Rubbishptgf 賤男週記: 分手
仲有一個月我地就會去東京。雖然呢兩個月嘈得好勁，不過我心入面都希望可以用呢個trip去修補返大家既關係，始於呢個都算係我地一周年既紀念旅行，希望所有野都可以比上次做得好。
其實d酒店同機票一早就已經book好晒。不過芷純一向都好鍾意d酒店既浴缸可以向住個窗，因為咁樣可以比佢影到d靚相。於是我就research左好耐搵下有邊間酒店有d咁既浴缸。
我：「bb^3^。原來我地本身book左果間酒店都有浴缸對住窗既房架:D 。」
芷純：「好靚丫#love#。不過佢個浴缸唔係打橫既#oh#。等我搵下有冇d靚d架先:D 。 」
我：「呢間最貴最新，一定最靚:D 。」
芷純：「唔係喎，你睇下呢間:D 。呢間靚好多。 」
我：「呢間好似得4星xx( 。好似好cheap咁。」
芷純：「但我鍾意丫麻。我覺得呢間靚d:-[ 。 」
我：「信我啦，我去過日本咁多次:D 。」
芷純：「我鍾意咪得，你都唔知我鍾意d咩:-[ 。 」
我：「信我啦，我book果間靚好多架xx( 。」
芷純：「點解唔可以就下人姐？我唔鍾意就唔鍾意架啦。 」
我：「點唔就你法#ng#。就係您話鍾意呢d 房，我全日返工就係到search比您。」
芷純：「總之我鍾意呢間。 」
我：「唔想住果間丫，咁cheapxx( 。」
芷純：「咁最好唔好去。痴痴地，人地話果間最靚話唔住，去成10日住同一間酒店。一d都唔會take care下人地感受。 」
我：「唔take care您感受？之前大家本身講好去沖繩，之後見您同隻狗公講話想去東京，我即刻轉同您去東京。本身23號先去，您一句話想早d 21號去，我即刻改。您話鍾意浴缸對住窗既房，我返工全日唔做野就係到搵比您。咁樣真都叫唔理您感受咩。我既感受您又有理過咩。」
芷純：「咁女朋友話靚有咩問題？女仔係鍾意影相架啦。您唔鍾意您咪同第二個去囉。沖繩我不嬲都唔鍾意去架啦。 」
我：「咁係咪唔洗理我既感受？」
芷純：「係。我係女仔，我要影相就要搵我最鍾意果間。 」
我：「您都講到話唔會理我感受，我冇野好講。」
芷純：「咁唔好去啦。bye。 」
我：「都唔知呢兩個月您發生咩事會變成咁，以前您好就得人架:-( 。」
芷純：「以前就算我唔鍾意我都會就你。但我發現咁樣唔係我自己。我以後都唔會咁。我唔會委曲求全。我係我自己。想走隨時走。唔好講廢話。唔轉返果間唔好講野，唔想再嘈，唔去咪唔好去囉。 」
我：「我就左您咁多野，點解唔可以就返我一樣呢。」
芷純：「我要我男朋友就我，如果講唔岩最多咪唔去囉。同埋呢d好小事姐，女仔想影相，男人老狗住邊有咩所謂？ 」
我：「我就算就左您呢次又點？兩個人一齊唔係應該大家就大家架咩。」
芷純：「總之唔轉既我地就唔好再提去旅行。 」
我：「嗯。」
果一晚，我地都冇再同大家講野。我諗極都諗唔明，點解一間酒店都可以比我更加重要。
之後果晚，我收到佢既whatsapp msg。
芷純：「bb。 」
我：「？」
芷純：「你就這樣不要我了嗎😭。 」
我：「係你唔要我。。」
芷純：「覺得你唔再愛我唔再在乎我。 」
我：「係邊個唔在乎唔再愛呢？呢兩個月黎，講左幾多句想走就走。想分就分，唔鍾意就走，您話您冇所謂。cut左我幾多次線。鬧左我幾多句。明明當初做錯野果個係您，搵其他人傾計既係您。但您就為左唔好令自己完美既形像冇左，呢兩個月就不停搵野去發我脾氣，鬧我，講我邊樣野唔好，果樣野唔好。等您個心好過d, 想我覺得錯既係我，您仲係咁perfect。
Ok ,我冇所謂，我愛您，所以呢兩個月就算幾無理既事我都一一接受。唔傾電話，唔msg咁多，唔比再睇你電話，比你講粗口鬧，為左其他男仔去嬲我，話我，全部野我都要照單全收。
Ok唔緊要，呢d野我都可以包容。我更加錫您，八號風球我都落街買外賣您食，工都唔返同您睇醫生，比您鬧成點我都照唔發脾氣。但係我唔可以忍受到我既伴侶隨時會block我ig fb, 隨時會同我講你唔鍾意就走，唔鍾意就散。唔係因為呢d說話有幾難聽，而係聽完之後我唔會再覺得我對你有幾重要。今日您再講我其實已經冇咩感覺架啦，因為呢兩個月黎您講得太多次。我隨時都要ready您會唔要我，隨時都要ready您會飛我。
