英雄同盟戰: 17.TRANS AM

「噹！噹！噹！」

兩把刀不停撞擊，倒起巨大聲響


「開左TRANS AM..速度都只係同佢打成平手...」

叢雲不停用日本刀追擊阿夙，但始終未能打破缺口






「吸血鬼能力竟然可以追上我既速度...」

阿夙思索:「不過佢地攻得咁急，似乎係有時間限制」

「拖延時間，再將佢地解決」


「避黎避去，仆街啦你！」

彌生閃到阿夙後面既盲眼位，近距離射擊






「刷！！」

子彈擦中阿夙左肩上


「你絕對唔會快得過TRANS AM！」

彌生繼續用兩把手槍追擊






「係咩？」

阿夙拔起刀，擋下子彈

另一邊就用手槍射擊，阻止叢雲前進


「佢既射擊速度..同彌生一樣」

叢雲面對子彈，只好擋格


「條友肯定係想拖延時間！」





急躁既彌生加快速度，閃到四周，對住阿夙開火


槍林彈雨下，阿夙放棄進攻，專心迴避


「叢雲！係機會啦！」彌生大叫



「嗯」

叢雲收起日本刀，欲以拔刀術擊殺阿夙






「颯！」

叢雲拔刀，刀鋒直砍阿夙頭前


「就係呢度！」

阿夙停下身子，拎起手槍對住叢雲擊下兩槍

「砰！砰！」


一瞬間





子彈擊中叢雲腹中，而刀亦輕輕斬中阿夙既頭邊


「嗚..可惡...」

叢雲雖中兩槍，但依然未倒下，落地後繼續進攻


同時，因為阿夙已經停下一刻，所以亦吃下彌生既三槍



「二打一果然對我不利...」

阿夙面對兩大高手，只能繼續退守






「TRANS AM得返一分鐘，要拿拿聲搞掂佢！」

兩兄弟掌握節奏，不斷擊中阿夙


「呀！！！！！」

縱使阿夙生命力強橫，但中左多次刀傷同槍傷，速度開始減慢



「刷刷刷！！！！」

叢雲用拔刀術屢次斬中阿夙

「仲有三十秒，要快啲殺佢先得」


「砰砰砰！！！！！」

阿夙同彌生互相對對方射擊

兩人同時快速橫移，避過子彈


「你既速度已經開始減慢啦！TRANS AM仲有15秒，你死硬啦！」

彌生極速換彈，向住阿夙雙腳射擊



「弊啦！」

阿夙睇漏呢一記，雙腿中下數槍

「刷！刷！刷！」



「係機會啦」

叢雲反手持刀，用迴旋斬斬到阿夙既腹中傷處



「呀！！！」

阿夙吃中要害一擊後已經失去戰鬥能力，雙膝跪地


「再送你最後一程！」

彌生閃到阿夙既後面:「剛剛好，TRANS AM既最後三秒」


彌生扣下板機


「就算我死左...都唔代表我地迪拉斯失敗」

只剩一口氣既阿夙道:「你地IID...必定會滅亡！」

「迪拉斯...萬歲！！！！」



「砰！」

彌生一記子彈打穿阿夙既頭，了結佢既生命



「....」

TRANS AM既三分鐘剛好完結


連續對付多個敵人，兼且負傷既彌生同叢雲馬上疲倦得倒地



「嗄...嗄....」

彌生望住天空:「好彩姐，如果冇左叢雲你，我一定打唔贏呢條友架...」


「嗯..」

腹部流住血既叢雲望住另一邊，斷去一臂既metal armor，道:「睇黎，今次真係可以休息啦..」






「刷刷刷刷刷刷」

轉眼間，瞳瞳亦將metal armor既右臂打甩


「吼！！！！！」

失去雙臂既metal armor只能使用背部既追尾導彈


「嘿，竟然想用追尾導彈殺我？」

瞳瞳迅速跳到metal armor背後，由得追尾導彈飛向自己同metal armor！！！！



「轟！！！！！」

導彈竟回頭擊中metal armor，將自己炸得失平衝倒地


「追尾導彈，只會一味向目標衝架咋，傻狗」

瞳瞳躍起，避免跟metal armor一齊倒下


「依家..再將你送上西天！！！」

瞳瞳著陸到倒地既metal armor頭上



「鈦合金下話？」

「刷刷刷刷刷刷刷刷刷刷刷刷刷刷刷刷刷」

TRANS AM既高速加上瞳瞳既力量，就輕鬆將metal armor頭殼斬飛

剩下既，就只有眼前既生物CPU


瞳瞳對住面色蒼白，目無表情既生物CPU，自言自語

「雖然你只係被迪拉斯控制，但係..我冇得唔殺你」


「砰！」

輕輕既一槍，就將最後一部metal armor消滅




「呼...搞掂」





「報告，第三部metal armor...生物CPU被毀！」


「咩話！！！？」

對攻陷IID志在必得既老大，聽到後瞪大雙眼:「竟然仲有人可以打低metal armor？！」



「老...老大！！！」


「仲有咩事呀！！！」


「我地呢架船，已經比IID既特工...」




「砰！！！」

艦橋既大門被IID既裝甲兵炸毀

幾十名既IID特工已經包圍住艦橋



「咩話....點解，會探測唔到你地架？！」

老大唔敢相信，IID既特工能輕易上到自己既戰艦


「當然啦，你頭先只係掛住睇戲，無留意到呢架戰艦入到黎既時候，EMP炸彈仲未失效咩？」

發叔響特工群中走出:「我一早已經估到你呢架戰艦會跟埋黎架啦，所以我一早就埋伏一定數量既IID戰鬥部隊響

水底，秘密潛入戰艦」

「你今次太失策啦，連城」


連城被逼上絕境，忍唔住問:「你...識我？！」


「緊係識啦，10年前你既行劫集團比我地IID擊潰，成隊死剩你一個」

「後來你就加入左迪拉斯，做左亞洲區既攻擊司令，多次響中東、東亞共和國搞代理戰爭」

「我仲知道你就係響上年收買我地IID既成員，再設下埋伏偷走Archangel既幕後黑手」


「今次既行動，你無非都係想報仇姐」



「嘿....嘿嘿嘿嘿！！！！！」

連城笑得心寒:「無錯，一切都係我搞既！！你地殺我兄弟，呢個仇我一定要報！！！」


「捉住佢丫，好煩」發叔嘆氣道


眾多裝甲兵捉住連城，用手拷將佢鎖住

「就算今次我失敗，迪拉斯都係唔會放過香港架！！！！！」

「你以為今次我地咁輕易入到香港，背後無人幫手既咩！哈哈哈！最大既敵人永遠都係最接近自己架！」


連城被帶走後，發叔一面嚴肅


「發叔，做咩事呀？」


「無事...」

發叔依然若有所思般:「返去啦，仲有大把野要執手尾呀」



「唔通...係佢地...」