從你的世界經過2: Ch.9
「先生你再行前，我告你性騷擾！」Mandy喝止那男人
「Natalie…係我啊！啊諾啊！」那男人說
「吓？」我感到奇怪
唔通個個“佢”就係眼前呢個男人？但係佢自稱自己係啊諾…並冇“神”呢個字……唔通佢知道我啲嘢？
「請問我係咪同你好熟㗎？」我哋搵咗個地方傾計
「吓…做咩咁問啊」他感到奇怪
Mandy 就瞬間變咗我經理人，同啊諾講返成件事嘅來龍去脈。
「哦……」啊諾恍然大悟
「我有好多嘢想問你…」我不好意思地說
「隨便」他說
「想問下你係點識我㗎？同埋…點解你叫我做啊嫂嘅？」我問
「咪因為佢囉」他說「唉…想當年…你哋兩個好恩愛。啊神佢好好人㗎，我當佢係兄弟咁……所以我咪叫你做啊嫂囉……」
「啊神……係邊個？」我問
「唉……你真係一啲記憶都冇呀？」他慨嘆「啊神係你個 ex ……你哋拍咗拖2年半…但係因為你人間蒸發咗，呢段愛情就係咁告終」
我呆了，心情十分複雜
「你走咗之後，啊神佢足足喊咗3日，頹咗成年。」
「想問下點解佢會咁傷心……」我慚愧地問
「你跟我嚟呀，我畀啲嘢你睇」他站起來
啊諾帶我到學校裏的課室
「當時佢就係喺呢個 locker 搵到你畀佢嘅錄音」他指着一個locker
唔知係咪因為心理作用，一見到個 locker 嘅時候，心入面隱隱作痛。
「聽完你段錄音，佢就坐咗喺個個角落喊」他指着課室的角落
我慢慢咁行到個 Locker 面前，嘗試搵返啲回憶
「張 sir ! 校長急 call meeting 啊！」突然有個女士在課室外說
「哦…好！」他應了她「咁你自己行下啦…我要開公啦！」他跟我說，然後走了