我唔係嬲，係呢兩個幾月我已經傷心到唔識用言語去形容，見住一個自己鍾意既人變心，變成咁。我晚晚一個人都係到喊，係到寫日記，想好似以前自己一個人咁去氹自己。我成日同自己講，我以前果單身果六年都係一個人架啦，而家我一樣得架。
不過原來唔係架，我成日以為自己好堅强，其實只係以前我未真真正正鍾意過一個人，所以先唔識傷心。我知您有愛我架，不過真係已經係半年前既事啦。而家您愛既係您自己。雖然我錫您，好多野都包容您就您，但我都想有人錫下我，氹下我。我唔知道以前既您到底係您扮出黎定係真係咁。
我成日都同自己講，因為您細個，唔識就人唔識包容人。所以就算您點樣我都選擇繼續落去，希望有日您會改，會慢慢變返以前咁。不過我呢兩個月我真係盡晒力，我發覺您對我只會越黎越差，我係您心目中既地位都會越黎越底。因為我只係一個鬧都唔會走，隨時都可以掉埋一邊既男人。 」
芷純：「我呢個月我係好似以前咁錫你架，係你自己唔覺。你講到你咁愛我錫我，我唔明點解唔可以住一晚我揀既酒店？係咁話人污糟話人cheap。怕污糟咪唔好去旅行咯，唔好叫雞咯。叫雞個陣你又唔覺污糟？你話你愛我。點解咁都唔就人？我地之間永遠都有解決唔完既問題 我地大家都硬頸 大家都唔會就大家。」
我：「算啦。我打左咁多字您都係唔會睇。您搵返我就係想鬧我既您隨便啦。搵人傾計，搵人食飯叫做好似以前咁錫我？」
芷純：「我無做d對唔住你既事喎。我冇同人上床喎。 」
我：「係咪冇同人上床就代表冇唔岩？」
芷純：「係。我冇鐘意人。你話我偷食既就慢慢。想分手直接講咪得，兜咁大圈做咩？ 」
分手，又係分手。我內心好想自己決絕d，之後果兩個鐘我都冇再答佢野。
芷純：「😣。 」
我：「😕。」
芷純：「我要你😭。 」
芷純：「我好掛住你😣。 」
我：「要我做咩😕。」
芷純：「我愛你😣。 」
我：「您愛我點解會成日叫我走😢。」
芷純：「你知我唔係講真😣。 」
我：「😣我唔知。您以前唔會咁講。」
芷純：「你以前都唔會唔要我😢。而家會啦。 」
我：「😣您成日叫我走，掉轉我成日都叫您走，我諗我叫一次您就走。。」
芷純：「係架🤦🏼♀。 」
我：「所以其實您真係一d都唔介意冇左我😔。」
芷純：「我覺得你而家唔愛我了😢。 」
我：「如果呢兩個月為左做既野都叫唔愛既，我都唔知講咩好😕 我覺得您已經唔再鍾意我，同以前好唔同，變左第二個人咁。」
芷純：「我鍾意丫😢。你知我唔會特登搵返你既平時😣。 」
我：「😞長期比您咁發脾氣，比您咁鬧，我可以點。」
芷純：「咁都可以鍾意既姐😢。我覺得你無以前咁愛我啦。 」
我：「😞您鍾意一個人，點會捨得叫佢唔鍾意就走。」
芷純：「你知我唔鍾意人地唔就我 你知我唔係講真😢。 」
我：「因為您都唔係以前既您😢以前既您好好，唔會鬧我，唔會亂發脾氣。」
芷純：「咁你而家係咪唔再鍾意?😢。 」
我：「😢我唔想比人鬧，比人叫我走。」
芷純：「你唔想比人鬧但你唔會就我🤦🏼♀。您都未答我。 」
我：「鍾意。只係比您鬧到有d心淡。覺得您變左第二個人好耐，變唔返以前咁，我幾努力都冇用。」
芷純：「但我唔鍾意人地唔就我😢。其實你就我我就唔會發你脾氣。我呢兩個星期已經變返之前咁架啦😳。 」
我：「我識您果時您都唔需要我好似而家咁既。」
芷純：「因為你識我個陣你都唔會就我。 」
我：「當初大家鍾意對方既，都唔係而家既大家。」
芷純：「你以為我唔會發脾氣唔會鬧人，我以為你好識就人唔會打人唔會鬧人。 」
我：「我自問已經好就您，但係您要果種就，係狗公咁就。我想我女朋友間中都會就下我氹下我。我想要既係愛情，係大家都有付出，唔係單方面就人。」
芷純：「我無付出？你口口聲聲話我頭半年愛你之後就變左另外一個人。請問我放學仲去等你收工個d係咩？雖然我唔係成日去。 」
我：「您接左我兩次咋喎。仲有一次您訓著左。好多次叫您黎都唔黎。果次仲要係岩岩您同人傾完計果次。您知唔知我每一日放工都會ff我收工果時您會係樓下等我比驚喜我。不過耐左我都發覺我自己on9，您邊會去比驚喜我。。」
