Rubbishptgf 賤男週記: 背叛
四月份既開始亦係我地第七個月係埋一齊。雖然佢成日都要考試，但佢都如常咁每個星期都黎我到訓。
佢放學之後我地就會去行超市買野食準備果晚訓醒果時煮黎食。不過有時太懶都會出去食既。有一個凌晨，我帶左佢去中環到食kebab。姐係一塊包，包住d羊肉既卷物。係外國讀書既人成日都會食。佢食完之後愛上左呢樣野，差唔多晚晚我地都會去食。
成個四月既天氣都好好，可能因為係秋天。個個weekend都係藍天白雲。其實同芷純一齊咁耐，全港九新界大大細細既商場已經比我地行晒。所以呢個月，我地決定去下郊遊。
一支公咁耐，唔好話郊遊，街都唔多出。所以其實香港有好多靚既地方我都冇去過。
係呢個月，我亦都見識左香港最靚既一面。
我一直都好鍾意昂平360呢個地方。而且芷純又未去過。星期日一朝早我地就渣車去左東涌食野。食完之後先發現原來昂平仲維修緊。
我：「係喎，明明我睇新聞都講過，點解我會唔記得架:~( 。」
芷純：「唔緊要啦^3^ ，我地六月再黎過啦好冇？」
我：「好啦:-(。一係我地去南生圍丫，果到好似好靚:D 。 」
雖然係香港咁耐，但係真係冇去過呢個地方。聽就聽得多。於是我地就渣車去左元朗既南生圍。
其實天氣好，好多本身好普通既地方都會變得好靚。拖住芷純，係南生圍慢步，聽住周圍既雀仔叫聲，真係咩煩惱都冇晒。令我諗返起岩岩識佢果時，成日都會同佢係紅磡既海旁到慢步。
有時平凡既日子就係最幸福。
一齊咁耐，每朝早佢返學都會同我講早晨，之後全日就會同我keep住msg。基本上係唔會停。食緊咩，去到邊都會話比大家知。
以前我放工或者踢完波，只係諗下去叫咩雞約咩人。而家我踢完波放左工第一時間就係話佢知我係邊，返緊屋企。
「不捨得開心 留來給你歡喜」
生活上既所有野，都好似有佢個樣係到咁。
係屋企禁住netflix見到想睇既戲我會唔睇住，因為我要等埋佢黎先睇。
係超市見到靚既士多啤利一定會買比佢食。
見到有靚既地方會想plan下同佢下一次去旅行去果到。
平時行街聽歌，會諗下有咩sweet既歌唱比佢聽。
以前懶到pk既我會諗下點樣搵多d錢轉份好工。
行過既路，一齊去過既商場都會諗起佢。
同佢一齊左呢幾個月，所有既生活都充滿佢既影子。
慢慢我已經冇再為自己打算過任何野。
https://www.youtube.com/watch?v=X9imMQW_gz0
「回憶很多 你的影子也會充滿我生活」
有一日，芷純黎左IFC接我收工。其實返左咁多年工，成日都會ＦＦ有個女朋友黎接我放工。原來果種感覺真係好窩心。
由細到大我最憎就係返工，日日都要做港奴真係好辛苦。不過一收工就見到自己鍾意既人係到等緊自己，真係好sweet。
我：「終於有人接放工啦#love# 。 」
芷純：「你成日都黎接我，接返黎一次姐麻，傻瓜^3^ 。 」
我：「大把人接您啦:D 。 」
芷純：「冇喎:-[ 我ex都冇接過我，都冇其他男仔接過:D 。 」
唔知係咪因為IFC個個都係ＯＬ同西裝骨骨，搞到佢好似特別顯眼咁。著住西裝既我拖住條18歲既靚女，成街人都望住我地，搞到我都有少少唔自在。同佢一齊咁耐，果次係第一次同佢一齊坐地鐵。
芷純：「老公^3^ 。」
係msg就聽得多，親口講都係第一次聽。聽到真係覺得好甜。
不過您叫一個咁大男人既人講返句老婆黎回應佢又真係講唔出口。
所以都係直接咀落去簡單直接d。唔知係咪果排大家關係好返好多，扑野既時侯大家都放開左好多。又會一齊睇下ＡＶ，試下支係日本買既假狗咁。
芷純其實係一個好易濕既人，即使第一次見佢果時佢已經好濕。加上佢下面又冇毛。好多時搞野都會搞到成床濕晒。
自從上次去完南生圍之後我地都愛上左郊遊。之後果個星期我地去左大尾篤同埋南丫島。果兩日係我地一齊咁耐最開心既日子。
成個四月我地都冇鬧過一句交。因為我答應左佢唔再講粗口鬧佢管佢，芷純都答應左我唔再講分手同以前d事。我地又變返好似之前咁日日傾電話，有時仲會開埋cam。
之後有個星期六車完佢返學之後，我突然想做一件事。
我：「bb我想開post貼晒d ptgf出黎:-]。 」
芷純：「貼黎做咩#oh# 。」
我：「教訓下d人等d人唔好再做呢Ｄ野:-[ 。」
芷純：「冇人做雞你點叫:D 。」
我：「我都唔鍾意叫雞:~( 。」
芷純：「我都未睇過個圖庫:-[ 。放學我返黎您比我睇下。」
冇幾耐，就已經搞到滿成風雨，全香港都係到講緊ptgf。
芷純：「驚唔驚比人起底:-] 。」
我：「驚架:-( 。」
芷純：「抵你死，冇野搞搵野搞，又要驚又要做#fire# 。」
我：「可能就快比人拉:D 。」
芷純：「你放心啦，你比人拉我都唔會離開你架rubbish^3^ 。」
芷純send左張佢既岩岩影既校服相黎。
其實佢間唔中都會係學校自拍我睇，因為佢知我好鍾意學生妹。
