從你的世界經過2: Ch.11
8年前，Natalie 走嘅前個個禮拜
「邦叔！有冇唔要嘅材料啊？」我問
「豆釘仔！又嚟攞嘢啊？」邦叔問
「係啊！」我興致勃勃地說
邦叔就攞咗啲廢木材，同埋啲難咗嘅風扇葉片。
「多謝！」我感激不盡
你可能會問我點解要呢啲嘢。好簡單…緊係畀 Natalie 一個驚喜，話晒都係我哋嘅兩週年拍拖紀念。
整下整下，都已經夜晚8點幾，但係我都冇放棄，繼續整
「同學！你喺到做咩？」突然有道好燦眼的光照着
我企起身，嚇了一跳。估唔到咁夜仲有人喺學校。但係睇真啲，原來係邦叔
「邦叔？！」
「豆釘仔？！你喺到做咩？」他驚訝
「我……整嘢囉…」我尷尬地說
「你攞我啲木材…就係整呢啲嘢？」他發現了
「…係啊……」
「你諗住整到幾點啊？」
「唔知呀……依家3份1都冇…」我埋怨
「等我幫你啦！」他拍心口「整咩？」
「下個禮拜就係我同……我女朋友拍拖兩週年…所以想整樣嘢畀佢作為禮物……」我解釋「我想整個火箭……好似呢個水晶球咁」我那出了水晶球給邦叔看
「點解係火箭？月球？」他問
「乜你冇聽過一首歌咩？」我問「願我會揸火箭 帶妳到天空裏 在太空中兩人住」我唱着
「活到一千歲 都一般心醉 有妳在身邊多樂趣」他接着「分分鍾需要你呀嘛」
「係呀…所以我想用呢個火箭同月球去表達」
「得啦！包係我身上！邦叔識做！」他十分有自信的
就係咁，每日放學，我都第一時間跑去天台整個火箭，而邦叔亦都幫手整。成個過程好興奮，邦叔教咗我好多嘢，除此之外，佢仲幫我諗咗好多 idea
一個禮拜後，原本嘅我抱住興奮嘅心情去等待兩日後嘅紀念日，但係連個天都玩我，當我發現咗段錄音，我先知原來幾有心機都好，到最後都係得個吉
個日之後，我再冇上天台整火箭，亦冇再見過邦叔。天台都冇再去過……