Rubbishptgf 賤男週記: 諾言
之後我出左黎車佢去睇戲。
係車入面佢不停重覆返頭先既野。所有以前做過既野，都比佢當成罪名。差唔多比佢鬧左我兩個鐘先返屋企。
我開始比佢鬧到麻目左。
我：「睇唔睇戲丫今晚^3^？」
芷純：「可以丫。不過我今晚要做group project 您可唔可以拎個mac 機比我？」
於是我就去左佢屋企車佢。其實差唔多次次約佢我都冇早少少講我到左。因為佢次次都會遲5-10 分鐘落黎。
果日亦都一樣。
我講笑咁同佢講：「其實點解您次次都話落黎都唔係即刻落既#oh#？」
之後佢塊面即刻轉黑：「又點呀屌？又唔滿意呀？」
我：「唔係呀:o)。我講笑問下姐麻。」
芷純：「講咩笑呀？我一向最憎人講笑架啦。煩唔撚煩呀你？」
佢一路係到屌我，我一路係到解釋。呢一個月黎，面對佢既無理取鬧已經夠晒。
我唔明白點解做錯野果個係佢，但係要我受氣。
芷純：「係都要搵野嘈，你煩唔撚。。。」
我終於忍無可忍，一巴車左落佢到。果一次，係我人生第一次打女人。
我：「仆街！ 你屌撚夠未呀？屌屌屌，好撚過引呀？
我一手搶左佢手上面既電話。
佢比我打左一巴之後，個樣即刻又惡樣變成好可憐既喊樣。唔知點解我條氣順返唔少。
芷純：「對唔住呀:~(。」
我：「仆你個街，你去死啦屌你老母。你去做雞啦。」
我：「你有冇良心架屌你老母，我對你咁撚好你咁對我？食屎啦屌你！」
我將我呢幾個月黎既冤屈一次過屌晒出黎。
我停左架車係路中心：「落車，即刻落車！我以後唔撚想見到你條仆街。」
芷純一路喊一路摇頭。比著以前我一定會心軟。但係我真係太嬲。
我：「冇錢呀？拿，比你自己飛的返去。」
我掉左一百蚊去佢到。
我：「落車啦仆街。」
佢死都唔落，坐左係到狂喊。
我：「好，唔落丫麻？我車埋你返屋企。」
芷純：「您可唔可以比返個電話我:~(。今晚我個group project d 同學旨意我一個人做晒架。我做唔到我死得架啦:~(。」
我：「走啦仆街。」
芷純：「您比返我啦求下您:~(。我做完即刻比返個電話您:~(。」
我：「您一係而家落車，一係我而家就掉爆個電話佢。您自己揀。」
芷純：「唔好呀:~(。我落啦:~(」
佢落左車之後，我即刻就飛車返左屋企。
其間，佢不停用佢細佬個電話打比我。
芷純：「你可唔可以幫我呢個忙:~(。您唔比我真係會死架，我地成group 人靠晒我架唔:~(。如果呢份功課係我自己既話我唔介意:~(。」
我：「收皮啦，我唔會比您，係咁。」
一次又一次cut佢線令到我條氣順返好多。因為我諗起以前嘈交，佢就係咁係咁cut我線。
芷純：「您真係唔比返我丫麻？」
我：「係。」
芷純：「咁聽日頭條見。」
聽日頭條見？姐係點解？我果時係到諗，會唔會係爆我係rubbishptgf？
應該又唔會丫，佢又冇證據。唔通係自殺？
我就唔太信佢會為份功課自殺。諗返起以前貼d ptgf出黎既時候，都有d ptgf話會一死以謝天下。不過當然最後咩事都冇。
所以我決定等一陣。果然不出我所料，芷純好快又打黎。
芷純：「您可唔可以比返我丫:~(。」
我：「得，您drop 撚左空姐個course 咪比您。」
芷純：「您唔好為難我得唔得:~(。您想我做咩都得，但係唔好為難我。我答應左您唔會做空姐:~(。我以後返學自己返。您比返我啦。真係冇時間做架啦:~(。」
我：「您block 撚左個狗公佢，del 埋ig 張相。」
芷純：「好:~(。您想點都得:~(。您可唔可以原諒我:~(。」
我：「您講我知您做錯d 咩先啦屌你。」
芷純：「我唔應該鬧您:~(。我唔應該成日發你脾氣:~(。我唔應該同人傾計:~(。所有野都係我錯:-(。」
我：「錯？咁你點補償？」
芷純：「我唔知點還，不過我會還返晒d 野比您:-(。D 錢 同電話。」
我：「您欠我就係錢同電話？」
芷純：「我想對你好d ，不過您而家咁憎我，我諗您都唔想再同我一齊架啦:~(。」
我將我咁耐以黎所有既氣，係一晚發洩晒出黎。
差唔多屌左佢兩個鐘。我條氣終於都順返晒。
芷純：「求下您比返個電話我:-(。」
我：「好。」
芷純：「可唔可以拎埋電腦，唔該晒:-(。」
