一次意外，我的人生可以重新來過？: 第一百二十一章

第一百二十一章
 
「行得未呀慢吞吞！新蒸頭呀你今日諗住帶我去邊度玩呀？」我站在玄關前問Gloria。
 
「哎喲你等多我一陣啦我咩都未整好呀！」Gloria急得在團團轉了。
 
我望著眼前這個為我一直付出的女孩，彷佛看到了從前對芷悠的那個我，可是Gloria為我這樣做全是因為情誼上的支持，我卻因為愛而這樣做，所以對比於她，Gloria為我付出的比我那對芷悠的愛更加難得和純真。
 
看見她左手梳著頭，然後右腳曲起用手穿上鞋子的滑稽樣子已經教我哭笑不得。
 


「笑咩呀你！」Gloria一邊望著我嘟起小嘴，一邊整理自己的衣服。
 
「笑你可愛呀個樣。」
 
「你呀，成日都只係識蝦我！我都唔明白點解你呢D壞人只係識係我痛苦上建立你的開心同快樂。」Gloria說。「不過算啦，鬼叫你唔開心咩家陣，比你蝦兩下啦！」
 
我笑而不語，然後Gloria終於整理好自己的行裝，站在門關前望著我。
 
「乜你咁慢嫁！你睇下我整好哂D野等你咁耐。」
 


「係啦係啦，係我遲，行得啦我大人。」我舉起雙手作投降狀。
 
走到街上，Gloria領著我乘坐地下鐵路，我們在地鐵上談笑風生，然後到了第一個目的地--太子。
 
「我地去邊度呀？點解會去太子嫁？」我不解地問。
 
「行啦我地！行完先再講！」Gloria拖著我的手拉著我走。
 
離開地鐵站，走過大街小卷，當我開始看到道路兩旁出現了許許多多的花時，我就知道Gloria想做什麼了。
 


「邊有人過年先行花市嫁！」我笑著說。
「邊個講過完年唔準行嫁？我聽人講花市係開到農曆一月一嫁。」Gloria叉著腰說。「今日咪一月一囉！」
 
「凌晨就無嫁啦一般黎講。」我強忍著笑跟她說。
 
「咩喎！咁…. 咁…. 訓遲左佢地未關門之嘛！」Gloria帶點野蠻的反駁我。
 
「好啦好啦，行啦林詠詩大人，多謝你陪我行花市呀。」我笑著說。
 
「喂你睇下….係桃花呀。」Gloria就像一個未長大的女孩一樣蹦跳著走到桃花面前。
 
「你買番支番去啦，催谷你桃花運呀，等你唔洗成日痴係我身邊呀。」我說。
 
「咩呀？我家陣似係D咁唔講義氣既人咩？你無事我先會走！」Gloria說。「哇點解呢個玫瑰得花但係無下面，仲要係綠色既？」
 


「呢棵叫觀音蓮，蓮花既一種，唔係玫瑰黎嫁白痴。」我哭笑不得。
 
在太陽的猛射下，我望著身邊的途人都穿上了夏天該穿上的服裝，但Gloria今天卻穿了一件深藍色連身裙，胸部更顯得份外雄偉，附近更有兩個伯伯色迷迷的在盯著Gloria的胸部。
 
我下意識用手牽著Gloria的手，頭也不回的帶她走離花墟。
 
「做咩走咁快呀？我都未睇完。」Gloria不解地問。
 
「你呀，下次出黎既時候諗下應該著咩衫得唔得呀？著到條裙咁短，個心口又露左D出黎，比人睇到哂啦！」
 
「嘻嘻…..」Gloria不但沒有反醒，還偷偷的笑了。
 
「做咩笑呀你。」
 
「無呀。」


 
「仲話無？明明睇住你笑。」
 
「咩呀？唔笑得呀？我笑你做咩咁緊張呀，仲要到家陣都未放低我隻手。」Gloria舉起我倆牽著的手笑著說。
 
「咩…. 咩…. 咩呀！我驚…你比你睇蝕乍！」
 
「傻仔！哈哈…. 你好可愛。」Gloria笑著說。
 
「家陣要去邊度呀我地？」我決定轉換話題。
 
「去我屋企。」Gloria眼睛一轉，咬著下唇跟我說。
 
「你想點呀？」
 


「行啦死鹹濕佬！又諗鹹濕野。」Gloria白了我一眼，沒好氣的走在我前面。