我：「學生妹:P #love# 。I want to fuck#love# 。」
芷純：「係咪真架:-] 。」
我：「岩岩viutv晚吹搵我上去做訪問#oh# 。」
芷純：「你諗住上#oh# ？。」
我：「唔知，我仲諗緊，想上去講下等多d人關注下[slick] 。」
芷純：「唔好去啦:-( 。我驚你比人起底。」
我：「我未必去，睇下點先:D 。」
芷純：「算啦，我唔想再晒時間睇呢d post。我唔會再理任何關於ptgf既野。」
我：「我都唔想理，我諗住貼完就算架啦:-( 。」
芷純：「唉，都係你一手一腳做成，正正常常過返d平淡既生活唔得存咩，係都要搞事xx( 。」
芷純：「我剩係想平平淡淡，唔想你再理呢個tag既事。」
芷純：「次次一有呢個tag既野你就變到好沉迷。」
我：「當初您唔鍾意又唔話我知，您唔想我post我一定唔post架:-( 。」
芷純：「原本我地好地地，一有關於呢個tag既野你就變左。冇女朋友會鍾意架。」
我：「我del左rubbish隻account佢啦，您唔好嬲:-( 。我唔想嘈交，您唔鍾意我即刻del:-( 。」
芷純：「係都要搞到全城風雨你先安落，自己又要驚比人起底，全部野都係你搞。」
我：「對唔住，您知我一向最緊張您，您唔鍾意既您話我知我一定唔會做:~( 。」
芷純：「你果d post我一個都冇睇過。由開post到而家睇住你變，我都唔知可以講咩好。」
之後我打左比芷純。比佢訓話左成粒鐘佢先下返啖氣。其實一個女仔為左呢件事嬲都係正常。只不過我一路都唔知佢會介意，因為佢一早知我係rubbish。只係有時唔係好明白d女人，唔鍾意點解唔可以直接講呢。
芷純：「希望你真係明白我唔係想鬧你同唔信你。我對你既信任係100%。我嬲既時侯既語氣係好差，對唔住bb:-( 。不過我真係好緊張你先會咁:-( 。您唔好唔開心:-( 。」
我：「我冇丫，您唔好唔開心就真^3^。我唔會再理個tag d野架啦。^3^ 」
之後果一排我地都少左講電話。
我：「點解您呢排唔打電話比我既:-( 。」
芷純：「您好鍾意講電話咩#oh# 。」
我：「鍾意呀，想聽您把聲:-( 。您唔係都鍾意架咩:-( 」
芷純：「一時時啦 。」
我：「咩叫一時時#oh# 。」
芷純：「有時鍾意有時唔鍾意。」
我：「why:-( 。未聽過有女朋友會話唔鍾意同男朋友傾電話:-( 。」
芷純：「因為傾電話做唔到功課。我冇話唔鍾意。」
我：「如果我話有時鍾意同您出街您會點諗:-( ？」
芷純：「你又要問人又唔比人咁答。不如你直接叫我答鍾意咪算囉。算啦我唔想講，解黎都晒氣。」
我：「點解您呢排成日都係咁，咩都懶得講懶得傾:-( 」
雖然又為左d小事嘈。不過呢個星期六我地去左長洲玩。感覺又返返去前幾個星期前去郊遊既日子咁。
我地仲買左個愛情鎖鎖左係長洲。曾經我以為呢種簡單既小幸福會一路到永遠。
係長洲返黎之後，我地去左sogo到買野食諗住返屋企煮。行行下既時候佢拎左個電話出黎覆msg。我好自然咁望住佢，佢即刻收返起個電話好似唔想比我睇到咁。
其實平時就算佢同人msg佢都唔會怕比我睇到。所以我見佢咁驚，我心入面覺得有Ｄ唔對路。
果晚我地一齊沖完涼之後，我就出左廁所先。因為佢平時要吹頭，所以多數都遲我十分鐘先出黎。我就係呢段時間拎左佢手機黎睇。
一打開whatsapp，就見到有個人msg佢。
「^3^ 」
可能佢見我on緊都冇應佢。佢又發多句黎。
「做咩唔應呀？ 」
我拉上去，見到條msg好長。平時芷純一向同咩人傾完都會即刻del條msg。呢個人應該傾左有一段時間。
我越拉就越不安。好驚睇到d我唔想見到既野。
因為我驚芷純就快入黎，所以我只可飛住黎睇。
「唔洗陪男朋友咩:D ？ 」
芷純：「邊有男朋友:D 。」
見到呢句我唔知當下個心好似比人吉左一下咁。
睇到果個人拍左條片比佢睇。
「電唔到人架啦。 」
芷純：「點會電唔到人，您電到我啦#love# 。」
睇到呢到我真係好嬲。唔知道發生緊咩事。
呢個時候，芷純入左黎。我望住佢。
我：「呢個邊個黎？」
佢冇出聲，剩係黑晒面咁望住我。
芷純：「拎返黎啦，睇人電話做咩姐 。」
我：「邊個黎架我問你？」
芷純：「點解要睇我電話呀？拎返黎呀。」
佢一路係到搶我一路禁住佢繼續睇。
男人：「仲唔訓既:D ？」
芷純：「我成日都失眠架:-( 。你聽下為你失眠呢首歌呀。」
為你失眠唔係我地既歌黎架咩？點解要比其他男仔聽？
我睇到d對話就好似見到以前既我地咁。
句句都好長，好多野講。好似有無限既心事同大家傾訴咁。
芷純：「您係邊呀。我岩岩出左學校門口啦:D 。」
男人：「我見到你啦:-] 。」
睇到呢到，我開始想喊。乜我唔係唯一一個接過佢放學既人黎架咩？
呢個人到底有咩咁重要？可以去接佢放學？