怪就怪我上次太心急咁快自爆左web whatsapp呢樣野，而家想睇都唔知點睇。
諗下諗下，終於比我諗到個方法。我download左software可以記錄所有係電腦打過既字同password。亦可以定時cap圖。
我諗呢個方法一定可以睇到d野。
最後我都比返個電話佢同借左個電腦比佢。始終我真係好怕女仔喊。
打左佢一巴確實令我下返啖氣。但係由果日起，呢樣野就成為左我既罪名。所以芷純之前做過既錯事都唔再成立。因為係佢眼中，打人就點都係錯。
幾日之後，我拎返部電腦。我開返d cap圖黎睇。原來果日佢拎返d野上樓之後，已經即刻whatsapp同個男仔講野。
我：「果日比返電話你之後你仲有冇搵佢？」
芷純：「冇#oh#。做咩？」
我：「點解又要呃我？你到底同佢想搞到幾時先安落？」
芷純：「點解你會覺得我有搵佢呢？」
我send左張圖比佢睇。
芷純：「我以後唔會再用你d 野。」
我：「你行得正企得正怕咩人睇？仲有，您唔係答應過我即刻block 左佢架咩？」
芷純：「我未:-(我覺得就算我block我都會開返:-(首先我唔係鍾意佢 我係有潔癖。」
我：「點解你做人可以咁無口齒？」
芷純：「咁我而家block。不過我真係好驚你，我唔知你幾時又會傷害我。」
我：「傷害？你鬧左我幾個星期呢d 唔係傷害？」
芷純：「鬧你有幾傷？鬧你會痛架咩？傷得過你打人？總之你打人就錯晒。」
芷純：「我諗住好似以前咁。但原來我係會好驚。驚你對我做d唔知咩野。其實你掉我手機個次我已經諗住分手。到你真係打我。我真係好驚再去見到呢個人。」
我：「你永遠剩係記得人地錯咩，你就唔記得係邊個傷害呢段感情先。」
芷純：「同人傾計有咩錯？我又唔係你定婆，拍緊拖我仲有選擇權架。點解唔可以同人傾計？」
我從來都估唔到呢句說話會由自稱好專一既芷純口中講出黎。
芷純：「我最接受唔到係你打我同搶我手機。嘈左幾個星期都係因為佢。」
我：「你都知架何？咁點解你一開始唔block 左佢？要比佢存在係我地生活之中呀？」
芷純：「而家講緊我地。你唔會明比人搶手機係咩感受。」
我：「你唔鍾意我你坦白同我講，我唔介意，但唔好呃住我去搵第二個啦。」
芷純：「總之我冇錯，我冇偷食，講完。我以後唔會再promise 你任何野，廢事你話我反口。」
由果日起，我地之間已經冇左承諾同信任。就係因為果一巴，芷純變成受害者。佢用我打佢呢個原因，去推翻我地過去所有既生活習慣同承諾。
芷純：「以後既星期五我想係自己屋企過。條路我自己揀。跪著都要行完:)唔想煩到你又要你又咁早起身，唔想次次嘈交都變成我錯既痛腳。」
我：「覺得煩我點會車左您一年都繼續車:-(。」
芷純：「你家陣車左一年啦咩？最多咪九個月？」
我：「以前您話過就算要自己返學，您星期五都要過黎:-(。點解而家要變成咁。」
芷純：「唔啦，你屋企離觀塘太遠，咁早起身自己去好辛苦。」
一個一個既承諾比佢用唔同既原因去改變。
面對佢既改變，我無所適從。果一排我差唔多每日都係到道歉。我開始比佢搞到唔記得左原來錯果個係佢先。
每一日，我都會send好多msg比佢，話比佢知我呢個月所受到既傷害同有幾唔開心。
每晚我都會自己一個係到睇返以前d msg同相。睇返以前佢對我有幾好，睇返佢答應過我既事。
或者，係佢眼中，我只係一個可有可無，隨時都可以犧牲既男人。
https://soundcloud.com/user-196464690/s8m5yv8mocbn
誰知我身龐大如大島 心卻很細心
誰親兩親我總會想嬲 不介意被困
無從容納我 應該一早放生 無謂加諸不幸
怎麼你捨得我血肉淋淋 吊在魚網上娛賓
縱使罕有得如近乎絕種的某種遠親
你的眼中我不過某種海錯與山珍
隨時能屠殺若不必講究良心
為一刻快感吃掉誰也未曾臉上留痕
個個於你始終次一等
誰像你這麼狠 一心只想找祭品
誰人也可犧牲 因貪取一點養分
但你很吸引 任我多不忿 終輸給獵人
然後總推說你是人 你是凡人
犧牲我乃是求生本能
有一晚，我打左一篇好長既信比佢。希望可以令佢記返以前相愛既大家。
芷純，
