一次意外，我的人生可以重新來過？: 第一百三十章

第一百三十章
 
「咦呀妹你終於番黎啦？」剛踏進Gloria的家，雄爺便大聲地問。「連呀彥都係度，咩風吹我個要郎唔要家人的妹番黎呀？」
 
「呀哥呀。」Gloria小聲地說。「咁呀彥唔開心呀嘛。」
 
「我夠唔開心囉，我因為無女朋友而唔開心呀，又唔見你介紹D女仔比我？又唔見你陪我？」雄爺得勢不饒人說。
 
「你話咩無女朋友話？」美薰剛從雄爺房裡走了出來。
 


「小薰姐姐都係度呀？」Gloria揮著手說。「好彩我同呀彥番得黎遲，如果唔係我地可能會被燒春袋嫁啦。」
 
「噗。」我聽到一把人聲在腦中響過。
 
「咦呀哥你地執哂野去邊度呀？」
 
「去美國探呀姨呀嘛，咪一早同你講左囉，下星期一出發嫁啦。」雄爺的手正被美薰拍打著。「喂痛呀！」
 
「抵死呀講錯野話無女朋友。」美薰繼續施暴。「抵嫁。抵你死嫁。」
 


「對唔住啦女朋友大人，我講錯野啦，唔好再打啦好痛呀。」雄爺摸著自己的手臂說。
 
「呀哥你地幾時一齊嫁點解我唔知嫁？」Gloria奸笑地問。
 
「呀妹呀你日日都只係痴住陳生我點樣講你知呀。」雄爺沒好氣地說。「你地今晚留低係度食飯啦，呀媽話好耐無見你。」
 
「嗯，我地番黎就係因為個傻妹掛住媽咪。」我為Gloria解答。
 
「已經叫傻妹啦？睇黎你地兩個一日千里喎。」雄爺拿起手上的PS2手制。「好事呀，呀妹都鐘意左你咁耐。」
 


「呀哥！」Gloria一早拿起桌上的豆沙包塞進雄爺口裡。

「我…. 入去睇下小薰有無野要幫手。」我尷尬的離開現場，走到廚房裡去。
 
時間過得很快，轉眼間已經是八時了。門鈴一饗，雄爺的父母終於回到家了，Gloria連忙走到門前迎接。
 
「Daddy！媽咪！」Gloria一臉高興的打開門迎接他們。
 
「女你終於番黎啦？彥仔都係度呀？好耐無見啦彥仔！」Gloria媽媽跟我揮揮手。「你瘦左喎。」
 
「係呀Auntie好耐無見啦，先前成日黎打搞你地哈哈。」我尷尬地說。
 
「Daddy下星期同你地去美國呢，係有另外一個任務比你嫁女。」Gloria父親說。
 
「有咩任務呀？」Gloria說。


 
「我要去傾一單生意，不過呢個客有一個仔仲未拍拖，佢好擔心個仔會無拖拍，所以小詩可唔可以去陪下佢呀幫Daddy？」
 
「唔得！」Gloria大聲反抗。
 
「下？點解唔幫Daddy呀？」Gloria父親說。「你都未有男朋友。」
 
「我有嫁啦Daddy，我拍緊拖啦。」Gloria說。
 
「咁係邊個呀？拍拖都唔話比老豆知，我先唔信你呀！」
 
「邊個話我無呀，今日咪帶左番黎囉！」Gloria叉著腰說。
 
「男朋友，過黎啦快D，唔係要我Daddy等呀嘛？」Gloria指著我說。
 


「下？」