芷純：「係咪衰呢，岩岩比老師見到，而家比人誤會啦:D 。」
我諗起我地當時係維園城市論壇，佢驚比同學見到，但係又好開心既心情。
一路拉落去，見到佢send比我果張校服相，食既每一個飯盒。
我先知道，原來d校服相唔係影比我睇。連係學校食一個飯盒都要同果個人交待。
再拉落去，見到一張佢陪我訓係到睇波既相。當時佢影住個電視，我以為佢想影低同我睇波既時刻。但係原來，只係想send呢張相比個男仔話佢知佢睇緊波。
去到最底，姐係岩岩星期六佢上堂時候既對話。我車完佢因為太攰返左屋企訓。佢全日上堂就係到同個男仔傾計。仲send左好多連我都冇睇過既自拍比佢睇。
芷純：「比返個電話我呀。你比返我我即刻走。」
走？為左呢個人？
芷純：「分手啦，唔好煩啦。」
佢已經連解釋都懶得解釋。
雖然未睇晒，但係我聽到佢講呢d說話，我已經唔想再睇落去。
我將部電話比返佢：「您走啦。」
我比返個電話芷純之前send左句錄音比果條仔：「你唔好再煩我女朋友得唔得？」
個男仔即刻就秒回左句：「wo。」
我唔知道我send呢句野有咩作用，我只係知當時我真係好嬲，好唔想呢個男仔以為芷純係冇男朋友。我知道一隻手掌係拍唔響。佢唔想傾，冇人迫到佢同人傾計。
我掉返個電話係床到，比返佢。唔知道可以講d咩。
我坐左係到，眼淚不停咁流出黎。
點解。點解。點解。
我個心入面只係浮起呢兩個字。
雖然我地成日都嘈交，但係係我心目中既芷純，係唔鍾意同男仔傾計。佢係我心目中就算脾氣幾差，都係一個好專一，唔會貪新忘舊既一個。
我不停諗返起d msg。佢話冇男朋友，為你失眠既歌，話人地電到佢，校服相，接放學，自拍相。我唔知道眼前呢個人仲係咪我認識既果個女仔。平時我同佢msg緊既時侯佢到底做緊咩。我辛辛苦苦個個星期車佢返學，換黎既就係咁？
係我單身呢幾年，我曾經同自己講過，將來拍拖，如果有一日我既女朋友唔再鍾意我或者鍾意左第二個人。我一定要好好地放手。
我都唔記得自己坐左係到喊左幾耐。芷純行埋黎攬住我。
芷純：「你唔好喊啦好唔好:-( ？」
芷純：「係我錯，今次我錯得好離普:-( 。」
我：「您就走啦。」
芷純都開始喊。佢跪左係地下攬住我對腳。
芷純：「你唔好咁啦:-( 。」
我：「分手啦。您頭先都話左要分。」
芷純：「唔係呀，我唔想分呀:-( ，我唔想呀:~( 。」
芷純：「係我錯，我成年咁努力，但係今次錯左一次就咩都冇晒:-( ，我抵死。但係我冇做對你唔住既事架。我同佢冇野架:~( 。」
我：「咁叫冇野？您同人講冇男朋友？定你係真係冇當過我係您男朋友？」
芷純：「我冇講冇男朋友，我話邊有男朋友咋:~( 。」
我：「分別係邊呢請問？仲要親到人地黎接你放學？」
芷純：「果日落雨我冇帶摭，佢咁岩係附近先黎摭我架，你都睇到d msg架，佢摭完我就走左架啦:~( 。」
我：「等我仲好開心成日睇住您d校服相，原來係send完比人先send比我既二手相。仲要自拍比人睇？」
芷純：「d校服相我係send左比你先send比佢架:~( ，d自拍係因為我知你唔鍾意我借男仔d衫著黎影相，所以先冇send比你:~( 。」
我：「唔怪得呢排成日唔打比我啦。」
芷純：「唔係呀:~( ，我同佢真係冇野架，我唔會鍾意佢呢d人架，佢都唔係鍾意我架。」
我：「平時同任何人whatsapp您都唔會keep d msg，但係您同佢d msg您就一路都冇del，睇得出佢有幾重要。我見到您同佢傾計講咁多野，再睇返您平時同我講野。我都唔知可以講咩。你唔鍾意我唔緊要架，您講我知啦，您唔好呃住我好冇？我唔想做傻仔呀。」
芷純：「我好鍾意您架，你信我啦。冇人夠你好:~( 。」
見到芷純一路喊晒口咁攬住我，慢慢我開始有d心軟。可能始終我係d msg到都睇唔到佢有偷食。
芷純：「我知我今次係on9架啦，我冇得講:~( ，係我自己將自己呢一年建立既形像破壞:-( 。」
我：「果個係咩人黎。」
芷純：「我同佢識左好耐架啦。以前同佢食過兩次飯。之後都冇搵過大家。我話佢電到我果句係講下笑架咋:-( 。」
我：「講笑？您從來都唔會讚男仔架喎。唔記得點識？你玩我？你同一個人傾左咁耐，黎埋接你放學，你同我講唔記得點識？」
芷純：「真架:~(。你信我啦，根本我就唔搵揀第二個，有邊個會好似你對我咁好:-( 。」
芷純：「講真，有邊個男仔可以好似你咁。拍左拖咁耐，都可以同岩岩識果時一樣秒回:-( 。出咁多次街，冇一次唔車我，送我返屋企:-( 。有邊個可以做到您呢份堅持:-( 。所以你話我點會鍾意其他人:-( 。」
聽到佢d 咁既野，我成個心軟晒。我好感動我做過既野，原來佢真係睇到，我付出過既野，原來唔係白做。我又忍唔住喊左出黎。
芷純攬實我：「唔好喊啦，見到您喊我好心痛。:~( 」
果刻既我，真係好脆弱，我只係攬住佢不停咁喊。要放手，談何容易。