唔知您仲記唔記得我地岩岩識果時係點樣架呢。可能您已經唔記得晒，可能因為您冇左d wechat 記錄，好多野都睇唔返。
果時我地日傾晚傾咩都講得笑。仲會講下大家既愛情觀。我仲成日同您講我自己d 故事，您仲話好鐘意聽，好青春。
果時我間唔中都會唱歌您聽。不過我知道自己唱歌其實一d 都唔特別，好怕您會聽到悶，所以成日都唔唱。其實我從來都冇預過您會同我齊架。可能您唔信，您係我見過最靚既女仔。所以我一開始對您有d cool，因為我覺得您應該大把選擇，唔會揀我呢個人。
我地第三次見果時，您係我屋企到訓，果晚我真係覺得好warm 好warm。之後我地一齊去澳門睇您最鐘意既鄭中基演唱會。我仲記得您係架巴士到同我講有首歌好岩我，係三生有幸果一句：貪玩的終會覺悟 無需找尋 新的人。我果刻其實好感動，好感激您咁信我，一個成日玩開既人。
中秋節果晚，我地係架車到傾計睇月亮。果陣我覺得，幸福其實就係咁簡單。我由細到大都好掛住太古城既中秋，不過咁多年黎一直都一個人，冇機會返去太古城過中秋。果晚您陪我一齊係個大古城天台到，睇埋d 無聊既魔術表演，坐係公園到睇月亮。呢d 全部都係我呢六年黎幻想既場景黎。
之後既日子您陪我做左好多我一直以黎好想做既野。您果時成日都會話想黎睇我踢波。男人其實真係好幼稚，成日都會想好似小學雞咁想比自己女朋友睇自己勁既一面。您亦都好識做咁唔怕悶咁黎睇我踢波。我真係好開心好開心。
去赤柱果日真係好好天。好天其實成日都有，重要既係因為您係我身邊。之後我將我係東京買既果隻熊仔送左比您。呢隻熊仔我一路都收起左，當時我希望將佢交比我下一個女朋友。我亦從來冇諗過將佢送比任何人，直到我識到您。
我仲記得我地帶住隻熊仔周圍走，去到山長水遠去搵果個熊仔展覽。多謝您咁無聊陪我去左咁多地方，去迪士尼，去行山，去海洋公園玩n次過山車。多謝您咁用心畫左個畫左張畫比我。
同您去北海道真係好難忘。以前我第一次一個人去咁遠旅行。一個人走過既地方，好想有一日帶自己鐘意既人黎呢到。不過我地果排成日嘈交，所以令到您去果時唔係太開心。所以真係好想今年年尾同您再去過。
您有時會話我好多地方都去過。冇錯，我係去過好多地方，但係我好想同您一齊去睇呢d 地方。
多謝您為我做既野，情人節為我整既朱古力，寫既卡。生日為我book 既晚飯，我全部都會好好珍惜。
呢兩三個月係我覺得我地最幸福既日子。我地好了解對方，知道對方脾氣，唔會再亂嘈交。個個weekend 都係到煮飯食，好天就去郊遊。其實最幸福，最完美既一日，唔係要做d 咩特別野，咩特別日子。最普通既一日，同您一齊訓下覺煮下野食，睇下戲已經係最完美既一日。
好對唔住我呢九個月黎對您做過既傷害。其實我已經單身左六年。呢六年既生活，中間有遇過好多人，有好多過客，好多同我傾過計既人。有d 係交心，呢六年入面我成日都會諗我將來女朋友會係點。我成日都會諗返以前同我ex 既野，有咩做得唔好，有咩可以做好d。好想記住呢d 野，我同自己講，下一次拍拖，我一定要將最好既比我女朋友，一定要對佢好好，好好。我成日以為呢六年黎我已經ready好點做一個好男友。但係其實我仲係一d都唔識。
好對唔住我整爛過您電話，對住您講粗口，講一d好衰既野。我唔係成日想管住您。我只係一個細路，怕自己鐘意既野比人搶走。不過呢幾個月我已經冇咁驚，我以為我地感情好深，一直以黎見您都唔同人傾計whatsapp，所以我其實好放心。有時我偷睇您電話其實唔係想睇您同人傾咩，係想睇您鐘意d 咩，save 低左d 咩相，想買比您。
您講過我地識既時間timing 好岩。我又玩夠，您又想認真拍拖。其實我覺得您仲好細個，好多野都未玩過，好想試。我唔知果個人係咪比到d 新鮮感您。我一路都覺得自己同您唔襯。您鐘意d 潮野supreme 果d 咁既野，我就係死毒撚一個。有時見您ig 成日睇果d人，果d女仔，覺得您好響往佢地既生活。呢幾個星期您真係變左好多。。。講過既野我唔再講啦。。唔想您煩。。
雖然我今年已經28歲，但係其實我都係一個第二次拍拖，仲學緊點樣對女朋友好既初哥黎。。。我只係一個好鐘意自己女朋友既普通男仔。我唔想比人暪住。更加唔想您同我一齊過得唔開心。我真係好想同您一齊走到老，我唔想到以後，係街到撞到您，我地已經變成陌路人。我好想我地好似天梯首歌咁成為例外既一對。
