英雄同盟戰: 18.Troopers

「直.....」

直升機降落到中環海濱



「叢雲！！！！！」

阿白一落機，就跑到叢雲身處既草地上






「阿..阿白...」

叢雲見到阿白，馬上展露笑容


「叢雲，你受左傷呀！無事丫嘛..」

阿白溫柔地扶起叢雲






「無事...呢啲傷好快好返架姐」


「不過..叢雲你無事，我就放心啦」




「小優bb豬，我都受左傷呀！快啲黎扶我啦！」





彌生不停擺動身子撒嬌


「哼，你仲識得郁，仲駛乜我幫呀」

小優裝作生氣:「你自己爬返去啦！」


「唔好咁啦小優bb豬！」

彌生捉住小優既小腿:「你冇陰質呀，你咁樣我好lonely架~~~」


「麻鬼煩！」





小優拉起彌生:「你呀..唔好再咁爛賭呀，最後咪又係要擔心你」


「哈哈，一定一定」



「光晨！你醒下啦喂！！」

「光晨先生！！唔好死呀！！！！」

阿咲同素素不停拍打，祈望光晨可以醒來






「咳..咳！！！！」

光晨慢慢張開雙眼

「嘩屌..你地兩個駛唔駛咁大力呀...內臟都比你地拍爆啦」


兩人見到光晨平安無事後感動流涕，大力擁抱住光晨

「太..太好啦！！！」


「我邊有咁容易死呀...話事話啦」

光晨回頭望住阿夙既屍首:「估唔到你地兩兄弟都幾犀利喎」






「嘿嘿駛乜講！」

彌生將一盒紅萬拋給光晨:「整返支啦！」


「多謝喎」


「喂！受左傷仲食咩煙呀！」

「係囉，光晨先生你顧下自己身體先得架！」

阿咲同素素就如保姆一樣






「唉..你地好煩呀！」



「花仔榮」

阿孝一腳踢往花仔榮處:「扮夠死未？」


「哇好痛，我係傷者黎架，你唔好咁暴力得唔得！？」

花仔榮苦笑道:「不過今次，總算睇到吸血鬼既實力啦」


「嗯，要同迪拉斯繼續戰鬥，就需要佢地既力量，不過...」



「喂！！！大家無事丫嘛！！？」

瞳瞳帶住其他人路到過來


「無事，所有人都死唔去」

阿孝冷笑道:「瞳瞳，今次做得唔錯」


「哈，多謝」

瞳瞳道:「今次總算成功守得住香港既IID分部」


「淨返既善後就交比發叔同佢既人馬啦，我地淨係識打交既姐」

阿孝對眾人道:「一陣我會送返大家去基地，果度有醫生為你地治療」




「怕乜丫！我地吸血鬼好快...」

小優馬上掩住彌生:「喂佢地唔知架！」


「頭先瞳瞳講左比我地知啦」

薰姐姐笑道:「不過其實都無乜問題丫，咪又係正常人」


「咪係囉，又唔係真係吸血既！」rina半開玩笑道



「係喎..咸濕阿哥呢？」小櫻剛剛發現，阿七並唔在場


「佢條撚樣話要去搵果個西女人喎」阿彩悔氣道





「露露！露露！！」

除下戰鬥服既阿七氣急敗壞跑到灣仔地鐵站


「結衣bb，估唔估到露露bb呀？」


「頭先最後一次影到佢已經係響灣仔地鐵站入口既人龍度啦」



「激氣！」

阿七逼入地鐵站內既人羣中

「唔該借借！唔該！唔該借借！」


「雖然知道露露bb無事，但係...」

「我都係好想，親眼...見到你呀！」



阿七幾經辛苦，總算成功逼入大堂


同時，佢亦望到，遠方既一名穿白色長裙既少女



「係...心...心..」



「露露！！！！！！！」


阿七既呢一聲大叫，成功壓過周圍擾人既雜音



「.....」

露露慢慢轉頭:「阿..七...」


「露露！！！！」

阿七推開周圍既人，衝向露露處


「阿七....！」

同樣，露露亦朝住阿七方向，用盡氣力奔跑



「露露！」

「阿七！」






「就係咁啦..我同露露就重逢啦....嘻嘻！」

阿七含春地將三日前發生既事講出



「車........！！！！！！！」

大伙兒聽到故事既結局後，紛紛報以噓聲



「你係咪男人黎架阿七！呢個時候就緊係表白啦！」

攤響病床上既光晨氣道


彌生食住薯片笑道

「咪係囉！你真係唔識溝女架喎」


「咁..咁我覺得溝女真係要慢慢黎嘛....」

阿七聽到大家潑冷水，唯有自我安慰


「慢慢黎慢慢黎..好快比人追左架啦！」

rina回頭望住智也道:「智也果陣追我不知幾落力，出過三次街表白啦！」