芷純：「呢d野原本我諗住結婚先講架，而家咁早講晒:-( 。」
芷純不停既安慰，令我心情平伏返小小。應該係話我仲未有時間消化我頭先睇到既野，所有既改變。
冇幾耐，佢就訓左。我訓唔著。我拎住個結他，行左去第二間房。慢慢諗返起頭先既事。諗起佢地傾計傾得幾開心。
一夜之間，所有既信任好似冇晒咁。
我諗返起我地岩岩識既時侯我比佢聽既一首歌。
https://soundcloud.com/user-196464690/b28i8wuqznqv
愛也要講資格 我有什麼資格
妳若靠向她 總可算合理抉擇
諗返起果時既我地就好似佢同個男仔傾計咁開心。佢讚我話我唱呢首歌既時侯感動到佢，令到佢好想攬住我。
佢會send佢既校服相我睇。佢會同我分享佢失眠聽既歌。佢會有無數既野想同我講。我相信，對一個人冇感覺，係唔會做呢d野，唔會傾到咁耐計。
我坐左係第二間房，攬住個結他，又再唱起呢首歌。
都唔記得係第二間房喊左幾耐。我行返去我房，望住訓著左既芷純，心入面好想相信佢。但係一諗起佢對個男仔d對話，我又拎起左佢個電話，想再睇清楚。
點知我開鎖既時候發覺我既指紋已經比佢洗走左。
我叫醒左芷純：「點解要洗走我指紋？」
佢好唔耐煩咁同我講：「你到底想點呀？」
我：「您岩岩先叫我信您，轉個頭您就del 我指紋，咁點信？信任係咪要慢慢build up 返先？」
佢好嬲咁起左身：「屌，算撚數，我忍撚夠，唔撚想再過呢d 生活。on 撚鳩鳩。」
佢落左床執晒佢d野，換左衫就走左。
我坐左係到，冇追出去。或者我已經習慣左。無數次既分手，同佢一齊，我隨時要預備比佢放棄。
我坐左係房好耐，都聽唔到開門聲。我心諗，唔通佢未走？
我行出廳，見到佢企左係門口到喊。我想過去安慰佢，但係奈可，真係做唔出。
我行左去門口，開左門比佢。
我：「拜拜。」
我行返房，見到空洞既房間。又忍唔住喊起上黎。
冇幾耐，芷純佢msg我：「我走啦。:-(」
我冇應到佢。
過左十分鐘，佢又再send多個msg黎。
芷純：「對唔住:-(。我唔想走:-(。」
我：「希望您以後會開心，過返d 您想要既生活。」
芷純：「唔係丫:-(。我唔想好似而家咁:-(。」
我：「咁您想點？」
芷純：「你真係好想分手？」
我：「係您自己岩岩話分。」
芷純：「我覺得你都想分。始終都係等個人講姐。我覺得你唔會再放得低呢件事。」
我：「放低係要時間，信任都要時間去build up 返，但您轉頭就改晒pw 咁，叫人點去信？」
芷純：「咁我而家返去，你早d 訓:)。」
我：「我真係好攰，每一次都係您走，每一次都係您講分手。您當我係玩具？悶就搵我，得閒又搵下其他仔。」
芷純：「岩岩係你自己開門我走。」
我：「咁您想我點？係咪要我跪返係到求您唔好走？」
芷純：「唔係:-(。」
我：「您想要既生活，我比唔到您，您去搵佢啦。」
芷純：「我係您屋企樓下等左您二十分鐘我先坐的士走:-(」
我：「係我錯，我冇去追你丫麻。」
芷純：「唔係，對唔住:-(。估唔到去長洲lock 完個鎖就分手:-(」
我：「係您自己話要分。」
芷純：「我唔想分:-(。」
我：「唔想分您會即刻執野走？唔想分您會飛的返屋企？唔想分您會鬧我？岩岩咁耐我有冇鬧過您一句？我之前答應左唔再鬧您。所以我點都唔會鬧。我見到您同佢傾計果種開心我就知您根本唔想同我一齊。」
芷純：「我同您而家傾計一樣咁開心架:~(。我真係唔想好似而家咁:-(。不過我知您冇可能接受到同我一齊:-(。」
我：「您唔好將d 野推落我到。您今晚唔返黎您以後都唔好返。」
雖然我真係好嬲佢，但係講到底，我又點會捨得。所以我內心都係好想見到佢會返黎，我想見到佢著緊我。
芷純：「我返到屋企啦:-(。我好攰，我想訓下:-(。」
我：「我講多次，您今晚唔返以後都唔好返。」
芷純：「您唔好咁好冇:-(。我真係好眼訓。」
我：「你真係好野，我開埋口叫你返你都可以話眼訓唔返，你真係好唔想分喎。」
芷純：「唔係:-(。係你開門叫我走。」
我：「唔係返丫麻？算。我對您好失望。」
芷純：「bb:-(。您係咪唔愛我啦:-(。」
我：「您返定唔返，唔好咁多廢話。」
芷純：「我想知您係咪唔愛我:-(。」
我：「唔係，咁您返唔返？」
唔知點解，我好似變到求緊佢返黎咁。
芷純：「咁您仲會唔會信我:-(。」
我都唔記得左我問左佢幾多次返唔返。最後佢訓著左冇再應我。
我唔明白點解我開埋聲叫佢返黎佢都可以唔返。
果一晚，我自己一個訓極都訓唔著。我所相信既人，同愛情，係一晚之內全部都冇晒。
或者我真係將所有野諗得太美好。
自問叫盡天下雞，屌盡天下女既我。其實只係一個愛情初哥，咩都唔識。
https://youtu.be/9hWe4zWx2jk
不再相信天使 卻信凝望你時
本性難移 凡心會動過不已