如果您真係覺得同佢msg 緊要d，開心d 既，唔緊要。。。我會尊重您
我只係唔想同佢共存。。。
我真係好憎佢，好憎佢我好嫉妒佢。您從來唔會鬧佢，您唔會為左我同佢嘈。
芷純：「早晨。:) 睇左。」
我：「您冇野想講:-(？」
芷純：「冇:)」
我：「點解您可以一d 感覺都冇:-(。」
芷純：「係因為我以前對你太多野講。你其實可以體諒下我一個星期返六日。不過你又會話我攞黎。同埋我放左學仲有好多野做。
我今日都仲要做research聽日又SBA。你永遠唔會明hk d教育制度幾咁pk。我以前無咁多野做，我而家好忙。我唔想我日日掛住覆你我就無左我自己。
點解我日日咁攰你都仲要加重我負擔？
點解我日日咁辛苦你唔安慰我仲日日比d難題我？
所以點解你係我既煩惱。
每日都好似我做得唔岩咁。好似日日都要比你問點解點解。
你自己諗下，當我仲有3樣功課既時候，你sd d咁長既msg 咁長既問題比我。你覺得我坐係度咩都唔做淨係覆你msg？
我希望我攰個陣你話叫我休息下而唔係係咁問我野，問我點解錄左歌比我聽我無反應，send左咁多野無反應。
我返學好大壓力。你唔好再比壓力我。你而家日日都比緊壓力我。我覺得好辛苦。唔想拍拖啦。
我都係人，我做曬d野你可唔可以唔好再問我咁多要解釋好多野既問題?
你收下聲得唔得？我唔得閒答你問題。 」
我：「可以。」
除左收聲，我已經唔知可以講乜。難道我返工就唔辛苦咩？
諗返起以前戀愛大過天既佢。我諗個個人都會有成長既一日。大個左之後，有好多野要去諗去考慮，唔可以再咩都愛情至上。
只係得我一個咁on9，28歲人仲係咁。
有人話男人既眼淚係好有殺傷力。女人頭幾次見到，一定會心軟。
有一晚我地又係車到嘈交。面對自己鍾意既人180度轉變係咁鬧我。我終於忍唔住係佢面前狂喊。
我：「點解:~(。您話唔想傾電話，臭可以唔打比您:~(。您話唔想msg 咁多，我可以唔搵您咁多:~(。但係點解而家要連我唯一開心既星期五都拎走埋:~(。呢幾個星期我同你講過幾次，幾多句我好唔開心:~(。你有冇安慰過我一句:~(。我都係想比您錫下姐:~(。點解而連我既weekend 都拎走埋:~(。」
芷純見到我喊佢終於都放低佢個惡樣攬住我。
芷純：「唔好喊:-(。我個個星期都過黎好冇？唔好喊啦:-(。你係我心目中係唔會喊架:-(。我以後個個星期都會照過黎架啦:-(。
我知我變左好多:-(。但我唔係唔鍾意你而變左。我係真係好多野做同擔心將來。希望你明白我多d:-(。我對自己要求好高。我做唔到我會好自責。所以而家我係面臨緊考唔到大學。面對現實個種殘酷:-(。
我超唔想讀唔到，因為讀唔到好無面又無社會地位:-(。 」
每一次鬧完交既安慰都令我覺得我地可以從新開始。
芷純：「bb:) 我頭先上左連登問下我個銀包可以放幾錢。」
我：「點解要放左佢:-(？」
芷純：「我想買袋，同埋你一直都知呢個款唔係我想要果隻黎架啦#oh#。」
我：「呢份係我第一份送比您既生日禮物黎架:-(。」
芷純：「咁又點？唔鍾意咪賣囉。買返個袋幾好。你知我份人，唔鍾意既野我一定唔會keep。」
我：「點解你可以咁冇感情？唔係樣樣野都有個價架。好似你送比我既畫既t shirt 咁，人地比幾多錢我都唔會賣，因為係你送比我架。」
芷純：「總之我會賣左佢買袋。我都唔明你點解要咁執著呢d 無聊野。賣左佢換返d 自己鍾意既野唔好咩？」
係佢眼中，所有野都有個價，可以賣。唔知我係佢心目中又係咩價呢。
芷純：「bb 我今日好嬲，個miss 好睇唔起我，好似睇死我一定做唔到空姐咁#fire#。我一定要做比佢睇。我最憎比人睇死。」
我：「你唔係話過為左我屋企唔做空姐架咩@_@。」
芷純：「一路都諗住做架啦。」
我：「咩話。。。:O？」
芷純：「不嬲都諗住做。唔係讀呢個course 做咩？」
我：「您叫我體諒你比你讀完佢，但您保證左我好多次話一定唔會做:-(。」
芷純：「咁而家我諗住做有咩影響？你接受唔到就算。而家無咩野想講。我淨係要個support我既人，我都有我想做既野。