芷純：「呢個禮拜我都想黎 但我每次黎我都會話你知 因為我唔話你知我唔知你會係邊度出黎。我話左比你知又無驚喜。 」
我：「我好介意您山長水遠去搵人。但叫您搵我您總會推三推四。您都話原諒他77次套戲個男仔散左即刻搵第二條女有幾唔岩。但果次同您嘈交，您轉個頭已經可以即刻搵佢。佢叫您影相，您即刻可以send張自拍比佢。前兩日我叫您影相，您都唔肯影。」
芷純：「我而家冇再搵佢啦喎。清者自清。 」
我：「早幾日您同我講話您第三次約我果時根本就未返空姐course。我真係唔明您點解可以咁多大話。仲要咁岩果晚您成晚唔見左人話個電話壞左，有冇咁岩？」
芷純：「你都痴撚線，第三次見你之前我係諗住減下肥先見你。你有撚病？on撚鳩。 」
我：「減乜撚野肥？一晚減肥？」
芷純：「永遠叫雞啦你。收皮啦。果陣成十幾日冇見就係食少d諗住減肥見你。on99。你唔撚信我都冇撚計。你呢d pk對你好d都唔撚得。收皮啦。我果陣拍拖就唔會同你一齊啦。on9。 」
我：「冇拍拖，有約人姐。」
芷純：「我對天發誓我剩係約過你一個。你咪搵個邕過我既人出黎囉。 」
我：「細佬囉，不過人地咁靚仔係唔收錢既。」
芷純：「唔撚好講咁多。你成世叫雞啦撚樣。898。係你個阿lam先冇約過人。佢最撚好。 」
我：「您去搵你個細佬做人sp啦，人地有女都走埋去，cheap得你。」
芷純：「你冇病下話？你又知？做sp洗同你一齊？跌撚壞個腦？ 」
我：「你知唔知咩叫sp架，有男朋友唔可以有sp？」
芷純：「我講最後一次我無做過人sp無約過其他人淨係約過你一個拎左你$10000係咁多。清者自清。你個阿lam最撚好。 」
我：「冇你個狗公咁好，電到你喎。山長水遠去比人撚。」
芷純：「😂你覺得我咁cheap？係佢溝我。傻鳩。 」
我：「咁你咪搵返佢囉，反正咁電到你。」
芷純：「快撚d去搵你個阿lam屌啦，比左錢冇屌好唔抵架😽。 」
我：「冇計啦，邊似細佬咁唔洗比錢屌到，冇佢咁靚仔。仲成日走去stalk人條女個ig。情敵呀？」
芷純：「同你個阿lam去爆房啦屌你😽。 」
我：「我係有約過阿lam，係有屌過佢。呢d全部都係同你一齊之前既事，我從來冇唔認。我之前點玩都好，都唔會好似你咁拍緊拖果時搞咁多野。」
芷純：「你話我做過咪做過咯😽。天知地知。我個西上年到而家未比第個人屌過。同我分手咯。想講咪直接d😂。兜咁大個圈做咩姐😆。 」
我：「下，未分架咩？」
芷純：「分左la?🙀。ok。 」
見到芷純whatsapp個頭像冇左，我就知道，佢又block左我。我覺得我自己今次都要狠心d，我同自己講今次一定唔可以再讓步，於是我都block左佢。
就係咁，時間一日一日咁過去。每一次同佢嘈交，我心情都會好低落，返工果時做咩都冇心情。成個世界好似失去左重心咁。返到屋企之後就攤左係床到，咩都唔想做。
兩個人，點解會由相愛變成今日咁樣？
同佢一齊咁耐，都係第一次試過成個weekend都冇同佢講過一句野，第一次成五日都冇一個msg。
我內心真係好想知道細佬.係咩人。我終於都忍唔住，係ig msg 左細佬. 條女。我決定要問清楚呢件事。
我：「你好，我想問你係咪識我女朋友？我有少少野想問你。thanks。」
細佬. 女友：「我唔識丫。」
我：「但係我見你地ig 有傾過計架喎。因為我之前係佢whatsapp見到段好奇怪既對話，後尾先知佢係你男朋友，所以想問下你知唔知咩事。」
我send左之前係芷純whatsapp cap低既對話圖比佢睇。
細佬. 女友：「係幾時既事黎？」
我：「五月既事，我女朋友話佢同你男朋友阿媽好fd，成日會上佢屋企食飯。」
細佬. 女友：「冇理由架喎，我同佢阿媽好熟，冇聽佢講過。d對話真係好奇怪。。。」
我：「係。我真係好唔明點解會同一個男仔fd到會成日上人屋企。」
細佬. 女友：「我而家問我男朋友。如果件事係真既話，我會同佢分手。」
我：「我問親佢都比佢屌，好灰😞。」
細佬. 女友：「點解你咁都忍到😂。多謝你話我知。」
我：「鍾意人係咁架啦，不過唔想做傻仔，所以想問清楚😞。」
