我好愛你呀！」 

小玲慢慢靠近我身邊， 
嘴了上來。 

「做咩事呀小玲嘻！」 

無啦啦俾小玲錫， 
好難唔開心既。 

「嘻，你係屬於我既！」 

「知啦…」 

我反手抱住左小玲， 
我地就係咁， 
係廚房依依吟吟… 
旁若無人。 

「小玲呀，妳今晚走唔走呀？」 

「走呀！要同子琳走呀。」 

「咁…咁好啦。」 

「傻瓜你曳曳啦！」 

「想呀。」 

「下次啦好無呀！」 

「好啦…女朋友叫到。」 

「傻瓜。」
終於都洗完碗， 
同小玲都出左去廳… 

「走啦子琳！」 

小玲主動開口… 

「好呀。」 

「咁等我去一去廁所先。」 

「好呀！」 

當小玲入左去廁所後， 
子琳即刻走上前。 

「衰人！」 

跟住係咁打我心口， 
我當然唔知發生咩事。 

「做咩呀？」 

「你無理我！」 

「…」 

「哼！」 

「咁妳想點呀！」 

「錫我！」 

哇…玩到咁大呀！ 
會死人喎… 

「快d快d！」 

子琳好似怕小玲會出來咁… 
係咁催我！ 

「唔好既…」 

「哼，算數，佢遲早會唔要你！」 

小玲亦都剛好來。

小玲出返來後， 
就到子琳入去。 

「傻瓜！」 

「做咩呀？」 

「我好愛你！」 

「妳傻左。」 

「愛你都傻！」 

跟住小玲就用佢隻小手暴打我心口… 
當然，唔痛啦。 

「我都愛妳。」 

「嘻嘻，搵日我係到過夜啦！」 

「妳想幾時都得架！」 

「好呀。」 

此時， 
子琳都出返來 

「走啦，子琳！」 

「走啦！」 

「拜拜！」 

「拜拜。」 

我送左佢地兩個出門口… 
就諗起子琳句「哼，算數，佢遲早會唔要你！」， 
到底甚麼意思呀？ 

是否認為我比不上那個有錢仔？ 
雖然，在錢力方面，我比不上他。 
但我會有誠意打救！ 

他做到的，我也做到。 
我亦會比他做得更好。 

那時的我， 
根本不知這句說話代表著甚麼。