你覺得我唔想做我會唔會咁努力個個星期去上堂？
我控制唔到你諗既野。我淨係話你知，我想做既野無人可以改變到。無論愛情也好 事業也好。
總之你當我從來無講過唔做啦，我以後都唔會promise你任何野。
我唔會失去我自己，i am who i am。
所以如果你覺得我星期6上堂辛苦。你唔想起身既話，你話我知。我自己揀既，我會堅持落去。就算幾攰我都會去💪🏻
其實我想做呢個諗法，有因為你而動搖過 但發現原來我自己真係好鍾意同埋好想做呢樣野。
加上今日我比人咁樣睇死，我更加要得比佢睇💪🏻
我亦都唔覺得我做唔到💪🏻
我為左今日呢淡氣。我係一定要得💪🏻
我最憎d人睇我唔起。我而家係無野輸唔起。」
果刻。我覺得眼前呢個人好陌生。已經唔係我識既佢。
做空姐都講到咁有大志。我真係好想笑柒佢。
呢個月黎，我已經習慣左佢將以前既承諾一個一個咁打破。所以我亦都冇再出聲，我好清楚我改變唔到佢。
其實有時比佢撚到嬲嬲地，真係好想去約返件ptgf報下仇，去搵條女傾下計。但係原來當你好鍾意一個人既時候，你係做唔出呢d野。
當你同一個新人傾計，你都會諗返本身果個有幾好，新果個咩都比唔上佢。放一條幾靚既女係你面前你都唔會想屌。
呢d係好自然既感覺，唔需要去特登忍住唔去做。我唔知道佢有冇鍾意果個男仔，但我覺得佢已經唔鍾意我。
之後既weekend佢又過左黎。一朝早起見到佢係到禁緊電話。因為之前鬧交佢del左我contact再save返，而家我係佢電話個名已經唔係叫老公。
我：「改返好冇丫#oh#。」
芷純：「點解要改？我覺得叫b 幾好。」
我：「改返啦。」
我開始有d唔耐煩。我想拎佢個電話。
芷純好惡咁望住我：「放手。即刻放手。」
我冇理佢，我拎左佢個電話上手。
不過佢而家個電話已經再冇save我指紋。
芷純：「你咪攞唯，開到你咪開。」
面對住呢個月黎所受既屈辱再加上佢既態度。我情緒已經開始失控。我捉住佢隻手想用佢隻手指解鎖。
佢好有力咁渣實拳頭，唔比我拎到佢隻手指出黎。我一路用力佢就一路打我咬我。由於比佢咬到好痛。於是我一手禁住佢係床到等。
芷純話晒都成170咁高，我又要掛住拎佢隻手指黎開機又要阻止佢攻擊我，真係好吃力。
我同佢兩個就好似失左控咁係間房到互相攻擊大家。我地兩個件衫都爛晒。我自己都打左佢隻手幾臂女幾拳。
我地足足係到拉扯左十幾分鐘。成間房d野都比我地掃跌晒。
我：「你有野唔見得光呀？」
芷純：「我冇野唔見得光，不過先係唔比你睇。」
我：「我肯定你仲有同果條仔傾計。」
芷純：「我冇。」
我：「咁開黎睇下囉。」
芷純：「我係唔開，你而家打我迫我開，我一定唔會開。」
我：「你條仆街偷食。」
芷純：「我冇偷食。偷食洗撚個個星期黎搵你？你傻撚左呀？你估你自己好撚靚仔呀？你估你比好撚多錢我呀家陣？」
聽到呢d咁傷人既說話，我終於都忍唔住。
我：「走啦屌你，我以後都唔撚想見到你。你比撚返晒d 野我。」
芷純：「好呀，比撚返晒你囉。」
我好嬲咁將佢好鍾意既果條ptgf褲一手掉左出街。
芷純搵極都搵唔到條褲。
芷純：「你收埋左我條褲係邊？」
我：「掉撚左落街，自己落去執啦。」
我拎返我比佢既錢，電話同銀包。芷純最後著左我條波褲就走左。
我將佢既ig facebook既pw全部改晒。呢d pw全部都係用我之前係自己電腦裝既software黎睇到。
望住成間亂晒既房。我慢慢冷靜返落黎。我唔知點解曾經相愛既戀人會搞成咁。
芷純：「對唔住:-(。整到你傷曬...我知一定好痛。希望你快d好返。呢一年你係對我好好。雖未能同你行落去，但希望你會搵到對你好既女仔，感恩，再見。」
見到芷純send左段msg黎，我內心更加後悔。於是我渣左車去佢屋企，拎返晒d野比佢。
我：「D野放左係您門口，ig fb既pw改返。好對唔住。」
我放低左d野係佢屋企門口就走左。冇幾耐，芷純走左出黎攬實我。
我地兩個一路喊一喊攬實對方。
或者我地兩個真係太硬頸，永遠都唔肯為對方讓步。
芷純：「仲痛唔痛丫:-(。」
我：「唔痛:-(。您呢，我頭打左您隻手幾下:-(。」
