英雄同盟戰: 12.戰鬥用納米機械
「刷！！！！刷刷！」
突如其來既數十支苦無，將追住裝甲車war doll打退
「呼，好彩趕得切姐，你地冇事丫啦？」
及時營救兩人既，正是奈央
「無事...唔該哂...」
「喂！過黎幫手啦！」
rina用雷明登870將包圍自己既war doll射飛
奈央語帶嘲笑道
「真係估唔到，智也個老婆竟然咁惡架喎，真係辛苦哂我呢個老友囉！」
「你個死八婆講咩呀！我咁都叫惡呀？」
「你地兩個唔好嘈住先啦，專心打左啲war doll，好嗎？」
新月冇理會兩人，獨自應戰war doll部隊
「雖然呢啲war doll攻擊非常直接，但係數量太多，要打低哂佢地都係好辛苦」
「刷！！！！」
叢雲一刀將war doll斬開一半
「哈哈，勁呀大佬」
彌生望住地下一百隻war doll屍體，輕鬆道
「仲以為呢啲war doll有幾勁，我阿嫲都打得贏啦！」
「唔好大意，我覺得呢啲只係前奏黎」
叢雲將日本刀收入刀鞘之際
「叢雲，彌生，有一部潛水艇衝緊向中環海濱呀！」負責通訊既阿白大叫
「！！！」
潛水艇剷到兩人既面前
「咔！」
閘門打開，一個又一個既迪拉斯人員規律地走出潛艇
「呢種殺氣...」
叢雲一臉嚴肅:「果然又係戰鬥用納米機械」
迪拉斯人員取出針筒，刺向自己
「呀呀呀呀呀呀呀呀！！！！！！！」
各位人員馬上青筋暴現，強大既力量從體內湧現
「唉，又比大佬你講中啦」
彌生雙手各取起一把MP443及GSh-18
「呢度咁多件，唔知我地搞唔搞得掂呢？」
「唔掂都要掂啦」
叢雲擺起拔刀術架式:「阿白，唔駛擔心，我好快...就會返到你既身邊」
「叢雲....」
阿白內心歡喜:「嗯！」
彌生笑道
「我都係小優bb豬，呢啲敵人我幾分鐘搞得掂啦！」
「哼...無..無人擔心你喎」小優扁住嘴道
===================
南中國海上
「報告，戰鬥用納米機械人員已經到達中環海濱，即將同『孤獨兄弟』戰鬥」
「嗯」
老大摸住下巴:「IID，就算你整左呢一個小隊，你地都敵唔過...我地迪拉斯發明既戰鬥用納米機械」
「3部metal armor既情況如何？」
「充電100%，隨時可以出擊」
「好，即刻出發」
老大指揮道:「要趕響EMP炸彈失效之前到達香港」
「呢架船亦全速前進，另外通知阿夙出動」
「我要睇住香港IID...被毀既一刻」
=====================
「呀呀呀呀呀！！！！去死啦！！！！！」
使用戰鬥用納米機械既人員實力大增，全力衝往兩人
「刷！」
叢雲即以拔刀術，迅雷之勢將人員砍殺
再以半圓刀法斬開包圍自己既敵人
注射納米機械後，迪拉斯人員既速度已經大大增強
可惜，同孤獨兄弟相比依然不夠
「砰砰砰！！」
持雙槍既彌生逐一將人員爆頭射殺
「刷！！」
人員成功偷襲，響彌生既背後砍下一刀
「你敢斬我？！！！！仆你個街！」
彌生馬上替手槍上膛，連轟四槍，將對方射飛
「好想出trans am呀屌，殺哂呢班仆街！！！！」
「冷靜啲，你唔記得左仲有3部metal armor咩？可以既話要留住trans am呀」
「可惡，就算佢地既實力麻麻，但係要一次過面對咁多個人員，都係有困難」
叢雲不停躲避迪拉斯人員既槍擊，揮刀反擊
兩人面對密集既圍攻，只好一邊閃身，一邊伺機攻擊