細佬. 女友：「佢認左啦，岩岩問左佢。」
我：「認咩？你比d心理準備我😞。」
聽到佢咁講，我心入面真係好驚，好驚知道真相。
細佬. 女友：「全部野。。。我唔想hurt你。。。你自己問你條女啦。。。」
我：「你講我知啦，唔該你😞。」
細佬. 女友：「呢個女人好恐佈，我唔敢相信所有關於佢既野。你仲同緊佢一齊？」
我：「冷戰緊。」
細佬. 女友：「你女友成日係ig 聊我問我d衫係邊到買。我覺得佢係覺得聊到我男朋友好叻。」
我：「咁佢地係咪姐係有野😞。」
細佬. 女友：「有。佢話食過幾次。我bf話好耐冇搵佢，係你條女主動聊佢。佢話佢地係街到識。可能係你地嘈交果時你女友先會搵佢。恕我講句，佢真係好無矜持。」
聽到呢到，我個心又好似比人吉多幾刀咁。腦海中諗返起好多佢以前講過既野。佢話佢拍過一次拖？我係第二個同佢扑野既人？佢同細佬.冇關係？當日佢係諗住上佢屋企搞野？
我：「係咪呢一年內既事。。。」
細佬. 女友：「應該係。。。」
呢一年既事？到底我做左幾耐傻仔？我心入面不停問自己。果一刻，我真係好嬲。
細佬. 女友：「你唔好再信佢啦，你條女好多大話。」
我終於都忍無可忍msg 左芷純。男人忍咩都得，就係唔可以忍戴帽。
我：「屌你仲話同細佬.冇野？佢條女講晒我知啦八婆！」
芷純：「你講乜鳩？」
我：「你仲扮？我唔該你比返晒d野我，我一蚊都唔想洗係你條偷食既仆街身上。」
芷純：「你收皮啦。msg 人地條女，你on9？放心，我唔會要你d垃圾。你慢慢話我偷食啦on9。」
我：「得架啦，人地條女都準備分手，你可以做人正印架啦。」
芷純：「我同你一齊冇做過對唔住你既事。」
我：「到而家人地有晒人證你都可以唔認，你真係好野。」
芷純：「你鍾意咪msg 人條女慢慢拆散人囉。」
我：「係你拆散人姐。」
芷純：「隨你點講，野我一定比返你。」
我：「點解你個人可以衰成咁？原本我呢幾日真係好掛住你，我真係估唔到你會偷食咁仆街囉？」
芷純：「你放心啦，我要邊個d野都一定唔會要你d野。總之我同你一齊冇做過對你唔住既野。」
我：「你收皮啦。仲講呢句？人地條仔話自己偷食黎屈你？」
芷純：「我冇偷食。我呢一年冇同其他扑過野。係咁多。」
我：「你收檔啦。我一定爆晒你d衰野比人聽，正仆街。」
芷純：「慢慢，唔好再msg我。你要拎野就過黎，唔黎就算。我當呢一年浪費時間。」
我：「你收皮啦？偷食仲係到扮偉大？」
芷純：「我冇偷食，我對得住天地。」
我：「對你老母。」
芷純：「你咁樣好過d你慢慢。我之前有，不過同你一齊之後冇。之前我單身。」
我：「你真係好撚野。邊個話同我係第二次扑野呀。」
芷純：「so？但我冇偷食。」
我：「你收皮啦。你果日仲去搵佢咪係西痕囉仆街。」
芷純：「係佢搵我。你黎到你msg我，係咁。」
好快我就渣左車去芷純屋企樓下。或者我真係好想聽到佢親口同我解釋。
冇幾耐，佢就落左黎。佢拎住我送比佢既書同埋銀包上左我車。
芷純：「對唔住。」
我：「您冇其他野想講？」
芷純：「我想講我同你呢一年我冇偷過食。」
我：「點解你仲可以唔認？」
芷純：「我同佢果d係以前既事黎。果時我同我ex散左之後先同佢一齊架。佢果時岩岩同佢條女散左，我地先一齊。點知佢條女返黎果時佢又揀返條女。而家我先係受害者呀！我先係比人hurt果個呀！」
我：「你好撚hurt 呀而家？咁你咪返去搵人囉。」
芷純：「搵唔搵都唔關你事啦下話？」
芷純放低晒d野係架車到就落左車。
我：「走啦你。我以後都唔想見到你。」
我將佢d野全部掉返出去比佢。心入面好唔明點解佢會講得出呢d說話。我又忍唔住喊出黎。
芷純執返起d野好冷淡咁講左句：「係你自己做成架咋。」
之後佢冇回過頭就走左返上去佢屋企。
我自己做成？我做成d咩？我真係好唔明。我又諗返起當日佢同細佬.既對話。
細佬：「dinner? 」
芷純：「夜d ？」
細佬。：「幾夜。」
芷純：「今晚你自己？」
細佬。：「是。」
芷純。：「佢會過黎？」
細佬。：「不。」
芷純。：「我今晚要食母親節飯。」
細佬。：「ok。」
芷純。：「可以夜d。」