芷純：「冇事丫:-(。您一定好痛。」
我：「點解您唔嬲我既:-(。」
芷純：「因為仲鍾意囉:-(。」
聽到佢咁講，我更加內疚。
芷純：「你快d 返屋企啦。」
落左樓之後我msg左佢。
我：「咁我地而家係咪仲一齊？」
芷純：「我想要返條褲。」
我：「條褲我掉左落街，執唔返:-(。」
芷純：「總之我要返，有褲就有野講。拎唔返就算。你做野永遠唔諗後果。所以以而家要你感受下。總之你搵返條褲比我。」
我：「咁點解頭先你又攬住我話仲鍾意我:-(。」
芷純：「因為我以為袋入面有我條褲。」
果時我都唔知點算好。事關條ptgf褲一早就絕左版買返。我成點30 樓咁樣掉落樓，仲點搵得到？
不過冇計，我好清楚芷純有幾硬頸。所以我果晚就係屋企附近既草叢到搵，希望有奇跡出現。
我由凌晨12 點差唔多搵到3，4點。終於比我係一個屋企附近既橋底搵到。
老實講，我真係唔明點解我同佢既關係，會比一條褲黎決定。
雖然我幾經辛苦終於執返條褲。但係我冇同佢講，因為我想知道，到底我係咪比一條褲更加重要。
我：「我執唔到:-( 。搵左成晚。唔好為左條褲嬲我啦好冇:-( 。」
芷純：「我想你知道，我鍾意既野我一定要得到。條褲仲要係我自己，我一定要拎返。我最憎人搶我d野。」
我：「咁我落去繼續搵下啦:-( 。」
聽到佢話鍾意既野一定要得到，唔知點解有d心寒。
之後果兩日，佢都冇再彩我。
以往我地嘈咩交，都好少會成兩日咁耐唔再搵大家。
果日，有一個舊既女仔朋友係ig follow左我。可能因為我嬲嬲地既關係，我都follow返佢。因為本身我為左芷純我都剩係follow佢一個女仔。
好快芷純就del左我同佢張合照，同unfollow左我。
我：「點解要del左我地張相同unfollow我？」
芷純：「點解你要follow其他女？你follow你d 朋友我可以接受，但你follow條我唔識既女。」
我：「果個都係我朋友黎架。你whatsapp其他仔就得，你facebook加幾百個陌生人就得，我follow返個fd都有錯咩。」
芷純：「我講左好多次，係人地加我facebook，唔係我加人。不過是但，隨便你，反正我同你都分左手。唔想再同你嘈。」
我：「點解follow個朋友都要嬲我？」
芷純：「本身呢兩日我都未決定，不過我見到你follow其他女我即刻有左決定。唔該你得閒比返條褲我。你慢慢溝你既女。」
我：「點解您自己就可以有咁多原則，您話唔會block您d fd，您唔del您facebook d fd，點解我follow返我d朋友都要話我？」
芷純：「因為我覺得你同佢平時都有msg開。我唔想再同你嘈，比返條褲我。總之你唔比返條褲我唔好再煩我。我地分左手架啦。」
雖然覺得好無奈，不過諗諗下又真係自己無聊，冇啦啦做咩follow d 女比位佢入？真係好撚on9。
好在我一早執返條褲，唔係真係唔知點算。
我：「我搵返條褲啦:-( 。」
芷純：「藍色定黑色。黑色就唔洗了。」
我：「藍色:-( 。」
芷純：「影張相黎睇下先啦。」
芷純：「最憎男人同女人嘈。無品。」
我：「我唔同您嘈，但您唔好鬧我好冇:-( 。」
芷純：「我唔覺得你可以唔同我嘈喎。你拎緊黎未？」
我：「我而家黎，我只係想一陣大家好聲好氣傾下，唔好再鬧大家好冇？」
芷純：「傾咩？你覺得要傾d咩？冇野係解決到。我地兩個都咁硬頸。仲有另一條褲你搵唔返都未同你計。你話d野全部係你既咪比返晒你囉。我係d唔鍾意欠人野既人。如果我知道你有一日你會講呢句野我一定唔會收你任何禮物。」
我：「我只係唔想見到我既心意比人賣出去姐:-( 。」
芷純：「你以為我貪錢？sorry，我係超有骨氣既人。我講到明唔鍾意個銀包。唔鍾意放係到做咩？」
我：「其實您個人有冇感情架，點解一份咁有意義既禮物你都可以賣？」
芷純：「我有潔癖，唔鍾意既野我唔會放係屋企。唔鍾意既野放係到做咩？點解唔賣左佢買份自己鍾意既禮物？」
我：「有d野係無價架，你之前話禮物係心意黎，我都唔明點解而家你會咁諗。」
芷純：「你一向都知我唔多鍾意架啦，不嬲都叫左你買野之前問我。更何況我又唔係冇同你講過我鍾意邊個。你知我唔係鍾意呢個。」