「喝！！！！」
三人同時持刀直砍叢雲既頭頂
「噹！！」
叢雲勉強雙手架刀，硬擋殺招
「呀呀呀！！！」
叢雲用力一震，將三人擊退
四拳難敵百對手，現時既兩兄弟都只係能勉強對付一百人既納米機械部隊
=======================
「終於搞掂！」
光晨掉開彈盡既步槍:「都唔算好難打姐」
「嘿，你頭先打到叫救命喎」
「你聽錯啦明顯」
光晨同花仔榮仍有心情講笑
「光晨！你快啲去幫第五組手啦！」
直升機上既阿咲著急叫道:「佢地依家比敵人包圍緊呀」
「要我幫，有冇咁廢呀？」
光晨更輕鬆得點起香煙
「果啲敵人係新架，佢地比war doll強得多」
瞳瞳亦忍唔住開口:「唔知道...光晨你可唔可以幫手呢？」
「...哈哈...緊係得啦，依家即去！」
「唔該哂！」
阿咲見住此情況，心中氣憤:「呢個光晨丫，係都要靚女求佢先肯去！」
=======================
「刷刷刷！！！！」
叢雲同彌生繼續迎擊:「第67隻！」
「暫時都仲可以應付到，不過，再打落去既話體力未必頂到之後...」
面對剩下既三十隻，兩兄弟先退後，重擺架式
「呃！！！！！！！」
此時，一架本田type r以高速衝向迪拉斯既人員中
反應極快既人員輕鬆避開撞擊
「嘩屌...啲人有冇咁快呀」
手執牛肉刀既光晨同花仔榮行出車外
花仔榮回答
「呢啲人員全部都注射左戰鬥用納米機械，反應同力量都增強左幾倍」
「光晨，呢啲同頭先既war doll完全唔同架」
「你地遲唔遲啲呀？我地兩個都打左成七十幾隻啦！」彌生抱怨道
光晨望住地上既war doll同人員屍體，心想
「佢地兩個人唔單止比我地更快搞掂一百隻war doll，仲一次過殺左七十個人員」
「呢兩兄弟..到底係咩人黎...」
「就算有幫手..你地都必死無疑！！！」
餘下既人員竟然再拎出針筒
「哇屌，仲打針？！」
「就好似...果陣既直樹一樣...」叢雲心中一寒
「死！！！！」
速度再次加快既人員圍攻四人
光晨及時用牛肉刀擋下刀擊
「真係...好快！」
「砰砰砰！！！！！」
人員連續開火，子彈擊中光晨身穿既防彈服上
「好彩有阿七整既呢件衫，如果唔係....」
「嗄...果然同資料中既一樣」
身中多槍既花仔榮道:「我地普通人要同戰鬥用納米機械鬥真係好難...」
「呢兩兄弟...真係好勁」
叢雲同彌生依然未中一槍，繼續同人員周旋
「睇黎，呢種速度只有我地先追到..」
叢雲不斷撓到人員身後，一刀斬至分屍
「砰！砰！砰！」
彌生左右開弓，全部子彈都正中敵人要害
「佢地加快左速度，搞到我地都要被逼加速，好攰呀！」
光晨同花仔榮響追唔上速度下，只能守株待兔，等待反擊機會
人員多次以刀作近身戰，均被光晨以格鬥術制服
「颯！！！！」
人員閃到光晨下方既盲位，拔出日本刀，砍上光晨身前
「！！！」
光晨及時使出雙手成掌，空手入白刃，擋下斬擊
「仆街啦！」
光晨運勁一扭，將日本刀一分為二
「鬥大力，你唔會贏到我既！」
光晨一拳擊往人員頭顱，威力足以將頭骨打碎！
====================
遠處既添馬公園上，一名紅髮男子正目睹四人戰鬥既情況
「哼，孤獨兄弟果然名不虛傳」
手持住三支針筒既阿夙遙望維港上既海浪
「終於...要黎啦...」