只要戀愛幾次 誰還能像幼兒
不會懷疑 無知到像個天使
若插翼難展翅 情願因你脫下純白羽衣
戀愛難 不想更難
苦戀那時 不得已
慢慢地學會痛心
慢慢地學會化身
普通人 還怎能
無償地 拚命愛別人
慢慢地習慣碎心
慢慢地明瞭情感的陰暗
才可跟你走得更近
天國跟我很遠 情人留在眼前
不會團圓 迷戀也有福 不敢抱怨
不會視而不見 純真總被歲月去污染
反正 誰都會有這一天
我相信每個人第一次拍拖既時候都係咁天真咁去相信愛情，相信自己既伴侶。但係純真都會比歲月污染。
到左第二日既晏晝，佢終於msg返我。
芷純：「sorry:-( 我岩岩先起身。」
我：「點解您可以訓得著？」
芷純：「我好攰:-(。」
我：「點解可以我叫左您咁多次都唔返？定係因為上左人地到走唔到？」
芷純：「我真係係屋企，我太攰，冇其他:-(。」
我：「我都好攰，我成晚冇訓就係等您回我，點知原來您一d 都唔care。 」
芷純：「對唔住，我好攰，我唔係唔care:-(」
我：「做咩off 得咁快？驚人見到您在線上吹您應佢？」
芷純：「你講d 咩丫:-(」
我：「尋日我on 您電話一陣佢已經係咁炸您啦。」
芷純：「佢而家冇搵過我啦:-(。」
我：「實信您啦，我冇啦啦彈左出黎，佢會唔搵您問清楚？」
芷純：「我尋晚真係訓左。」
我：「咁您而家醒左，返唔返？」
芷純：「我唔知您而家點諗我:-( 我覺得您唔會再信我:-(。」
我：「我點諗您？我諗既你就係錯左都要掉低我走左去，我開埋口叫你返黎你都唔返，而選擇去訓覺既你囉。」
芷純：「我從來都唔會睇你手機。」
我：「邊個當初大大聲話唔介意人睇？再者。你冇睇過咩？」
芷純：「我到底要講幾多次對唔住先夠？我知你以後只會一直提。」
我：「您唔洗講，尋晚返左黎已經夠，不過您冇。」
芷純：「我尋晚覆覆下您msg 訓左:-(。」
我：「咁而家醒左，返得未。」
芷純：「我而家都未起身:-(。你都訓陣啦。我到陣黎搵你:-(。」
我：「您真係好野，咁叫緊張？」
芷純：「我咪話左等陣黎搵你囉，我未起身，得未？」
我：「我冇野好講，去到而家您都情願訓多陣先。我終於睇清我有幾重要。」
芷純：「對唔住:-(。我冇話唔黎，但我真係好攰。可唔可以轉返wechat 傾？」
我：「點解？驚比佢見到？」
芷純：「唔鍾意用whatsapp。」
我：「唔鍾意用？同佢傾就得，同我傾就唔鍾意用。」
芷純：「點解係都要比較？」
我：「我係想比，我想知佢有咩好。」
芷純：「冇。」
最後佢都係選擇訓多陣先黎，黎到果時已經差唔多四點。
果半日，我同佢好平靜咁渡過左。可能因為我已經太攰。
芷純：「我返到屋企啦，您唔好再嬲啦:-(。」
我：「您可唔可以貼過我地合照係ig:-(。您之前發脾氣del 左。您唔識拒絕人，貼左咪唔洗拒絕:-(。」
芷純：「果個人冇我ig 架:-(。」
我：「可唔可以貼:-(。」
芷純：「好:-(。我唔想您唔開心。」
我：「您可唔可以block 左佢:-(。」
芷純：「佢冇搵我，我block 佢唔到:-(。」
我：「我好愛您:-(。比您想像中多好多。」
芷純：「我知道:-(。」
我：「聽日如果有時間既，可唔可以黎接我放工丫:-(。」
芷純：「我會:-(。原來plan 左黎接您架，比您搶先講左。而家冇晒驚喜啦:-(。」
我：「您係我身邊就夠:-(。」
芷純：「我知您好攰，我知您好唔開心:-(。」
我：「我冇嬲您:-(。」
芷純：「點解唔嬲:-(。我寧願您嬲我:~(。」
我：「因為我從來都覺得您搵人傾計都係因為唔開心先會咁。。。所以我都有責任。如果我對您好d 可能就唔會咁:-(。」
芷純：「唔係，係我問題:~(。對唔住。」
我：「對唔住講一次就夠，信我啦，我冇嬲，我冇事，您唔好自己諗埋一邊:-]。」
芷純：「我真係好對您唔住:~(。講真架。」
我：「如果累了 我們就回到第一天見面的時候 想想當初見面的感覺、那種默契:D。」
我：「我晚晚訓前都會睇下我地d 相同去過既地方:D，我對您唔會變架^3^。」
芷純：「bb:-(。您真係比我想像中更愛我:-(。對唔住，我知我做錯左:-(。岩岩您送我返屋企，我望住您走果時個背影，我好內疚:-(。」
我：「做咩而家好似您仲唔開心d 咁:D。放我錄歌您聽丫;-)。」
芷純：「我嬲我自己，我未原諒到自己:-(。」
我：「唔好嬲自己:-(。您已經好好。」
芷純：「我冇野好:-(。我真係好愛您，冇人好似您對我咁好:-(。我真係好想做您老婆架:-(。」
我：「我都好想做您老公^3^。所以先咁驚人搶走您:-(。」
見到芷純不停咁道歉同自責。我心入面已經原諒左佢。我同自己講，人誰無過。有邊個靚女會唔鍾意撚狗公架，係人都鍾意人錫鍾意人氹架啦。調轉我係靚仔，有好多女埋身，我都未必可以個個都say no.