「呃..哈哈...」被妻子翻舊帳既智也只好苦笑


「你笑得咁hea係咩意思呀？」

「冇...冇呀...」



「係喎，阿德，你係咪有啲野唔記得左呢？」misa奸笑道


「吓？有咩？哈哈...」阿德心感不妙


misa拎起手機，播放錄音

「你唔好嘈啦！我應承你，我地一定大步攬過架！我地仲要結婚架！」


「今次我地無事啦喎，咁你肯結婚未呀？」


「呃...呃...」



「結婚！結婚！結婚！」

「娶佢！娶佢！娶佢！」


響群眾壓力下，阿德只好屈服

「唉好啦好啦好啦，結就結啦」



「好野！咁一個月後就擺酒！」misa興奮道


「吓咁快？！」阿德嚇到目定口呆


「緊係啦！驚你反口呀！」

misa再講:「至此姊妹團..我想請你地做呀！」


薰姐姐哈哈笑道:「好呀，實好好玩既姐！」



「阿白呀，你同叢雲黎唔黎呀？」misa問同自己相熟既阿白


「好呀..不過叢雲...」

始終叢雲先係自己既男朋友，一切以佢既決定為先


「...好丫，最緊要阿白你鐘意」

叢雲道:「阿白，我諗住黎緊搬返去大阪，咁起碼我地想返黎同大家聚下都方便好多」


「嗯！」

各位女生響今次事件中都成為好友，理應可以繼續保持關係



「咁小優你地呢？」新月問


「哈哈，我地就緊係留返響香港啦！依家又有你地一班老友陪我！」彌生搶答


「嗯..都係既..其實響美國真係好悶囉」小優鬱悶道





「咔！」

走入病房既，係拓也


「係你呀..有咩事呀？」


「各位午安，今次入黎係想同大家講返，今次既任務各位都表現得好好」

「一億既酬勞將會於聽日以現金方式派比大家」

「另外，依家任務完成，大家都可以隨時離開呢個基地，樓下亦有十幾部車供大家使用」


「就係咁，再次多謝各位」


拓也傳完話後，就轉身離開




「拓也...！」

小櫻跑出病房，叫停拓也


「小櫻...做咩事呀？」


「我....我....」

小櫻鼓起勇氣:「黎緊既果個星期日，我想同你...一齊去長洲玩....」


「長...長洲？」


「嗯，果度好多野食好多野玩架！」

小櫻臉蛋都熱起來:「我想同..拓也你...」



「阿孝比左一個月假，應該可以」

拓也輕易答應，令小櫻有點意外


「真..真係既？」


「嗯」



「咁..星期日中午十二點，中環碼頭見啦！」


「嗯」


小櫻雀躍地跑回病房

對佢黎講，成功約到拓也，比起尋日於文憑試拎到4科5*既佳績更高起


「小櫻...」

拓也望住無人既通道，沉思著




PAZ基地，會議室


「花仔榮，你既傷仲好嗎？」發叔問


「還可以啦，死唔去咁啦」

花仔榮無神無氣反問:「發叔唔係應該好忙既咩，仲黎探我地既？」


「係呀，依家我又要指揮中環重建，又要同返政府報告，日日做到無停手呀」

發叔嚴肅道:「不過..我有樣野，一定要黎親口提醒大家」


「係關於今次襲擊既？」


「無錯」

發叔站起，背對眾人


「響捉到幕後黑手連城之後，佢話過最大既敵人係最接近自己」

「我諗左幾日，終於諗到啦」

「今次既襲擊中，明明係響香港發生，點解會無『佢地』既支援呢？」


「！！」

呢一句，挑起眾人神經



「香港IID分部被消滅，邊個會最開心？」



「就係...『佢地』，最接近我地既...『敵人』」


======================

晚上


「瞳瞳、希路，我有啲野想同你講」

「嗯」


阿孝將兩人帶到自己既辦公室

「響今次襲擊既同時，迪拉斯佢地響歐洲方面都有所行動」

「佢地襲擊柏林既生物科學研究所，搶走左大量既金屬古菌」


「聽講金屬古菌係一種可以侵蝕人體，令到人體金屬化，刀槍不入既微生物」希路道


「冇錯，歐洲既IID人員已經追捕緊佢地，不過最重要既係...」

阿孝打開平板電腦，展示一段影片


「呢段係響研究所門口影到既唯一一段CCTV片段..」


一行七人各持步槍，走入研究所


七人當中，只有一名女性

此女留曲啡髮，長瓜子臉，個子矮小



「友.....」





「友美！？」