雖然只係一段短短既對話。但係已經睇得出芷純係好在意呢個人。芷純亦都講過，分左手就唔應該再搵對方，拍拖果時更加唔應該去搵，因為要尊重另一半。但係點解呢個人玩完佢，芷純都可以諗住再上佢屋企，仲要係係同我一齊既時侯。
我心入面好嬲，但係都好唔甘心。於是我追左上去。
我：「呢個人真係咁緊要？你為左佢放棄我地？」
芷純：「唔係，係因為你搞三搞四，你而家搞到人地以為係我搞散佢地，你影響我形像呀。」
我：「有咩形像咁緊要？你仲好care佢點睇你？」
芷純：「係呀，我不嬲都好care人地點睇我架啦，我係要係所有人心目中都係perfect。」
我：「你要係人地心目中做最完美既人，所以就要放棄我？咁你係我心目中既形像呢？你一d都唔在意？」
芷純：「總之我最撚憎你成日咩都要搞到第三者，呢d係我地兩個既事，點解要搵人地？」
我：「係呀，我都好想知道點解我地兩個既關係會多左咁多人出黎，係邊個搞成咁？」
芷純：「你又要講返以前既野隨便你，我冇你咁好氣同你講，我聽日要返學，咪阻住我。d野你拎返走，我唔想見到係我屋企。」
我：「點解你要咁介意人d無關系既人？佢地散唔散關我地咩事？你係在意我既話根本唔會理其他人。」
芷純：「總之呢，而家佢地就未必會散既，不過我同你就散撚梗。」
我：「佢地散唔散關我春事咩，我理得佢？點解要為左一d外人放棄一段感情？」
芷純：「你慳d啦，咪撚再扮可憐，我唔撚受呢套。走啦，去約你既阿lam啦。係呀，我約過最撚多人，係阿lam冇約過呀麻。你咪信人地講我偷食囉on9。」
我：「咁人地咁講我咪咁信囉，你又從來冇講過我知，你岩岩講返我知我咪信你囉。點解又要拉埋佢黎講？」
芷純：「以後唔會再講，我地唔會有以後，你唔係我想要既野。我地冇可能。你最撚好去叫返隻臭雞。反正都比撚左錢。」
我：「點解要咁，我一早已經改好晒酒店😞。」
芷純：「冇諗住去。叫同你去旅行果個去囉。總之你以後咪撚再煩我。」
我：「其實你一早好似頭先咁講我知我咪明，唔會去問其他人囉😞。」
芷純：「收皮啦你，快撚d話我偷食啦on99。爆晒比我d 同學知呀笨。記撚住講呀，我好撚驚呀。」
我：「你岩岩講完我咪信你囉😞。」
芷純：「你信人地條女呀麻，信佢講啦。搞撚到我罪人咁，搞散人地。我屌你老母呀。仲要話晒我d野比人知。我真係好撚後悔同你一齊，人生第一污點。」
我：「唉，唔好嬲啦😞。」
芷純：「收皮啦，走啦你，你再係到講d鳩野唔好怪我對你唔客氣。唔該你咪撚再搵我。我要訓覺，係咁先。」
就係咁，佢返返入屋，我一個人坐左係走廊，好無奈。心入面又嬲又唔甘心。唔明點解自己盡心盡力去愛對方，但係對方會緊張其他人多d。
因為芷純block 晒我ig whatsapp 同facebook。我返左屋企之後，唯有send sms比佢。
我：「唔好嬲啦，係我唔岩。怪錯左你。但係我呢一年都叫全心全意對你丫，我冇做過d咩對你唔住，又冇鐘意過第二個人。你比次機會我😞。」
芷純：「so what？你打我我呢一世都會記撚住。唔會再比機會你。你唔係我想要既野，我地唔係同一個世界既人。你永遠唔明我想要d咩。」
我：「有時d野唔嘈過交又點會明呢，就好似你從來都唔講你同果個人咩關係 一樣，你唔講我永遠都唔會明架喎。」
芷純：「你收皮啦，咪撚再講鳩野，再講我block埋你電話。講撚晒我d野比人聽？仲夠膽叫我比機會你？殺撚左人話比機會？叫雞叫到傻撚左？」
我：「而家我都係問人野姐，唔需要為左人地嬲成咁掛？」
芷純：「你到底同人講過我d咩？你坦白講我就唔block你住。」
我：「咪話你為左酒店d野嬲左我囉。講你save佢電話做細佬.果d囉。」
芷純：「好撚野呀你。同條女好撚好傾喎。仲有d咩？咪撚講d唔講d。」
我：「點解要去怪我姐，我都係受害者黎架。你估我好想好似隻狗咁跟住你同隻狗公去街架？我都覺得好柒架。我都想你可以好似岩岩識我果陣咁，有男仔搵你你會cap圖講我知令我安心d。次次你都要屌返我轉頭。點解你唔可以為你男朋友開心去行多一步架姐。你估我好想問人？你唔講我咪要問人囉，我夠知柒啦，點解仲要去做姐，因為緊張姐麻。」
芷純：「你講撚完d鳩野未？答得我未。仲同佢講左d乜撚野？識唔撚識字？」
