夢醒時份: 第九章

「你真係願意同我一齊？」沙帶點疑惑地問。

「係呀！如果你唔介意我呢個傻仔嘅話，我想你同我一齊。」我好誠懇地道。

「嘻！你其實根本唔傻，你好叻。多謝你呀！」沙甜甜地笑著講。

然後我伸出隻手去捉緊佢嘅手，一對好冰冷嘅手。

「你對手咁凍嘅？你係咪好凍呀？」我擔心地問。





「我對手不嬲都係咁凍，不過你對手咁大咁溫暖我對手而家根本感覺唔到凍。」沙係我耳邊細細聲道。

甜蜜幸福開始圍繞著我們。但可以維持幾耐？

我地第一個嘅聖誕節，我設計左一連串驚喜。

由於沙嘅生日同聖誕節好接近，第一個佢嘅生日我為佢設計左一張生日卡。封面有佢最鍾意嘅麵包超人蛋糕，入面有我對佢嘅承諾：「我願為你擔一生的傘，借一世肩膀俾你依偎。」

食完聖誕餐，我地去到維園一個角落。我準備左一系列啤牌魔術送上一個承諾，從魔術變左一隻銀紙戒指。





「沙，我想有一日可以為你戴上真戒指，呢一隻當係我先俾你嘅承諾。只要你唔離開我，我都會一齊係你身邊。」

「呢一套魔術，其實我仲未諗到叫咩名，因為我都係上個禮拜先完成好個編排，希望你鍾意啦。」

沙感動地喊：「好多謝你為我做嘅一切，我願意留係你身邊一生一世。」

自此以後每一年嘅情人節，我都為沙送上一對銀紙戒指。

每一個周末，沙都會同我食飯睇戲，有時陪佢行下街。有日，我地經過冒險樂園見到公仔機有麵包超人公仔，沙好想要但又知道自己唔識夾。





我考慮左一陣：「俾一個禮拜我，我會送呢隻公仔俾你啦。」

沙急著道：「唔好晒錢啦，佢成日都會換款。」

我輕拍拍佢個頭：「幾多款都唔係問題，俾少少時間我就得。」

然後嘅一個禮拜，我從Youtube 一直研究夾公仔同扔彩虹嘅技術。當大慨領會就自己去試下夢幻樂園同冒險樂園嘅各款公仔機同彩虹。

就係咁，每一個禮拜嘅周末，我地又多左地方去，就係去唔同冒險樂園、夢幻樂園分店搵麵包超人公仔同埋得意嘅企鵝公仔。

每一次贏到大公仔，沙嘅房間就變得更少嘅位置。沙撒嬌地道：「你呀！俾左咁多公仔我，如果有日你唔再夾同贏俾我咁點算喎！」

我溫柔地親一親佢額：「只要你鍾意，我一定會一直夾俾你。直到你唔要為止。」

沙嘅父母好安心將沙交俾我照顧。經常叫沙多D 陪我，去我屋企食飯。





好溫馨，好幸福，亦充滿著甜蜜的愛。

將要踏入第三年...

<續>