英雄同盟戰: 13.面對世界
「啊呀呀！！！！」
叢雲一刀捅向最後一個人員
「嗚...嘿...嘿嘿...」
身中要害既人員竟不停傻笑
「你笑咩野？」
人員望向維港
「metal armor...已經黎到香港啦！」
「呢個地方好快就要毀滅啦！」
3部20米高既metal armor，從維港中浮上水面
metal armor為直立式，卻有著恐龍式既頭顱，雙手同背部更裝上多種武裝
「吼！！！！！！！！！！！」
metal armor仰天長嘯，簡直要令全香港人都知道
香港，即將要毀滅
「呢部就係...metal armor..」
rina同新月望住海上既3部metal armor，道
「終於都出黎啦，metal armor...」
阿孝望住手錶:「仲有30秒，EMP炸彈就會失效」
「到時，全香港市民，甚至全世界都會知道..迪拉斯攻擊香港IID分部」
「響全世界面前摧毀香港IID，震攝其他地方既IID分部，就係佢地既目的」
「拓也，呢部就係..」仍在應付war doll既小櫻問
「無錯，就係迪拉斯發明既最終兵器，metal armor」
拓也將自己所知既說出:「一部既威力，足以五分鐘內摧毀一個城市」
其中一部metal armor舉起右手既重機關槍，向住港島既街道開火
「轟轟轟轟轟轟轟轟轟轟轟轟轟！」
機關槍火力驚人，掃射一秒已經令街道四分五裂
「救..救命呀！！！！！」
仍響街上既市民，見到metal armor，均爭相躲避
幸好，發叔一早已經準備好既疏散小隊及時趕到中環，灣仔等地區
「快啲上黎！」小隊逐一將市民送上外殼極堅固既貨櫃車上，。避過metal armor既攻擊
「情況有變，依家大家既攻擊目標轉為三部metal armor」
瞳瞳通知各位
「另外，依家EMP炸彈已經失效，所有電子通訊、電力都將會恢復正常」
結衣bb亦提醒
「唔係掛！要我地打咁大部機械人？！」
rina唔太相信呢個決定
「唔得都要得架啦，你驚咪走先囉~」奈央挑釁道
「你講咩話？！」
「嘩...仲高過高達喎...」眼見附近已無war doll，阿德同misa亦都落車，睇住metal armor
「吼！！！！！」
metal armor開始踩上中環海傍地面
新月從阿德既裝甲車後面，拎出火箭發射器Grom
「無辦法啦，點都要試一試...rina，幫我拎彈」
「..哦！」
「嘩乜你識用火箭發射器架？」奈央對住新月一個女仔識用此等武器，感到驚奇
「無，只係睇youtube見過，不過..唔用佢既話就好難搞得掂metal armor啦」
戴上耳罩既新月以坐地式舉起Grom，瞄准metal armor
「就睇下，你地有幾硬淨啦」
「砰！！！！」
炮彈從新月手上既火箭筒發射，直飛到metal armor既胸前
可惜炮彈威力仍然不足，只能將外殼炸至裂開
「唔係掛...咁重火力都只係傷到少少？！」rina睇得目定口呆
metal armor已經注意到三女
「吼！！！！！！」
「呃..弊啦，好似激嬲左佢」新月心知不妙
「吼！！！！！！！！！」
metal armor發射背上既短程彈道飛彈
「佢好似...係射緊過黎呀！！！各位小心呀！！！！」奈央提醒
眾人馬上飛撲開，避過飛彈轟炸
但，裝甲車已經被炸得稀巴爛
「咳...各位有冇事呀？」阿德問
「無事....」
metal armor發怒一般，衝入中環區，追住五人
五人馬上狂奔往灣仔方向，希望逃過metal armor既追殺
「痴線架！！！快啲走呀！！！！！」
「新月，今次比你累死啦！！」rina抱怨道
新月自知累事
「對..對唔住..」
眾人跑到信德中心，遇到仍在戰鬥既小櫻等人
「係你地既？」
薰姐姐驚問:「嘩！做乜果部機械人追緊你地架？！」