我：「掉返轉，如果您送左d野比人，人地唔鍾意，賣左佢，我諗您都會好唔開心啦。」
芷純：「唔會喎，唔鍾意就係唔鍾意，講完。」
我：「我黎到話您知啦:-( 。」
果刻，我已經唔知再講咩去應對佢。所以我選擇左收聲。
果晚，我都唔記得係車到氹左佢幾耐。終於佢拎返條褲先下左度火。
每次比佢鬧完我都會好灰心。返到屋企我冇即刻訓。係到打左陣機麻醉下自己。上返床之後，先見到有幾個miss call，原來係芷純黎。
芷純：「喂。。。」
我：「喂，您打比我丫#oh# ？」
芷純：「您岩岩去左邊丫:-( 。」已經好耐冇聽過佢咁溫柔咁同我講野。
我：「冇丫，我冇開聲咋個電話，我打緊機#oh# 。」
芷純：「去左邊:-[ 。」
我：「我岩岩打完機，而家上返床睇youtube咋:O 。」
芷純：「去左邊:-[ 。激死我。」
我：「冇丫，我岩岩冇開聲，上返床先見到咋:-( 。」
芷純：「你係咪約人:-[ 。」
我：「我係屋企丫而家:-( 。」
芷純：「約完人啦咩:-[ 。」
我：「我冇丫，我開cam 您睇丫^3^ 。」
芷純：「唔要丫:~( 。你約完人啦岩岩。」
我：「邊有咁快約完人丫，您岩岩打黎冇耐姐麻[banghead] 。」
芷純：「岩岩約完人上屋企啦一定係:-[ 。」
我：「我冇丫:~( 。我岩岩真係打緊機咋。點估到您會打比我姐，您呢排咁少打比我。」
芷純：「我就係要突擊check下您:-] 。因為我岩岩有d不詳既預感，覺得您有d野。所以打黎，點知真係比我估中左:-[ 。您知d女人架啦，諗果樣野，您仲要唔聽，更加sure係岩既:-[ 。」
我：「咩呀[sosad] 。您成日都唔聽電話架啦[sosad] 。我十幾分鐘冇聽姐麻[sosad] 。約人邊有咁快約得完喎。如果係約人我扮訓左好過啦:-] 。」
見到芷純仲會緊張我，我心情都好返小小。起碼佢唔係完全唔care我。
就係因為條仆街狗公搞到我地嘈足成個五月。
黎到六月份，芷純暫時唔洗返個空姐course住，要去到九月先再上。等左大半年，終於可以同佢過返一個舒舒服服既weekend。
雖然我地成日嘈交，但係我地冷戰既時間通常都好短，特別係見面之後，我地好快就會變返以前咁。
之後既weekend，佢對我就好似以前一樣咁sweet。一齊睇波，出街食飯，係屋企睇戲。雖然過得好開心，不過轉變得咁快令我有少少適應唔到，始終呢個月佢真係變左太多。
芷純：「bb我地第一次同第二次見係幾多號#oh# ？」
我：「第一次9號，第二次12號:D 。」
芷純：「有咁快咩第二次#oh# ，我記得你成個星期冇dm我:-[ 。」
我：「唔係我冇約您，係您係咁拒絕我:-[ 。」
芷純：「因為我記得我第一次問你5000蚊約我係咪好唔抵，你都話係。同埋你話過我肥:-[ 。」
我：「做咩冇啦啦問返呢d野#oh# 。」
芷純：「因為我突然諗起我地差唔多識左一年:-] 。有d感悟:D 。原來尋日係三號，我地都唔記得左，我地十個月既開始^3^ 。 」
我：「有d咩感悟:D 。」
芷純：「感悟就唔講住，一年果時先講:-] 。」
我：「係咪因為咁所以呢個weekend您變返之前既您:D 。」
芷純：「一路都係之前既我黎架啦:-[ 。」
我：「尋日先變返咋:-( 。」
芷純：「係咩:-] 。難過既都過左去。起碼我地大家都冇放棄^3^ 。」
我：「您係咁放棄姐麻，我幾時有放棄:D 。」
芷純：「唔知點解我一路都覺得我地唔會分開:D 。」
我：「講真呢個月我覺架:-( 。不過我真係唔想晒左我地呢一年既努力:-( 。重新認識一個人好攰:-( 。同埋我等左咁耐您先唔洗再上個coruse，而家放棄咪好唔抵:-[ 。」
芷純：「9月先再上:D 。到時返多三個月就返完架啦。:D 」
我：「要返都唔緊要，都咁耐啦，唔會影響到^3^ 。」
芷純：「仲記得頭3個月我返半日您就等足我三個鐘#love# 。後尾返全日您都一樣咁早起身黎車我:-( 。由我第一日上呢個course你就一直車我陪我:-( 。雖然我想做既野您未必會鍾意。不過您行動上支持我已經係最好既支持:~( 。」