我：「條仔都msg講晒你知啦。」
芷純：「當然啦，佢講左，我睇下你老唔老實。」
我：「咁你洗咩問姐，你同佢傾咪得囉。」
芷純：「咁撚柒串？你以為自己係邊個？」
我：「我唔撚係你隻狗，比你同條仔咁樣黎審我。你信佢仲多過信我。」
芷純：「你爆撚晒我d野比條女知，仲話愛我？叫雞叫到傻撚左？起碼人地唔會好似你咁搞咁多小動作。」
我：「係呀，佢好d丫麻。」
芷純：「得，你咁撚臭串，唔撚洗講。以後唔洗再搵我。」
我：「獲獲為左其他仔黎屌鳩我。你有冇尊重過我。」
芷純：「我洗撚尊重你？我係比佢屌呀，你吹咩？」
我：「嗯。」
如果你問我當時我嬲唔嬲，我會答你一d都唔嬲。因為當你真係鍾意一個人既時侯，無論佢對你做d咩衰野，你只會感覺到傷心，而唔係嬲。
果一晚，我send左好多個msg 比佢，打左好多篇千字文，希望令佢記返起我地以前開心既片段。因為搞到好夜既關係，第二朝我都冇起身返工。醒左之後已經成三點幾。不過芷純都係一句msg都冇回過我。我諗佢已經block埋我sms。
我打左比佢好多次佢都係冇聽。於是我決定去佢屋企搵佢。
我上到佢屋企門口，見到度門開住左，只係個閘鎖左。佢阿媽咁岩行過見到我係門口對住我微笑。
伯母：「黎左呀:D 。呀女，你朋友黎搵你丫，快d出黎啦:D 。」
伯母笑笑口咁開左度閘：「入黎坐丫:D 。」
我：「唔好啦[sosad] 。佢嬲左我。」
聽到芷純好唔耐煩咁係間房到大叫：「我唔想見到佢呀。」
伯母：「出黎啦阿女。人地等緊您丫。」
芷純終於都行左出黎：「做乜撚野姐過黎xx( 。」
伯母就企左係我地兩個中間笑笑口咁：「有咩事兩個好地地傾啦:D 。」
芷純：「唔關你事你唔好理啦xx( 。」
伯母見到芷純咁嬲都唔敢再出聲走返入屋。
芷純：「又點呀，尋日有咩都講晒啦，仲黎做咩姐xx( 。」
我同芷純行左去後樓梯到。
我：「點解唔可以好地地咁傾姐？」
芷純：「傾咩？你係人地條女面前講我d野？你傻撚左？而家人地以為我係貪錢既女人。」
我：「我從來冇同人講過你貪錢喎😞。」
芷純：「你收皮啦，我係貪錢就唔會同你一齊啦。」
我：「唔好再嬲得唔得😞。」
芷純：「唔洗再講。咪撚阻住我訓晏覺。我返完學已經好攰。」
我：「有必要咁嬲咁憎我咩😞。話晒大家都相愛過，過左咁多開心既日子。點解要比d少事搞到咁。」
芷純：「我係要憎。永遠都會憎。搞搞震，同人條女講我d野。影衰我。」
我：「我真係冇同人講過你貪錢😞。」
芷純：「我地玩完架啦。我地冇可能架啦。我呢一世都會憎你。永遠都唔會原諒你。我真係好後悔晒左我既１８歲係你條仆街身上。」
聽到佢咁講，心情跌落谷底。呢句說話就好似將我呢一年既努力抹殺左咁。諗返起呢一年入面所有既甜言蜜語同承諾。到底人係咪真係咁易變？
我：「唔好咁啦，我地就黎一周年架啦😞。」
芷純：「一周年咁又點？唔散得？我18歲架啦，我係搵緊人結婚架，我唔想再晒時間係d唔岩既人身上。而家散我仲輸得起，再晒多幾年青春係d唔岩既人身上我就冇時間。我話你知，我而家係好open去識人架，我有權去揀。」
我：「所以你就要同我一齊果時繼續去識人繼續去揀？咁你當我係咩？」
芷純：「識人有咩問題？家陣又未結婚，我唔揀得架？屌你仲要同人講我貪錢。我係貪錢洗撚同你一齊？我唔怕話你知，我ex個個月比一萬蚊我任我洗，一句聲都未撚出過呀。你？叫你比幾千都唔情願咁。我貪錢？洗撚貪你果四千？」
我：「我講左好多次，我從來冇唔情願比😞。」
芷純：「是但搵個都好過你啦下話。再者你識我咁耐都知我唔係貪錢既人，有咩豪宅我未住過？貪錢我去約人好過啦。貪你果幾千蚊，on99。我而家先知我ex對我幾撚好呀。仆街。」
芷純拎左個電話出黎：「你再唔走信唔信我報警？」
一句又一句虐心既說話由自己最愛既人口中講出，果種痛真係唔係言語可以形容到。特別係佢講佢ex 對佢有幾好，我終於忍唔住要爆發。
我一手搶左佢解左鎖既電話。
芷純：「攞返黎！你試下唔鎖返佢？」
芷純好緊張咁捉住我想搶返個電話。
芷純：「比返我呀！」