而且芷純又得18 歲，我叫個18 歲既靚妹去定性，未免要求太高姐。我18 歲果時都係on99 咁。所以我決定原諒佢同佢重新開始。
我：「bb 我地七月去東京好冇^3^。」
芷純：「我地唔係講好去沖繩架咩#oh#。」
我：「我見您同果個男仔講話您最鍾意東京丫麻:D。」
我：「您做緊咩丫，好似好忙咁既:-(。」
每一次佢慢左覆我，我就會覺得佢同緊人傾計。
芷純：「我冇野做丫。一時冇睇手機姐麻:-(。」
我：「我好想您可以好似同佢傾計咁同我傾，咁多野講咁熱情:-(。您而家好您冇野同我講咁:-(。」
芷純：「我對您唔熱情咩:-(。我咩都有同您講:-(。」
我：「可能係我亂諗啦:-(。」
芷純：「你亂諗都係正常既:-(。」
我：「係咪熱戀期過左就返唔到轉頭:-(。」
芷純：「我一直都唔覺得我地熱戀期過左:-(。」
芷純：「可唔可以唔好再講呢件事。佢冇野值得我鍾意。我好攰:-(。但我驚我訓左唔知醒黎接您:-(。」
我：「唔緊要啦。您唔知醒我黎搵您。」
芷純：「咁樣唔係幾好:-(。我set 鬧鐘訓陣。」
時間一分一秒咁過，芷純都係冇起身。其實同佢一齊咁耐，佢只係接過我一次放工。我成日都會ff我有一日放工既時候佢會係樓下等我比驚喜我。可惜呢件事從來都冇發生過。
我：「您真係唔黎:-(。」
芷純：「我訓左覺先冇黎:-(。又係您話唔緊要既。你好難服侍丫xx(。」
我：「我口講唔緊要姐:-(。但係我心入面好想您黎，您應該會明架:-(。」
芷純：「算啦，我而家做咩都唔岩:-(。」
之後既一個星期，我成日都會on whatsapp睇下佢。每次見到佢在線上又唔回我msg我都會係咁炸佢。
或者我覺得一段關係兩個人都有責任。我好想修補我同佢既關係。於是我請左一日假諗住去接佢放學。
lunch既時候先去左搵佢食飯。拖住佢係學校附近行。我心入面其實好介意個男仔黎接佢比人見到。所以我好想佢d同學會見到我。
食完lunch之後，我去左行旺角打發時間。
我想買樣野送比佢氹下佢開心。行下行下，行左兩個鐘，都係咩都搵唔到。最後買左兩張卡，想寫黎送比佢。
芷純：「我覺得我呢排真係有d 燥，變差左:-(。」
我：「咁我有冇變:D。」
芷純：「您#oh#？您直頭變左第二個人啦:D。完全唔鬧人:D。」
芷純：「呢段感情您係比心機過我好多:-(。我會努力d 對返您好d 架啦:~(。」
我：「傻既，兩個人一齊唔洗比力架，自然d 舒服d 就夠架啦^3^。」
芷純：「原來變得冇咁care 果個係我:-(。但係我都想您feel 到我份真心:-(。」
我：「我feel 到架:D。您已經好痴我架唔，唔鍾意又點會做到丫，扮都扮唔到咁耐啦:D。」
一次又一次既懷疑，一次又一次既安慰。
內心既角力，每日都係到上演。好想可以簡單d咁樣一世。
有一日，佢貼左佢send比果個男仔但係冇send比我既自拍上ig。
我：「可唔可以唔好貼呢張相:-(。我見到又諗返起d 唔開心既野:-(。」
芷純：「咁你想點？我貼呢張相關佢咩事？」
我：「我話我見到會諗返起果日d 野好唔開心姐麻:-(。」
芷純：「你咁唔鍾意咪unfollow 我囉，好煩，我唔想再解釋。」
我：「點解永遠做一樣小小既野就可以令對方開心d 您都會選擇唔去做？」
芷純：「我好攰。我地需要冷靜下。」
我：「咁不如分手算啦。」
芷純：「好，我都唔想咁。」
無幾耐，我就見到佢block左我ig。
芷純：「bb。」
芷純：「我好掛住您:-(。放學黎搵您好冇？」
我：「您del 左張相先啦。仲要block 埋我。仲講咩掛住。您根本唔會care 我唔鍾意d 乜。」
芷純：「我可以del 左呢張:-(。但我唔想以後貼d 咩都要經您同意。」
我：「我從來只係介意過呢張相，您之前貼d 咩我都冇理過。」
芷純：「我對您講分手有d 失望。我估唔到您會隨便講。」
芷純：「我放學啦:-(。」
我：「您黎太古城搵我好冇？我係太古城踢波:-(。」
芷純：「我諗住返去訓陣:-(。我好攰。」
我：「您岩岩又話放學黎搵我既:-(。」
芷純：「我好攰:-(。」
我：「黎啦，您好耐冇睇我踢波啦:-(。」
芷純：「下次先啦，我真係好攰:-(。」
我：「咁我唔踢，我過黎搵您？」
芷純：「我都會訓陣先。」
我：「我車您去我到訓啦好冇？」
芷純：「你想我點呀？我七點半起身上堂，放學四點半，仲叫我山長水遠黎太古城搵你？」
我：「咁我個個星期六一早起身車您唔會攰？」
芷純：「你唔願意你咪講囉，我仲以為您自願架。」
我：「所以我攰就係應份？」
芷純：「唔想嘈，我訓覺。」
諗返起佢以前同我講過，平時返學返到攰，見到我就好似充電咁樣充滿能量。
而家見到我，只係會話攰。
到底係我呢個充電器壞左？
定係佢已經轉左新手機，唔再岩用呢個充電器？
我踢完波之後佢終於都訓醒。我車左佢黎我到訓。
第二朝一早，我地一齊沖完涼準備出去食野。我特登沖快d走左出黎想再睇下佢電話。
結果如我所料，果個男仔仲有搵佢。
男仔：「^3^放學未丫。」
男仔：「我放工啦。」
男仔：「訓啦我。Gd nite」
雖然我睇唔到芷純有應佢，不過我都幾肯定佢地有繼續傾計。試問經過上次件事之後，如果芷純冇再理佢，試問個男仔仲點會單方面msg佢成個星期？
再者，芷純唔係答應左我會block左佢架咩？
我忍唔住msg左佢：「你仲搵我條女做乜？」
佢好快就回左我：「屌，拍真情咩而家。」
