生化危機下，你會點樣保護你女神？: 第六十五章

我已沒力再作任何辯駁。不是力氣上的乏力，而是打從心底的灰心。
 
「根本就冇話甘唔甘心，我地一直都係活響佢地個計劃入面，冇佢地，就唔會有我地既存在。你都睇到啦，雖然我地變晒做喪屍，但係又有咩問題？我地咪又係咁生活。」健美喪屍老實且不客氣地說出他的心聲。
 
個人認為，仲難聽過粗口。
 
「人叫你做咩你就做咩，你係佢隻狗呀？」我懶得再跟他進行對話，反倒是找來身旁的路人喪屍：「點解你地唔嘗試反抗呀？你地真係甘願去到呢個地步？」
 
「你地真係肯好似扯線公仔咁，俾上面班人為所欲為？」
 




無一不是遠離我，就是耍手擰頭，彷似全個社會之中，就只剩下我一人覺得有問題。
 
呢個香港，已經崩壞咗……而入面啲人，早就已經唔再係之前既香港人……大家剩係諗住只要生活平安就夠，之前所擁有既野冇晒都唔係問題。
 
「好彩你地係喪屍，因為你地根本枉為人！」我厲眼指著站於最前方的健美喪屍：「我係唔會眼白白睇住香港一步一步咁俾人破壞而唔出聲。」
 
我實在不想再跟他們對視多一秒鐘，只好轉身再次回到家中。在歸家的路程中，不時聽到身邊的喪屍對我的指摘聲，說什麼要不是大陸，香港根本不會變得那麼好之類的。
 
有些喪屍甚至叫我別把社會的安寧放於桌上作為賭注，要求我馬上停手。
 




但，我並沒有理會。你們說我一意獨行也罷，說我破壞社會安寧也罷，我的目標只有一個，就是找回原有的香港。
 
只有這樣，一切才會返回原點。縱使世人都把我視為眼中釘，千古罪人。只要我認為這件事是對的，我便會做。
 
反抗，是唯一的出路！
 
「(求救)有冇巴絲身處外國？」
 
「我地香港現處於一個非常危險既時期，希望身於外國既朋友可以幫幫手，搵吓幫手。」
 




隨後，我再附上了數張相片，希望增強說服力。
 
「巴打，香港到底發生緊咩事？點解日本機場嗰邊話往返暫時未有香港既班次？我明明一早訂好晒機票都話冇？」
 
想不到還真的有人回覆！整件事總算是看到了出口！
 
「係生化危機，我知件事係好難令人相信，而我亦都唔知點講你地先會信，但係依家成個香港都係喪屍。巴打你可唔可以去搵吓日本政府要求派兵嚟香港？」
 
的確，相信那位身在日本的巴打若是走到相關部門時，鐵定被抓至精神病院，但這也只是最後方法。無法自救，就只能請求外界幫忙。
 
緊接，我把整件事的來龍去脈全寫在討論區之上，雖說還未得到證實，但相信真相還差不多遠。
 
「認真，除咗呢到之外，我用過好多方法都同唔到香港既朋友聯絡。不過點解又可以用呢個討論區嚟溝通呢？」很快，便有更多的巴絲回覆。
 
「如果真係好似呢位巴打咁講係大陸既計劃既話，咁應該係大陸斷晒所有香港同外界既聯絡方法，但係只係萬萬都想唔到仲有呢個討論區。」




 
這個解釋……還算是說得過去吧。
 
「總知巴打你自己小心啲啦，我地去會諗吓辦法幫你架啦。」
 
以現在的情況來說，我可算是安全，因此也不會擔心什麼生命威脅。可是就總有一些人是不相信我說的話。
 
「show blocked user。」
 
「一打膠唔洗找。」
 
「樓主曲到圓，between正評引伏。」
 
說實的，我當下真的有一刻的衝動想說自拍一張讓他們見識一下喪屍的樣子，可是當我想到他們只會稱讚我的特技化妝時，便打消了這念頭。
 




除此之外，我還要讓更多喪屍明白香港的現況，總不能讓大陸把香港弄得活像死城一般，任由他們玩弄！
 
「各位，雖然今日大家都係喪屍，但係我地曾經都係人類，曾經擁有過基本既人權。但係如今，我地就連做人既權利都冇！佢地有冇問過我地想唔想做喪屍？點解我地今日仲要聽佢地講野？」
 
獨自一屍，手持麥克風站於馬路旁，希望有喪屍能夠聲援我……那怕是只有一個也好。
 
「好心你啦，香港變到咁和平你就咪鬼再搞事啦。」一位載著一家的喪屍父親在紅綠燈前停下來，扭開車窗叫道。
 
「我認得你，你咪嗰個半人半屍響圖書館到殺喪屍架嘛！香港有你真係不幸，好心你就搵個地方死咗佢啦！」坐在旁邊的母親也不忘嘲諷一番。
 
「……」