夢醒時份: 第五章

「無需要太多　只需要你一張溫柔面容   隨印象及時掠過　空氣中輕輕撫摸」

從第一晚夢見佢之後，間斷地係夢都會見到佢。而每日見到佢都總會帶點甜絲絲嘅感覺。是我跌進入戀愛嗎？

今日，我返工之前係7-11 買左兩張書展入場券，準備今日放工之後同沙一齊去。

「沙，今日放工之後去書展好嗎？」

「好呀！希望今日可以準時收工啦。」沙微笑地回應。





很不幸，今天嘅工作卻非常之繁瑣，七點我地都仲未走得。

突然，經理行出黎，今日大家都忙左好耐，快D 埋一埋尾有咩留返聽日先做啦。

我急忙收拾好枱上那十幾個文件夾，行去睇下沙有無野我可以幫手。

「沙，你有無野要我幫手呀，我個D 差唔多啦。」

「冰，差少少姐，但睇黎我地今日去唔到書展啦。我地又未買飛而家去實排好長隊。」沙無奈帶點失望。





我係裇衫口袋拎出兩張書展入場券：「我準備好左啦一早，如果你唔嫌夜同多人嘅話，我地今日都仲可以去。」

沙錯愕失神了一秒：「點解？你今朝已經買左啦？乜你都有咁細心嘅一面？」

停頓了一瞬間，空氣同呼吸聲係呢一剎那都像凝結僵化。

我在繼續等著，等待沙嘅回答。

沙含羞地繼續：「既然你都買左，咁梗係要去啦！等我執埋D 野之後一齊去啦。」





我開心地回應：「好呀，我係出面等你。」

我同沙並排著行，外面下著微微細雨。

「沙，你凍唔凍呀？」

「我OK 呀。不如行快D，希望落雨唔好太多人啦。」

行到會展門口，好彩我地買左飛唔使再排隊買。主廳果然好擠擁，我拎起個地圖先同沙決定左有邊個攤位要行。

「沙，你有無書想買？」

「無特別，睇下有無咩吸引到先決定。你呢？」

「我有呀，不過我已經知係邊會搵到，我先同你行下其他攤位先再去買我嘅書。」





「好呀，你好似好熟D 書同書展嘅攤位喎！」沙好奇地開。

「我有時間都會借書或者上網睇，算係有少少認識咁啦。書展我通常係睇下有無咩特別新作品之類。」

「大多數一日係行唔晒成個書展咁多個攤位，所以只可以集中某D 攤位去逛。」

「一陣我見到有咩書覺得好就推薦俾你啦，睇下你啱唔啱。」

沙:「好呀！」

<續>