夢醒時份: 第六章

先行左最大幾個書商見到好多名人嘅作品，陶傑、森美、杜汶澤等。

我借機問沙：「你有無追偶像架，好似森美，杜汶澤呢D？」

沙：「無呀！我其實都好少睇書，睇書最多嘅時間就係讀書嘅時候。」

行過大眾，一堆堆愛情小說嘅作家，深雪、亦舒、張小嫻放晒係最著眼處。

「沙，女仔應該都好鍾意睇愛情小說，你有無睇開呢D？」





「無呀。愛情小說好多都好傷心，我聽講張小嫻每個故事都好悲傷。」

「如果講愛情小說嘅話，我會比較鍾意鄭梓靈。一陣我就係去買鄭梓靈本新作。」

沙對眼帶著好奇加意想不到地問：「你會睇愛情小說？咁唔似你個人嘅，你似係睇武俠，科幻個類嘅人喎。」

我笑著回答：「我中學都睇晒金庸，古龍，黃易同倪匡個D 小說啦。後尾開始睇下唔同嘅愛情小說，發覺鄭梓靈個種簡單同清純比較適合我。」

我睇得出沙嘅眼睛仍然好好奇，究竟點解我呢種咁運動型嘅男仔會睇愛情小說。





「一陣我再話俾你聽點解鄭梓靈嘅書吸引到我啦。」我嘗試避開佢嘅繼續追問。

行過葉壹堂，見到本追風箏的孩子(The Kite Runner)。我介紹俾沙聽，呢本書係一個後悔嘅真人故事。

有時做人要微笑開心唔係一件容易嘅事，所以要好好珍惜能夠活著開心嘅日子。

沙聽完之後講得好似好深奧，但佢卻有好奇拎起本書翻了幾翻，然後問我：「係咪好睇架？」

「個故事係幾好，不過好多名字都係阿富汗文，當係一個故仔咁去睇就OK，個故事都有D 悲可能會睇到你喊。」





沙帶點懷疑地道：「唔... 好啦，我試下睇下啦。不過咁多英文，我唔知要睇幾耐。哈哈！」

之後繼續行，行到花千樹嘅攤位。沙驚奇：「嘩！鄭梓靈原來出左咁多書，但好似無個邊個D 咁出名，要行到咁入先見到嘅？」

我解釋道：「其實出唔出名我覺得唔重要，只要佢寫嘅野你睇得舒服，你有共鳴就得。一個作家可以好似明星咁樣吹捧嘅姐。」

「佢第一本令我印象深刻嘅書叫《流浪的旋轉木偶》，係講一個叫杰嘅男仔深愛著一個好鍾意冒險，唔會願意為佢停低嘅一個女仔。但杰唔介意，因為杰願意將自己一生嘅愛交俾呢個女仔。」

沙好奇地問：「真實邊會有咁傻嘅男仔？」

我斬釘截鐵地答：「呢個世界咩人都會有，但好多時當你遇到你唔會發現得到佢就係你身邊。就算俾你發現，你都未必會珍惜。」

沙肯定地道：「如果有咁好嘅男人，係女仔都會珍惜同願意留係佢身邊啦。」

我感嘆地道：「如果每樣野係咁肯定就好，可惜人會變。如果真係好似你咁講，我就唔會到而家都單身啦。」





沙慚愧地答：「唔好意思，又觸起你唔開心嘅回憶。係那個女仔唔識得珍惜你，你會遇到個珍惜你嘅。」

我轉開話題：「我不如借佢D 書俾你睇如果你有興趣的話，佢另外有本叫《無名字的你》係木偶嘅續集黎。今次我係黎買《蜂蜜色的眼睛》，我睇完覺得好借俾你啦。」

沙笑返：「好呀。多謝你！」

我地買完書行去其他嘅細廳，沙買入左D 文具之後我地就離開。唔經唔覺都已經九點了...

<續>