一次意外，我的人生可以重新來過？: 第七十一章

第七十一章 

在男更衣室內，有名學生正在使用手提電話。 

「Roy，今日下午練車個陣，有野想同你傾下。」Jerry對著電話說。 

「搞咩呀？有麻煩？」 

「唉，唔好提。我最近比一個男仔追緊我女友，我驚有帽帶。」Jerry可憐地說。 



「咁夠膽比帽你帶呀？我幫你搵定兄弟開佢波！」Roy在電話裡說。 

「唔洗呀，我搞得掂…」 

「唔洗同我講唔洗，你既事即是我既事，搞我兄弟既人我唔會比佢有好下場！」 

「多謝你，Roy。」Jerry奸著笑說。 

在課室裡。 



「今日我地去伏Jerry喎，你記得嫁可。」雄爺在我耳邊說。 

「嗯…. 但會唔會唔係太好。」 

「佢出面搞風搞雨個陣又唔見佢話唔好？」 

「你地講緊咩呀？」芷悠走過來說。 

「無野呀，我地講緊轉頭去踢波之嘛。」我笑著說。 



就這樣我帶著戰戰競競的心情，終於到了放學的時間，按計劃，我們會先留一下在學校才到遊戲機中心附近。可是班主任卻有此時強行把我們留住商討班務之事。 

我程雄爺都快急出汗了，因為Gloria就在遊戲機中心陪著Jerry，我害怕我們不快點趕去，Jerry便會對Gloria有什麼不好的念頭。 

「今日就講到呢度啦，夜啦，大家放學啦。」班主任終於說。

「五點半啦快D走呀！」雄爺對著我說。 

「喂你地去邊呀！」我和雄爺一個箭步便離開了課室，正當我們見到門外有計程車時，我看到雄爺停住了腳步。 

一班我們不認識的人，正從對面的球場走過來。 

「睇黎係搵我地嫁。」雄爺說。 

「你夠唔夠打？」我望向後面，發現有二人把我們後路都給斷了。 



「平均一個打四個，點打？」雄爺說。 

「唔打都要打，上啦！」 

只見對面的人趕至，拳如雨下般打到我們身上，我們由剛開始的還手，到檔，到走避不住的被他們趕到牆後。 

「夠膽打我兄弟女人主意？你都幾夠膽喎。」一名小混混說。 

「你係邊個？」我問。 

「你洗乜理我係邊個，你搞我兄弟女人比帽佢帶就係唔岩，兄弟做野！」 

「搞陳芷悠？想搶我女人？你真係未死過。」Jerry在我身後的建築物二樓說。 



「Jerry有種你就落黎講數，唔好搵人打我咁小人！」我激動地說。 

「係呀我明小人呀，咁點？你吹得我漲呀？」看到Jerry一臉驕蠻的樣子，我就火打了，隨手一拳便打到前的正準備動手的人身上。 

「還手？做野！」Roy繼續命令手下打我們。 

「你地係度做乜野呀！停手呀！」我聽到芷悠的聲章響起，並從遠處趕過來。 

「行開啦賤女人！」Roy一手推開芷悠。 

「個個我女人黎嫁Roy！」Jerry突然從後大叫。 

「Jerry，係你做既？」芷悠被推倒時看到Jerry的樣子說。 

只見所有時都來得太突然了，芷悠已比Roy推出馬路，右邊亦有一輛白色房車收制不止，將會撞到芷悠身上。 



我想也不想，衝出馬路，把芷悠推開。

「彭！碰！」 

芷悠沒事了，但我.... 

就躺在白色房車前了。 

「呀彥！！！！！！」芷悠掩著雙口大叫。 

我....好像快失去意識了。