【最好的結局】那年那天那個大過我的少女。: 34上 為何用到盡了至知那樣緊要

「傻佬，你好衰呀！」 

「唔…我衰咩呀？」 

「明知人地走，又唔拉住我！」 

「對…對唔住。」 

「傻佬，你要捉實我架！」 



「真係得咩？」 

「得！我係你架。」 

「真…真係咩？」 

「真呀。衰人。」 

「妳唔嬲我就好啦。」 



「邊個得閒嬲你喎！」 

「咁…咁我…」 

「傻佬，我同個個男人無野架…」 

「係咩…」 

「我得你一個。」 



「傻婆！」 

「咩喎。人地都唔傻。」 

「人地係唔傻呀，不過妳傻！」 

「魚…」 

「哈哈哈哈！」 

「仲笑，你睇下你飲到咁醉…」 

「無事啦，無事啦。」 

「下次唔俾咁樣飲呀！」 



「收到啦大人！」 

「乖啦。」

「好乖。」 

「傻佬呀！」 

「做咩事？」 

「我想抱住你呀。」 

「抱啦抱啦，任妳抱呀…」 



「嘻嘻，都係你最好！」 

「我不嬲都對妳最好！」 

「我知呀！」 

「知就好。」 

「傻佬，我唔返工做你老婆好唔好呀！」 

「真…真係？」 

「係呀，但你要養我喎！」 

「我會。」 



「嘻嘻…等你同我求婚！」 

「小玲…嫁…嫁…俾…」 

「細路！」 

「咩話？」 

「細路，醒啦！」 

「醒？」 

「係街訓會死架，細路…」 



「咩呀？」 

「好醒啦！」 

「唔…」 

「信唔信阿叔我一掌打撚醒你！」 

「打…打乜春呀…」 

「準備…」 

「小玲去左邊呀？」 

「打撚死你！」 

啪！

此啪不同那啪。 
此啪不爽，卻痛。 

我摸一摸自已的臉頰… 
很痛… 
再看一看身邊， 
很多啤酒罐… 
我在哪？ 
小玲去了那？ 

剛剛明明和小玲很親愛…為何又會不見了她… 
為何會這樣？ 
剛剛不是要我抱嗎？ 
為何又不見了… 
又不要我了嗎。 

「你條仆街了，執返你d野啦！」 

我看一看發出聲音的方向… 
看見一個中氣十足的阿叔站在這， 
背心配短褲。 
真男人。 

「望望望乜撚呀，頭先係阿叔打你既，係唔係唔服呀？」 

或許，剛酒醒，頭還是很痛。 
我沒有選擇還口。 
何況，真的是我弄到整地都是啤酒罐… 

可能阿叔見我不還口， 
以為我怕了他… 

「阿叔打撚醒你呀，聽日未再俾我見到你訓係到呀！」 

我也沒氣力理會他… 
我再次倒在地上， 
看著天。

昨晚我錯了嗎？ 
為甚麼要我醒來… 
我不想醒… 
我想沉醉在那美妙的夢境中… 
那個夢才有我的目標… 


「屌你老味呀！起身啦仆街仔！」 


為甚麼還是要我起身… 
我不想去面對， 
就由我在這公園度過餘生吧。 

「我真係會打撚死你架！」 

打吧打吧。 
我死了也不可惜。 

「屌…家陣d後生真係呢…」 
「媽媽，個個哥哥做緊咩呀？」 
「唔好睇唔好睇，醜死鬼呀。」 

很醜，我知。 
很沒面子，我知。 
但我還能做甚麼？ 

「起身啦，後生仔。咩都有得補救，何必借酒消愁。」 

「你唔明架啦。」 

我躺在地上動也不動。

「無咩明同唔明。只有分你做同唔做。」 

或許， 
連個天都不太喜歡我， 
太陽很曬， 
很熱， 
身邊的人很煩， 
很打擾。 

但… 
我知…我現在是錯的。 
無論有多頹廢…有多失敗， 
我也不能表現出來… 

因為我是一個成年人。 
我需要強裝，裝完再裝。 

想清了， 
我起手拍一拍臀部上的灰塵。 

「仆街了，走啦過主啦！」 

那個打醒我的人再一次叫罵… 
我不知我得罪了他甚麼， 
他就是討厭我。 

不理他的叫罵， 
我看一看手機， 
手機上顯示著有九個未接電話，四個短訊。 

說真的， 
我希望其中會有小玲。

未接電話 
小飛 03:23 
小飛 03:40 
小飛 06:36 
小飛 06:40 
小飛 06:45 
小飛 07:15 
小飛 07:20 
小飛 07:45 
小飛 07:56 