「唔好理啦，唔想死就快啲走呀！！！」rina大叫
「拓也..！」
小櫻一邊叫住仍與war doll戰鬥既拓也，一邊踢開包圍拓也既war doll
「快啲同我地..一齊走呀！」
「小櫻...」
拓也望住小櫻:「嗯...」
metal armor繼續進擊
巨大既身軀甚至將地面既war doll踩至粉砰
「咁我地走去邊呀！」
「點知喎」
眾人一片混亂，不理目的地逃跑
「喂屌！依家果部機械人衝緊埋黎我地方向喎！」
阿彩大叫:「咁撚大部，點打呀！」
「metal armor既外殼非常堅固，冇重火力武器既話根本打唔入佢」
希路皺眉:「可惜依家身上無任何火箭發射器，唔係既話..」
「阿七，依家網絡恢復正常啦，露露啱啱send左個錄音過黎啦」AI結衣bb道
「阿七...我今日去左灣仔會展個小說展覽呀，但係...頭先成個會場都冇哂電，啱啱先好返...好多人，好辛苦呀..」
阿七既手機傳黎露露既呢一段錄音
「唔..唔撚係掛！」
一聽到露露既情況，阿七馬上變得緊張
「露露bb佢...仲響會展呀！！！！」
「吼！！！」
另一部metal armor亦漸漸走向灣仔會展方向
「仆街！！！！！！要快啲去救露露bb呀！！！」
希路道:「阿七，你有車牌架嘛？」
「有呀」
「你快啲去救人啦，呢度我地會頂住」
希路道:「失去鐘意既人，係好痛苦既事」
「希路...」
「快啲行啦！仲慢吞吞！！！！」
阿彩怒道:「救完個西女人好快啲返黎幫手呀！！！！！！」
「得..得啦！」
阿七坐上坐駕，向住灣仔奔馳
「結衣bb，依家灣仔會展果個小說展覽既情況點呀？」阿七問
「根據會展入面既cctv影像所得，依家會場裏面大概有二千人，燈光、空調都係響三分鐘前恢復，但暫時入面未
有人受傷」結衣bb回答
「咁..露露bb呢？幫我搵下佢響邊！」
「對唔住呀阿七，暫時仲未見到露露既蹤影」結衣bb早已連接阿七電話及電腦，所以有能力單靠露露既照片，就
追蹤到露露
「激氣！」阿七道:「結衣bb你繼續搵，一發現到露露bb就通知我啦！」
「知道」
===================
灣仔會展內
「唉都唔知咩事！無啦啦停電一個鐘，電話仲要收唔到！」
「唔好理咁多啦，嗱嗱聲返去啦！」
電力恢復後，裏面既人立即逃出會場
「阿七....」
身體虛弱既露露跟住人群前進
「嘩，咩黎架呢部！！！」
一眾市民已經從玻璃外牆發現到
metal armor已經陸續逼近會展
「吼！！！！！」
metal armor咆哮，對住會展舉起右手上既重機關槍
「呃！！！！！」
阿七只用三分鐘，就到達灣仔會展之前
「嗄...」
阿七望住自己身上
「電擊拳套、bb彈機關槍、紅毛泥水槍...無一件對佢有用喎..」
「睇黎..都係要入去救左露露bb先啦」
「颯颯颯颯颯！！！！！」
阿七頭頂既上空傳黎飛機一樣既聲音
「阿七！睇住呀！」
「轟！！！！！」
一副人型物體降落至阿七面前
「呢個咪係...產品編號300，blacksuit！！？」阿七又驚又奇
「好彩啱啱好姐，依家blakcsuit已經全部完成哂啦！」
阿昇道:「阿七..就用佢..救返你個露露bb啦！」
「好！」
為左露露，阿七已經鼓起勇氣
blacksuit感應到阿七既腦波，自動打開
「咔！」
阿七進入裝甲後，blacksuit隨即關上
「登！！」
響阿七眼前既，除左前方既畫面外，亦有監控blacksuit效能既版面，就如ironman一樣
「阿七，你好呀，歡迎你第一次著上blacksuit！」當然，blacksuit亦一早連接上結衣bb
「blacksuit依家一切功能正常，操作方面我可以幫手架」
「好，依家就幫我去救露露bb！」
「明白！」