我好驚芷純會隨時會出黎，所以我拎左佢手機scan左web版既whatsapp等我自己可以隨時睇到。賤係賤左d，不過我相信係男人都會想知道個真相係點，唔想做傻仔。
冇幾耐，芷純就出左黎。
我：「佢仲有搵你咩？」
芷純：「我估到你真會睇架啦。」
我：「你又話佢再搵你你會block 左佢？」
芷純：「你知我一向都唔會block 人架，再者，你都有眼睇我冇應佢架喎。」
我：「冇應佢佢會keep 住msg 您成個星期？」
芷純：「人地係咁我都控制唔到架，出去食野啦，我好肚餓啦。」
我：「點解你係都要搵佢姐，我真係好攰啦。」
芷純：「你唔信就算啦，出去食野啦好冇？」
我坐左係到冇再出聲，因為我知我再問落去都冇結果。或者我都唔想再聽到d大話。
芷純：「你食唔食呀？」
芷純：「ok ，你唔出去丫麻？咁我走架啦。」
就係咁，佢又再一次走左。
佢走左之後我即刻開住電腦睇佢whatsapp。
果然冇令我失望，落左樓唔夠5 分鐘，佢已msg條仔。
芷純：「你係邊丫。」
男仔：「屋企。」
芷純：「我好肚餓丫:-(。」
男仔：「食野？想唔想搵我:-]。」
芷純：「可唔可以唔好咁問[bomb]。」
男仔：「想唔想見我[slick]。定係唔想見我[slick]。」
芷純：「都話唔好咁問囉:-[。」
芷純：「你食左野未丫。」
男仔：「未。」
芷純：「你做緊咩丫。」
男仔：「我都唔知自己做緊咩。」
芷純：「岩岩起身？」
男仔：「唔係，岩岩你條仔msg 我果時起。」
男仔：「我而家出去食野，你唔想過黎就快d 返屋企。」
芷純：「唔等埋我:-[。」
一路睇，個身一路震。從來冇諗過自己女朋友一出左門口就可以變左第二個人。我接受唔到眼前見到既野。
好嬲，我真係好嬲。
男仔：「我一路都等緊。」
芷純：「我而家返屋企放低d 野，之後黎搵你？」
男仔：「好，我等埋你先食。」
芷純：「幫我睇下有咩巴士坐。」
見到佢地連去邊都唔洗問，睇黎應該去過好多次。
男仔：「坐296c。出門口話我知。」
見住佢地一路傾，我一路係間房到行黎行去，坐都坐唔定。我諗緊好唔好出去撞佢地。我好想打鳩呢條仆街。
最後我決定出去，拎住部電腦，用電話射個wifi出黎，渣住車，一路去睇住佢地去到邊。
我覺得好冇面。自己條女同人出街，我仲要好似隻狗咁跟住佢地。
芷純send 左張坐緊巴士既相比佢：「黎緊啦。我好肚餓:~(。」
仲記得以前芷純講過，佢十年都唔會坐一次巴士。估唔到會為左呢個人，山長水遠，去深水步，一個佢平時覺得好cheap既地方。
男仔：「一陣陪你食野^3^。」
芷純：「陪我食？你食左啦#oh#？」
男仔：「未，去到邊。」
芷純：「太平道。」
我一路睇住佢地對話，一路係到google map想渣去果條街。不過渣渣下我發覺好難搵。所以直頭落車拎住個電腦係到周街搵。成身人都未試過咁狼狽。
芷純：「到左啦我。」
男仔：「你影張相黎睇。」
見到芷純自拍左張全身既相比個男仔。著住件吊帶背心。
我同佢一齊左咁耐，出街之前，佢從來唔會自拍我睇，我見到呢一幕真係嬲到想一拳打爆個mon。
男仔：「我叫你影條街呀。」
見到條仔當我芷純撚狗咁撚，真係好心痛。街上面開始落住大雨。
我決定放棄走返上車。
我終於忍唔住去msg芷純。
我：「見到你係ssp，幾開心丫。」
芷純：「你跟蹤我？你慢慢。」
我：「你搵仔丫麻。」
芷純：「食飯only。你都叫我走啦，仲想點？」
我：「玩得開心d。」
離開左深水步，心入面有無限既幻想，佢地而家做緊咩。
返到屋企之後，我繼續開住個whatsapp黎睇。
芷純：「唔好嬲啦你:-(。」
男仔：「^3^。」
唔好嬲？呢兩日點解佢唔可以同我講一句唔好嬲？
相反，要去叫呢個男仔唔好嬲佢？咁我係咩？
見到芷純不停咁發表情比個男仔炸佢。但係個男仔就不停咁blue tick佢。當佢狗咁撚。
芷純：「:-]。」
芷純：「:-]。」
芷純：「:-]。」
m
係我心目中，一直好cool，唔會show d男仔既佢，竟然不停去炸一個唔理佢既人。
唔知係咪個男仔唔應佢，佢終於記得我呢個人。
佢終於send左個表情比我。
芷純：「:-]。」
真係好野，叫果條撚樣唔好嬲就send幾次。我呢？剩係得一個。睇到之後真係好心酸。
呢個時候，我見到佢細佬msg 佢。
細佬：「dinner? 」
我心諗，點解佢細佬會msg佢？
望真d，原來細您後面係多左一點。姐係佢個contact入面有兩個細佬。一個係細佬，一個個細佬. 。
芷純：「夜d ？」
細佬。：「幾夜。」
芷純：「今晚你自己？」
細佬。：「是。」
芷純。：「佢會過黎？」
細佬。：「不。」
芷純。：「我今晚要食母親節飯。」
細佬。：「ok。」
芷純。：「可以夜d。」
好快，芷純就del左段msg。
呢段對話，我睇到眼都大埋。到底呢個係咩人？
點解芷純會問佢今晚係咪自己？問佢會唔會係到果個佢又係邊個？
點解d對話咁似偷食既對話？係人地條女唔係到既時候上人屋企？
我cap低左呢段對話。問左幾個fd。佢地個個都一至認為芷純同呢個人既關系一定唔簡單。
我成晚係到問自己發生咩事，心中ff左無數個故事出黎。佢會唔會係呢一年都做緊人地sp？我諗唔到原來去說服自己。芷純唔係冇朋友架咩？點解而家又會上人屋企？
佢唔係剩係save我同佢屋企人contact架咩？
點解而家又會多左呢個人？
我成晚都訓唔著，就係諗呢個問題。