芷純：「由中4既暑假到中5完左你都仲同緊我一亦:~( 。 」
我：「傻瓜^3^ 。我都會繼續學下點做一個好男友^3^ 。希望有一年經驗之後會做得好d:D 。」
芷純：「傻佬:D 。我地一齊加10個油^3^ 。唔知您仲記唔記得我幾時講過呢句野:-] 。 」
我：「張生日卡丫麻:-] 。我晚晚都拎出黎睇架，點會唔知:D 。 」
曾經相信呢一段感情好完美瑕既我，終於都知道其實凡事都唔係必然。我地只可以用有限既時間去珍惜身邊既人，為身邊既人留低一個美好既回憶。
每對情侶都總會遇到無數既問題，有d人會一齊去捱過去，有d會選擇放棄。或者一直令我堅持落去既原因係因為我覺得無論同邊個一齊都一樣會出現問題，唔應該少少事就去放棄。
https://www.youtube.com/watch?v=Sz2MbQG9Jcw
「歷劫都不能離開 人生有太多意外
攀不過斷崖 如何相愛」
我：「話時話，我都未請返您阿媽食飯:-] 。 」
芷純：「我都未同您屋企人食:-] 。正常應該女仔見先。 」
我：「您見過晒啦#oh# 。 」
芷純：「飯都冇食過，成一年啦。」
我：「就今個weekend啦，一齊食:D 。」
芷純：「no，咁突然。 」
我：「係您拒絕我咋。之前母親節有叫您食，您又話諗唔到送咩禮物所以唔去xx( 。 」
芷純：「我係怕醜，點解我地一開始唔一齊食？你同時又唔會同你屋企人講我點點點，又冇話過帶我上去食飯。 佢地對我又好cool咁，好難同佢地溝通到。」
我：「一開始您話怕醜咁咪唔食住囉，而家耐左咪有叫您#oh# 。您永遠都唔食第一次咁永遠都溝通唔到架麻。人地長輩黎架麻，唔通你想人地好熱情咁叫你食飯咩。 」
芷純：「長輩都可以熱情架姐#oh# 。我ex個媽咪果時走入黎我地房同我傾計架。 」
我：「個個人性格都唔同，您以前果個屋企人熱情d，但係我屋企人絕唔係對你唔好囉。您作為人地女朋友唔可以主動d nice d架咩。您就一味話怕醜。 」
芷純：「我對佢地好熱情架喎，我次次黎到都有打招呼，基本禮貌我都有做。不過算啦，又唔係談婚論嫁，係我過份認真姐，唔食都冇所謂啦，就算食都驚dead air:) 。 」
我：「您過份認真？而家我叫左您咁多次您都唔肯食，係您唔認真咋喎#oh# 。 呢一年您都起碼見過我唔少朋友啦。我呢，ig相都唔貼多張，您d fd知唔知您有男朋友都成問題。」
芷純：「總之相我就唔會貼架啦，飯呢，唔食都冇咩所謂。我都未聽過個個weekend去對方屋企一年都可以未食過飯。今次都係我講開你先話食。年紀大啦我，冇咁多精力去討好任何人，一齊相處得舒返就一齊，唔岩就分開，唔想晒時間。 」
我：「兩個人一齊大家都要付出架，您剩係想人討好您咩？ 」
芷純：「我只係想有個人永遠唔會同我嘈。食飯係我講，邊有條女仲緊張過條仔架？ 」
我：「你搵到個緊張你多過我既人您記住話我知。 」
芷純：「搵到洗撚話你知？ 」
我：「自從您搵完果條仔就變成咁:-( 。」
芷純：「你鍾意點講就點講啦bye。解都解到口臭。 」
我：「您對住條狗公都會叫佢唔好嬲，反而對住我就講多句都覺得晒氣。 」
芷純：「唔洗講，我肯定同你冇將來。總之隨緣啦，唔岩就散。我一路都講，我只係要搵個永遠唔會同我嘈交既人。 」
我：「嗯。 」
或者，只有完全唔緊張佢既人先會唔同佢嘈。
第二朝，佢send左張相比我。係佢地學校既一個老師寫比d同學既一張卡，每個人都有一張，大約係講下對每個學生既感覺。張卡就係講芷純係一個好女仔，好肯幫同學。
其實佢一路都好憎呢個老師，不過佢好快就係ig post左張相寫住luv u。
我：「洗唔洗咁假呀#oh# 。 」
芷純：「假就一定架啦，人地咁好心機寫#oh# 。 」
有時我真係唔明佢諗咩。佢成日話佢係一個唔鍾意扮野，唔識去討好人既人。諗返起佢話佢ig 一d都唔active所以唔post 相。見到佢而家為左討好個老師做到咁假我就係唔知講咩好。
年中我送過咁多卡比佢又唔見佢開post 講i love u？
唔識討好人，定係懶得去討好我？不過呢d說話我只係收埋係心到冇講出黎。因為我知道講出黎都係冇結果。