一次意外，我的人生可以重新來過？: 第一百二十章

第一百二十章
 
「起身啦少爺！」Gloria的聲音在身耳邊響起。
 
「哎你咪阻住我訓啦，我好眼訓呀….」我還想再睡，但已感覺到有人走到我的床上。
 
「主人…..」Gloria說。「係時候醒啦….」
 
痕癢的感覺傳到我腦裡。
 


「喂咪搞啦！」我睜開眼，正想開口大罵時，眼前的她把我嚇得呆若木雞。
 
「主人做咩咁既樣呀？係咪小詩做得唔夠好你唔鐘意呀？」
 
你沒有聽錯，也沒有看錯。這句話真的由Gloria口中說出。
 
眼前的她穿上了粉紅色的女僕服，一臉萌態的伏在我床上，手中拿著貓掃輕輕的把玩著，然後一臉可憐的眼神望著我把這句話說出來。
 
「你做咩事呀著到咁呀？」由於Gloria伏左床上望著我，我望下去的時候看到她的胸部，所以我馬上別過頭來。
 


「做咩呀主人？」Gloria可憐的聲線又再響起。「你係咪唔鐘意我啦？」
 
「鐘意呀，但都唔好一朝頭早著到咁詩姐！！」一想把她推離我的床，想不到一失手被她壓到我身上。
 
「啊哈哈哈哈哈哈哈！」突然Gloria暴笑起來。
 
「笑咩呀你？無啦啦走上人地張床仲要著到咁….」我試著把自己遠離Gloria。可惜被她緊緊壓著。
 
「男人無一個唔鹹濕，本來我都有保留，如今我真係信啦！」Gloria更加大聲地笑著說。
 


「你講咩呀….」我還試著解釋。

誰想到Gloria突然打開我的被舖，伸手到我的短褲上撫摸著。
 
「唔鹹濕…. 又點會咁呀佢…」Gloria含著下唇望著我說，然後把視線轉到那兒身上。「點解你咁曳既？」
 
「咩…. 咩呀！男人正常起身都會咁嫁！」我急著解釋。「同埋你點可以無啦啦走去摸個男仔下面嫁，你係咪痴線嫁！！！」
 
「主人又罵小詩啦…. 係咪唔鐘意我啦？」小詩又含左淚水，水汪汪的望著我說。
 
「好啦林詠詩大人，你已經成功令我投降啦。」我舉起雙手。「我起身啦。」
 
「起身就乖啦，我煮左早餐呀，出黎食啦。」Gloria站了起來整理好女僕服。「食完好去沖涼我地出發啦。」
 
「出發？去邊度呀？」我不解地問。


 
「行啦，包你有一個意想唔到既香港一日游。」說畢後Gloria便轉身離開了我房間。
 
匆匆梳洗完畢，走出廳裡，發現房子裡都被裝飾了滿滿的福字及揮春，而Gloria也穿上了很可愛的唐裝。
 
「搞咩呀你？」我被她弄得哭笑不得。
 
「恭喜發財呀小彥，祝你快高長大，日日都要開開心心，快D搵到個新既女朋友番黎！」Gloria拿出了存盒和糖蓮子。
 
「今日都唔係農歷新年，你搞咩呀。」我笑得合不到嘴了。
 
「咩呀，有人話忘記一個人既話最長一年就搞掂嫁啦，所以我就決定黎緊每一日都整唔同既節日，等你可以快D過一年既時間，之後你就會開開心心重新上路，忘記所有唔開心！」Gloria說。「我好想你可以快D振作起黎，唔好再難過落去呀！」
 
「傻嫁你真係。」我被她的心意感動得哭了。「我應承你我會努力忘記芷悠，但你唔洗咁做啦，你會好累嫁日日轉主題。」
 


「我唔知我唔理，只要有方法令你開心番，我點辛苦都要做落去！」Gloria說。「今日新年呀！喊苦喊忽做咩呀你？快D過黎食麵同蠔屎粥啦！食完麵呢就人人比面，食完蠔屎啦就發財好市…..」
 
Gloria之後的說話我也沒聽上耳了，只知道原來身邊都一直有一個人對我這麼好，我想我也應該快點離開所有回憶，回到應該屬於我的現實了。
 
「嘩！咁鹹既D粥！」我伸手抹掉流到碗上的眼淚。
 
「你自己喊乍！新蒸頭你再喊我就真係殺左你啦！咁唔老黎！」Gloria叉著腰說。
 
「你夠殺殺聲啦，又好好意頭？新年呀今日。」我也融入了她為我預備的一切。
 
「呀！駁嘴呀嘛！」
 
就這樣一笑一罵，我開始了Gloria為我準備的濃縮版365天。