短訊 
「做咩嘈醒我呀仆街…」 
「做乜尻唔聽電話？」 
「出事了？」 
「你係邊？我去緊你屋企搵你。」 

毫無疑問， 
全是小飛。 
真的不知是好笑還是好嬲， 
原來昨天還未醉的時候， 
撥給了小飛… 
到現在，小飛以為我出事了… 
但…我又真的是出事了。 

看一看手機上的時鐘， 
八時十分。 

原來我在這個公園度過了這麼久… 
我彎下了腰， 
捨回了屬於我的啤酒罐， 
再將它們掉進垃圾箱。 

「鈴…鈴…鈴」 
不用說， 
我也知道是小飛。

「有無事呀？」 

和我的想像不同， 
我以為小飛一開始便會用粗口問候我… 
但，他沒有， 
反而更關心我… 
真的很窩心。 
真的。 

「有掛…」 

「做咩事？」 

「我訓左係公園成晚…」 

「屌你…同我曬命你打野戰呀？洗唔洗我幫你接力呀仆街？」 

「…我自已一個飲悶酒。」 

「ok我收返頭先個句，咩事？」 

接著， 
我便將我和小玲發生的事告訴了小飛。 

「就係咁…」 

「明。你返屋企未？」 

「準備返。」 

「咁就岩，我係你屋企門口啦，你返來順手買過m記，快手。」 

我好像有事煩惱… 
你還當我工人… 

「係啦。」 

「唔洗急最緊要快。」 

又係呢d句子， 
明明就係廢話… 
懶係得意咁… 
實情就多尻魚！ 
但就唔明點解咁多人用…

回到家中， 
已經十時到， 
右手手持一袋m記， 
左手手持一盒啤酒。 
我還未喝夠。 

小飛看見了我就走了過來， 
幫手拿了一袋。 

「快d開門啦仆街！」 

「係係…」 

「死得未呀！」 

「我覺得我死左…」 

「無撚用！」 

「屌…」 

「m記真係好撚好食…」 

「係條撚好食定m記好食？」 

「小朋友收聲！」 

「頂…」 

「佢有無搵你？」 

我當然明白佢是誰。 

「無。」 

「你都值明佢出面有仔啦！」 

「普通朋友！」 

「就算係普通朋友又點？so what？佢呃你喎！」 

「佢怕我擔心…」 

「挑，你個撚樣係咁幫佢搵籍口，你都知你自已既選擇啦！」 

對，我還是掛著小玲。

「掛住又點樣呀…」 

「屌，佢未叫你諗好去搵佢囉！」 

「佢同個男仔…」 

「挑，你無女仔fd？」 

「但我無咩約定呀…」 

「屌你，你問佢未得囉！」 

「我又唔想…我想信佢…」 

「屌你老味！你未煩囉！又要威又要怕。」 

「…」 

「一係你就信到底，一係你就問佢…」 

「…」 

「又要扮偉人又要擔心。做乜尻姐你？」 

「咁佢同個男仔…」 

「都係個句…你一係問佢跟住好返，一係信佢好返！」 

「仲有無得簡？」 

「簡簡簡簡你老母呀！」 

「…」 

「再唔係分手囉！」 

哇…唔得！ 
呢樣真係唔得。 
打死都唔簡呢樣。

「唔得。」 

「未係囉…咁又唔得咁又唔撚得。」 

「但我又想知佢同個男仔…又唔想俾佢知我唔信佢…」 

「不如你去叫雞啦！」 

「屌你…」 

「天下邊有咁撚多兩全其美呀！」 

「但…」 

「但乜撚野呀…佢都做到咁啦，你仲唔知佢真係愛你咩？」 

「我知…但我介意…」 

「你搵子琳有無錯？」 

「你叫我搵架…」 

「我叫你去叫雞唔見你去叫？」 

「點同…」 

「未又係我講！」 

「咁…咁…」 

「記住呀最後決定個個永遠係你。」 

「…」 

「佢等緊你。」 

「但…我…怕佢又再搵個男仔…」 

「知唔知點解上帝俾個嘴你？」 

「…」 

「俾你用來講野呀仆街…唔係俾你俾人口爆呀！」 

「咁點同佢講先得？」 

「洗唔洗我教埋你點樣屌佢？」 

「屌你…」 

「好心你唔好咁擔心，做男人做得豪爽d！邊個無錯過先。」