終於我都忍唔住去問清楚。
我：「可唔可以打比你？」
芷純：「有咩係到講。」
我：「點解你要呃我？你電話入面個細佬根本係個男人黎。你呃我話個男仔冇搵你，其實一直有搵。」
芷純：「你點解會知？」
我：「個細佬係咩人黎？」
芷純：「你hack 左我電話？」
芷純：「哦，我知啦。我以後唔會咁on9 唔logout web 版whatsapp 。」
我：「點解你呃人仲可以咁理直氣壯？」
我終於忍唔住打左比佢。
我：「個細佬係邊個黎？」
芷純：「你都話分手啦，關唔關你事呀？」
我：「你上人屋企？你偷食？」
芷純：「你都on9。你尋晚係咪msg 左個男仔？」
我：「係又點？我屌佢唔得咩？」
芷純：「呢d 係我地兩個既事，你走去煩人做乜？你有病？」
我：「對唔住喎煩到佢。」
芷純：「我地有咩事你都唔應該去煩到我朋友，你覺得你搵佢，佢唔會話返我知咩？我教精你咋，人地笑你傻仔咋。」
聽到呢到我真係心痛無比。聽住自己女朋友為左一個外人黎話我。
我：「你為左佢屌我？」
芷純：「唔係為左佢，我最撚憎人搞到我d 朋友，無論邊個都係。」
我：「明明係你自己錯先。你答應左我唔再搵佢。」
芷純：「我冇錯。而家我又唔係偷食。傾計都唔得？」
我：「明明您上星期先話您自己唔岩。點解而家又話自己冇錯？」
芷純：「我係冇錯。總之我冇偷食，你要話我偷食既隨便。仲有，果個細佬係我d 朋友，佢係果d gay gay 地既人，我同佢阿媽好熟，成日上佢屋企。果個佢，係指佢阿媽。唔係你諗咁。」
芷純：「仲有，我係同果個男仔食飯only，食完我就走左。」
最後，我咩都問唔到，反而就比佢屌冇我個幾鐘。當時我雖然好唔開心，但另一邊係咁說服自己，既然我真係搵唔到佢偷食既證據，會唔會我真係怪錯左佢呢？
唔知點解，我比佢既理直氣壯令到我覺得自己唔信佢係我唔岩。我開始為佢諗唔同既借口。
芷純：「總之我冇偷食，你信就信。唔信就算。」
我：「我地今晚睇戲好冇:-(。」
芷純：「可以，最好係屋企附近，聽日要返學。」
無幾耐，我又見到佢ig貼返我之前叫佢del既相出黎。
我：「岩岩嘈完交您又貼呢d 野:-(。」
芷純：「唔想再嘈，我鍾意貼咩就貼咩:)。最憎比人管住晒，唔鍾意咪unfollow 囉:)。唔好講咁多廢話:)。」
我：「唔敢:-(。」
芷純：「總之我鍾意貼乜就貼乜。」
我：「咁可唔可以唔好再同男仔單獨出街:-(。」
芷純：「ok。」
芷純：「我叫你食飯你唔理我，咁我搵人食下飯好閒姐:)。」
我：「咁你平時話攰唔出，唔通我都要約人出咩:-(。」
芷純：「你自己話分手，跟住你話唔會出 咁你諗下都分左手，叫你n次你都唔出唔通我跪係地下叫你出？」
我：「算啦，我唔岩，總之同我一齊果時唔好就我:-(。」
我：「我剩係想問。你以後係咪仲會同佢傾計:-(。」
芷純：「唔會。不過我都麻煩你1日你同我一齊都唔好再偷睇我手機plz🙏🏻ps我唔會睇你手機。」
我：「我唔睇，我信您。希望您會對我坦白，唔好做對唔住對方既事。」
芷純：「同埋唔好再成日check 我whatsapp 有冇online，我好反感，唔好再chur 我應你應我慢，我慢慢返屋企做功課已經冇晒時間，唔得閒晚晚講電話。仲有咪撚再掉我電話。」
唔知點解曾經佢覺得好sweet既事，今日竟然會變左令佢煩既野。
我：「咁您得閒果時打比我都得掛:-(。」
芷純：「我知您好鍾意傾電話，不過我唔係好鍾意。唔洗做功課？你係唔會明中左學生有幾辛苦。」
芷純：「再者，係咪女朋友你都鍾意傾架啦，你以前咪又係成日同d 女傾幾個鐘:)。」
我：「您以前明明話好鍾意傾:-(。」
芷純：「要講以前既你慢慢講飽佢。以前冇咁多野做。」
我：「其實您仲鍾唔鍾意我。」
芷純：「鍾意。」
我：「咁可唔可以對我既態度似返個對自己鍾意既人既態度？」
芷純：「事實你就係鍾意傾電話姐。」
我：「我鍾意聽到您把聲:-(。」
芷純：「咁你以前同人傾姐係鍾意人地把聲？」
我：「我同以前果d唔係晚晚傾，同埋點解您要講一d我同您未識果時識既人，係咪我未識您果時做過既野都叫做唔岩？:-(」
芷純：「同d 女拍片好撚岩？」
我：「咁係咪我都要計下您未同我一齊果時同人做過既野？」
芷純：「首先我唔會同唔係男朋友或者屋企人去旅行。都唔會同d唔係男朋友既人幾乎日日傾計。」
我：「我最後講一次啦，我掛住您，所以想同您傾:-(。」
芷純：「我問緊你同個條7頭shitty 妹。你係咪請佢去旅行？」
我：「唔係。佢有似返錢我。」
芷純：「證據？我唔覺得你會收返人錢喎。」
我：「我唔係您係咁怪我做咩:-(。我問您幾句您就發晒嬲咁。:-(」
芷純：「又係你自己話隨便問。而家又唔滿意？真係唔識同你溝通，88。」
我：「您問但係唔好怪我得唔得:-(。呢d 全部係識你之前既野黎。」
芷純：「怪您咩？條女咁柒。無野需要怪你。就算你屌左條女都係咁話姐。屌完都唔知會唔會生aids。講到條女咁神聖話人唔係ptgf。咪有係玩個個tag。」
我：「我從來冇幫過佢。您鍾意屌佢隨便屌。您其實想我點？」
芷純：「搞咁撚多野，傾計傾到去旅行。唔係鍾意人會搞咁多野？好撚好笑。」
我：「您想我點:-(。您係咁屌我以前既野我冇野可以做到。:-(」
芷純：「所以你要對我好十萬倍。」
我：「我會架啦^3^。」
唔知點解果時既我會咁，比芷純拎住我以前d野黎鬧我，我發覺自己已經唔記得佢對我做過d咩。