一次意外，我的人生可以重新來過？: 第一百三十一章

第一百三十一章
 
「哈哈，唔好玩啦呀妹，世紀大話呀今次你真係，我呀妹先同我講過話佢老死芷悠同呀彥青梅竹馬，你要搵你都唔好求其到咁呀哈哈。」美薰說。
 
「喂，呀妹既野你咪搭嘴啦，得閒學下你個妹咁唔出聲得唔得呀肥妹。」雄爺一聲令下，令本來說溜嘴的美薰都一聲不響坐到了雄爺身邊，我相信只有雄爺才能把這暴力型女孩治到。
 
「不過講開又講，彥仔唔係好係美薰所講有一個青梅竹馬的女仔叫芷悠咩，點解家陣又會變左你男朋友嫁呀女。」世伯說。
 
「嗯…. 呀…. 其實….」Gloria支吾以對。
 


「其實我同Gloria開始左無幾耐，我又唔想比家人知我同Gloria發展緊，你知啦我家人當佢女咁錫，無左個女多左個家嫂好似唔知點咁呀嘛哈哈。」我望了一眼Gloria然後對她點點頭。
 
「係…係呀…咪就係咁囉所以我先無同你地講之嘛。」Gloria緊接著說。
 
雄爺父親還是半信半疑的望著我，或許是因為我和他早已認識而且對我的印象不能跟Gloria扯上一點關系，因此他還是不相信我。
 
「Uncle，我知這可能對你黎講有D突然，但你有聽愛過情來得太快就像龍卷風呢句說話？我說盧Gloria係真心相愛嫁，希望你可以支持我地。」我握著世伯的手說。
 
「你講下你同Gloria點開始既事比我知，我再去諗信唔信你，解釋唔到既Gloria就要跟我去美國。」世伯一半正經的說。
 


「好。」我說。「其實我同Gloria之間曾經真係有一個女仔在中間，佢叫做芷悠。我同個女仔未一齊之前Gloria已經付出佢所有為我去追求個女仔，就算之後我同個女仔散左佢都繼績陪伴係我身邊，一直不離不棄，照顧我，氹我笑，就算我自己有一日封閉左係長洲，佢都日以繼夜去搵我出黎。我就知道，呢個女仔好愛好愛我。」
 
「係佢既陪同同埋照顧我，我慢慢放低對芷悠的感情，慢慢心入面佢既位置已經比小詩佔據左，我有問過自己，其實我有無仲鐘意芷悠？我又當小詩係咩？」我苦笑著說。「我以前有過一D唔好既經歷，所以我好怕會再傷害一個女仔既心，所以我未到最肯定的時候我都唔會同佢講我鐘意佢。」
 
「但慢慢，我就發現原來有D野過去左就己經過去左，我驚Gloria變左代替品，我驚佢會唔開心，我驚佢會比我傷害，慢慢我就知道我驚我怕唔係因為以前的事，唔係因為其他原因。」
 
「係我在乎，我緊張佢既感受，所以我由個日開始，努力去做好佢身邊人既角色，陪住佢，每日比溫暖同歡笑，比最好既野佢。」
 
「Uncle，雖然我身無分文，剛剛畢業，手上唔係好多錢，但我有一樣野可以肯定既係我對Gloria的愛係真既，可能前個排我都仲會諗我會唔會投射錯左個感覺，但我今日我可以好肯定話比你我無。」
 


「我愛Gloria，甚至比愛自己更愛佢，我願意留係佢身邊比最好既野佢。」
 
話一說完，我望到在場的人都驚訝的望著我，只有Gloria感動的強忍著淚，我知道她等了我這一番話太久了。
 
「我無諗過你條友可以講得咁肉麻，唔怪得我個女都會敗在你手上啦溝女王，哈哈。」世伯笑著說。「好啦當我無講過野啦，快D整野食飯啦，美薰你整成點呀？叫Auntie入去幫你啦。」
 
「係囉，快D整野食飯啦我地，行啦小薰。」伯母對我笑了一下，便走到廚房去。
 
「老豆，我地入房Winning。」雄爺說。
 
客廳裡只餘下我和Gloria，在柔和的燈光下，Gloria面帶粉紅的望著我慢慢走過來，把我緊緊的抱著。
 
「頭先你講既野，係咪真嫁？」Gloria問。
 
「如果我話係假呢？」我說。


 
「咁…我都明既，你為左幫我。」Gloria臉上的光芒馬上消失得無影無蹤。
 
「傻妹你睇下你個樣，我點捨得你唔開心呀，頭先我講既野都係真嫁。」
「你講咩係真話？」Gloria問。
 
「我話我鐘意你係真嫁，做我女朋友啦好嗎？林詠詩。」我抬起Gloria的頭，輕輕吻下去。
 
「嗯。」
 
在柔和的黃燈，靜靜的客廳裡，我們旁若無人地吻下了這個Gloria等待已久的一吻。
 
「我終於等到了呢一刻…」Gloria眼裡流下淚水來。
 
「終於等到了……」