一次意外，我的人生可以重新來過？: 第七十章

第七十章 

「呀彥我今日放學後會去補習呀。」芷悠說。 

「哦？去補習？無聽你講過既。」我正在想今天放學後的行動，冷不防被芷悠一下拍在背上。 

「頭先咪同你講左囉，點解你今日無理精神咁嫁？」芷悠摸著我的臉問。 

「無事呀，上堂啦。」我把芷悠的手拿下，然後轉過手來。 



我不想再存在著多一分的幻想。 

因為希望愈大，失望愈大。她的行為有時會把我的的幻想放大，但卻把我最後留在幻想之中，並沒有帶著我離開。 

而且，今晚將會發生的事，我還在擔心芷悠知道後的心情。 

「係呢，點解你要補習既？」我問。 

「我未報嫁，但我應該會今晚去上第一堂試堂。」 



「其實你自己溫都得嫁，點解要去補既？」 

「無計啦，先前就話有人會幫我溫，自從我失憶後就無啦。」芷悠扁了一下嘴。「D人都無我心啦。」 

「點會呢，我可以幫你溫嫁。」我微笑著回答。 

「你話嫁！咁我上埋今堂試堂我就唔再去啦！多謝呀彥！」芷悠高興的把我擁著。 

我摸了摸她的齊陰，也附和地笑著。 



「我想去toliet呀，小薰去唔去？」芷悠站了起來問。 

「嗯…. 好呀。」

於女洗手間內。 

「小薰你做咩帶我去個咁遠既toliet呀？」芷悠問。 

「芷悠…. 其實我有幾個問題想問你….」 

「好大件事嫁？關於浩文既？」 

「唔係…. 我想問關於你既事。」小薰抬高頭，望向芷悠。 

「唔係發生左D咩大件事嘛？做咩咁認真咁既樣呀小薰？」芷悠有點驚訝的問。 



「其實你對呀彥係點？」 

「下！做咩咁問呀？」 

「我真係當你好姐妹先同你講乍芷悠。」小薰頓了頓。「如果你唔係鐘意呀彥或者想比機會佢既，可唔可以唔好比太多幻想佢呀？」 

「我幾時有比幻想佢呀？」芷悠看似很吃驚。 

「你仲話無。悠，將心比己，如果你單身，有一個你鐘意左好耐既男仔，佢成日無啦啦對你甜笑，放電，有事又會要你幫手….」 

「唔係搵佢幫手都有罪嗎？我真係唔識呀嘛！」芷係一臉冤枉的樣子。 

「我都未講完，你等我講埋先。你比個個男仔又抱又摸，你會有咩感覺？」小薰望著芷悠大聲說。「最重要既係個男仔有女朋友嫁，而你又係知道，換轉係你，你會開心咩？」 



芷悠別過頭來，沒有回答小薰。 

「我望見呀彥對住你仲要嬉皮笑臉咁，有時仲比人罵，比你講佢煩，換轉我係佢，我一早自殺死左啦！」小薰厲聲說。 

「我都唔想嫁，但我真係覺得同佢好岩傾，我先咩都同佢講乍…」 

「但你有諗過佢既感受呀！如果我係你既我唔會同佢咁親密囉一定。」小薰說。


「唔該你，有時候唔好同佢行咁埋啦，搞到佢好難受嫁！你知唔知個日佢同呀文係屋企飲到醉哂，我上黎幫手清潔個陣，佢訓住同我講咩呀？」 

「佢講咩呀？」 

「佢話呀…」小薰試著學著呀彥的口吻。「如果你唔鐘意我既，可唔可以唔好比希望我？我見住你同Jerry咁開心，我好難受，我好難過呀。每次聽到你講佢有幾好有幾好個陣，我真係唔識對應呀，你又問我點解唔比回應你，我點回應呀？除左壓住自己既難受笑住咁祝福同附和你，我仲可以做乜？我仲要驚為難到你，驚你唔鐘意，所以好熱情咁對你呀！我好辛苦呀！」 



芷悠聽到這時，已經流出眼淚來了。 

「小悠，我知道你唔係一個收兵既女仔，但我諗你都係好好考慮下呢個男仔既感受，我記得我問過佢點解佢可以忍受住咁多去對你好，你知唔知佢點答我呀？」 

「佢話比我知，全因芷悠是我的快樂原因呀，你知唔知佢為左你付出左幾多呀？」 

聽到這裡，芷悠已經泣不成聲，然而在門外偷聽著的Jerry，卻緊緊的握起拳頭來。