見到佢咁緊張我更加覺得電話入面有d不可告人既秘密。我冇理佢諗住走人。芷純追住我好大力咁打左我背脊幾下。可能呢兩日比佢鬧左咁耐，已經谷埋成肚氣，加上佢打完我之後我終於忍無可忍好大力咁打左佢一巴。
點知芷純冇停手，佢再打返我一下。就係咁，我地大家都好失控咁來回打左大家幾巴。芷純一路捉住我唔比我走，我件衫就係咁就比佢扯爛開左一半。我為左想甩開佢跳左落幾格樓梯。不過芷純佢捉得太緊，成個人跟住我咁跌左落地。
芷純好大聲咁叫：「返黎呀！」
我見終於甩到身，衣衫襤褸咁跑落下層諗住走。
唔知係咪放學時間，所以等左成十分鐘都未有𨋢。一邊我隻手就禁住自己件衫，因為成件衫已經爛晒。另一邊我又要hold住個電話唔好比佢lock機，因為一lock機我就開唔返。
等左好耐，終於有𨋢坐落去。一落到去地下行出𨋢口已經聽到芷純大叫。
「daddy！daddy！佢係到呀！快d捉住佢！」
一聽到有人要黎捉我，唔知係本能反應定係點，我即時九秒九咁沖出去，一路走返上車。沿路有唔少街邊阿返係到食花生。唔知係咪有d人以為我賊，仲拎起個手機出黎影低我。真係成世人都未試過咁狼狽。心裡面都唔明點解我要咁樣比人係街到追法。
一路渣車返屋企，心情慢慢定返落黎。內心雖然仲係好嬲芷純，但係亦都好後悔自己岩岩咁沖動。返到屋企之後，都有好多我唔識既來電打黎，應該係芷純用佢屋企人既電話打比我。佢仲send左個sms黎。
「你今晚前比返個電話我就當冇事。」
其實個電話就係用我信用卡買，所以我心諗就算報警都未驚過，再者亦係芷純自己話比返d野我。
我打開個電話，見到佢同細佬.既facebook msg。
細佬.：「你搞咁多野就係想我同佢散？」
芷純：「我搞d咩？」
細佬.：「佢又知你上過黎？」
芷純：「佢check過我電話見你send msg比我。佢有病。我同佢一齊之後都冇上過你到啦。」
細佬.：「我係講緊我女友。」
芷純：「你話左佢知？」
細佬.：「係佢知道左，所以我問你。」
芷純：「成件事係我條仔搞。我一句野都冇講過。佢見到你msg我以為我偷食，我話冇，佢唔信。佢有搵你？」
細佬.：「唔係佢搵我，係我女友知，佢問我。」
芷純：「佢一定係msg你條女。其實我同佢分左一個星期，佢唔忿氣。佢一直話我同你有野，有撚病。」
細佬.：「咁真係多謝晒。咁你之前鬧我女友做咩？」
芷純：「我幾時鬧過你條女？」
細佬.：「你係ig鬧佢。」
芷純：「你有病？我一直有睇開你條女ig，你以為同我同名就係我黎？果個鬧佢既假ac唔係我黎。」
細佬.：「唔係我以為，係佢同我講，我自己都想知。」
芷純：「我點解要鬧佢？你有有冇證據？從來搞到你地既係我條仔，唔係我。」
細佬.：「唔該你地搞清楚。唔好係到搞事。我唔知你幾時有條仔，而家冇啦啦黎搞我。」
芷純：「一齊左唔係好耐姐麻。幾個月咋。」
細佬.：「我冇興趣知。」
芷純：「對唔住呀，佢搞到你地，我以後都唔會煩住你。sorry。」
見到呢段對話，雖然證明左呢一年入面佢同細佬.冇偷過食。但係我都唔知係開心好定唔開心好。
我再打開佢個icloud既備忘錄，入面save低左好多相。全部都係細佬.既相。果刻我終於都知道，佢心入面始終都放唔低呢個人，佢最念念不忘既都係佢。望住佢部手機既相簿，一張我既相都冇，全部都係佢自己既單人自拍，相反呢個人既相就儲埋咁多張。其實我係佢心目中仲算係d咩？
打開ig，見到佢有一隻吉既ac，當時心諗，唔通係ptgf ac？
打開whatsapp見到佢既好朋友msg佢。
「今個星期落唔落club呀？」
芷純：「有咩人去呀:D 。」
「我d fd囉，佢地d 男仔fd好得架。幾唔錯架。」
芷純：「我減左肥先:D 。」
「下？你喎？次次問你你都唔會去架，你今次竟然想去？」
芷純：「我問下架咋:D 。」
仲記得當初鍾意芷純，其中一個原因就係鍾意佢夠毒。佢曾經同我講過佢好唔鍾意呢d地方，佢呢一世都唔會去。我一直都唔信，因為我覺得女仔到左大個，一定會想去試。始終呢d地方真係比到一種新鮮感d女仔。
只係我冇諗過只係冷戰左一個星期，佢就有呢個想法。
打開第二個msg，係個狗公搵佢。
狗公：「👋🏻👋🏻。」
芷純：「咩事。」
狗公：「求證啫。」
芷純：「又咩事？」
狗公：「大概明。」
芷純：「直接d la。今次佢又同你講左d咩？」
狗公：「我其實唔太介意係發生咩事。不過我唔鍾意冇頭冇尾所以交代聲。」
芷純：「你直接cap比我睇。有咩直接講。」
狗公：「我發覺我先係搞到你唔開心嗰個人。」
芷純：「你cap佢同你講咩比我睇。快d。」
狗公：「冇，乜都冇。」
芷純：「一定有。」
狗公：「今次係係我自己想講野。你可以唔信不過聽埋我講先。或者根本你地兩個冇乜野，係我無啦啦走出嚟搞事。」
芷純：「佢一定有同你講野。」
狗公：「冇任何人同我講過任何野。我諗而家係搵你say sorry。可唔可以普通少少完。」
芷純：「？」
狗公：「問你考試考成點之類。問下啲普通野你仲可以答我掛。正常d唔駛轉晒彎。我唔想埋尾你淨係會應我？同ok。講返follower或者買衫買褲可能適合我呢個身份d。咁樣都唔可以？」
睇到呢到，唔知點解內心有少少同情個狗公。其實一直以黎，只係芷純冇同人講佢有男朋友，一隻手掌又點會拍得響。
見到個電話入面，一d關於我既野都冇。我就好似從來冇係佢人生出現過咁。唔知點解越諗就越嬲‧於是我改鬼晒佢ig facebook既pw。
冇幾耐，有個人打黎我屋企既電話。
「你好呀，呢到我係觀塘區既cid。先生你都應該知咩事架啦？」
我：「知。」
「拿，你地d私人影我就冇興趣理既。我都係想和平解決件事姐。」
我：「咁你想我點？」
「拿，個電話呢，你就唔洗比返佢既，不過入面張電話卡係人地既，就要比返人。」
我：「姐係我而家出黎比返張電話卡佢就ok？」
「冇錯，你盡快過黎差館啦搞埋佢啦。」
於是我就渣左車出去差館。
我：「我到左啦。係門口。」
冇幾耐，就有個便衣阿sir 出黎接我。
cid：「喂，咁快既你。陪我去後門食支煙先啦。」
行到去後門，見佢左望右望，鬼鬼鼠鼠咁。
cid：「有冇電話係身？熄左佢先。」
我：「驚我錄音？拿，熄左啦。」
cid：「拿，我就想和平解決件事架姐。你地d感情問題我地唔會理既。你地d身體接觸果d呢，大家都有唔岩架啦。如果要渣正黎做既話呢，你地兩個都有錯，咁搞就無謂啦係咪？」
我：「明架啦，總之而家我帶左佢個電話黎。你想點搞就點搞。」
cid：「大家男人，我明喎，我以前都試過同條女搞成咁。行啦，上去坐陣先，好快搞掂。」
當時既我已經好攰，只係想盡快搞掂閃人。我亦都估唔到芷純會為左個電話而去報警搞到咁大。
差唔多坐左成個鐘，個阿sir帶埋芷純出黎。
cid：「喂老友，佢話你改晒佢d 密碼喎，你改返比人先得架。」
我：「你又話我比返張卡佢就ok既？」
cid：「喂，咁呢d人地d野黎架麻。」
個cid望一望芷純。
芷純：「總之一定要改返比我。」
cid：「咁無計架喎，你地兩個都唔讓步既話我只有charge。」
同以前一樣，我地兩個都係咁硬頸唔肯讓步。兩個阿sir分別帶我地去左唔同既房。
cid：「改返比佢咪算囉，何必搞到咁煩。又要煩到自己何必呢。話時話點識架你同佢#hehe# ？」
我：「上網係ig 既ptgf tag到識囉。」
cid：「嘩#hehe# 。有冇多d佢既相睇下[photo] 。」
我：「冇喎[sosad] 。」
cid：「唉，呢d靚妹仔，洗咩咁愁丫，睇你都大把錢搵過個有咩咁難。」
其實之前都遇過唔少差人，知道佢地呢種同你扮fd 套料既技巧。
最後我都改返晒d pw比佢，始終再keep黎都冇用。
cid：「喂，老友，提提你呀，你記住唔好貼佢d相上網喎，唔係會比人告架。不過係外地就另計[photo] 。」
我：「姐係係外國post就唔怕比人拉:O ？」
cid：「都仲要睇返果個國家同香港有冇引渡條例，同埋佢個server 係連去邊[photo] 。」
直頭離開差館果時，我都冇再見過芷純一面。
我心入面亦都好清楚，搞成咁，我同佢應該都冇咩可能再一齊。
雖然搞左成日好攰。但係果晚返到屋企之後，我成晚都冇訓過。兩個曾經咁相愛既人，點解會搞到今日咁？
打開手機，睇返一張張以前甜蜜既msg 同相。心入面對芷純既不滿又消失左，換黎既係後悔同唔捨得。後悔自己既沖動，唔捨得同佢過既一分一秒。