生化危機下，你會點樣保護你女神？: 第六十四章

「我返嚟啦！」哈，我到底是跟誰說這番話？母親早就慘死在房間裡，老爸？我出至娘胎而沒有見過這個男人。
 
我一直也是與母親二人相依為命。可惜的是，如今卻失去了依靠，與她天各一方，屍鬼殊途。
 
既然未敢踏入母親的門，倒不如攤在沙發之上，頹廢並揮霍自己的青春吧！
 
真的不知道，還能從哪方面入手。也許健美喪屍果真的有他的道理吧，要是我跟他合作，早已大把世界，用不著如此的愁眉苦臉。
 
拿出筆記簿，隨便的亂寫一通，卻發現原來簿本只剩下十多頁。想必是我的人生，也只剩這數十頁吧。
 




但不知為何，我把字型盡量壓小，內心是還未有放棄嗎？我不知道。說得還真夠白痴，人類大腦的思想，總和實際上的行動差天共地。此外，人類永遠也沒法利用大腦去思索大腦自身的運作。
 
眼鏡男，這又是否你口中的人類獨特性？
 
寫罷，又再三翻閱以往所記錄的筆記。其實即使不看，一切發生的事我依然歷歷在目。就似是繡花章一樣，畫面早已刺進我大腦之中。
 
可是在亳無方向的情況之下，回望過去都不失為一個好辦法。殊不知天外突然不知從何飛來一個靈感。
 
果然！
 




我真係諗少咗一樣好重要既野！
 
「我個腦到底響到做緊啲咩架？之前明明有幾次已經覺得唔對路，點解咁都可以唔記得？」我一個翻身好讓手機能滑至掌心之中。
 
討論區！
 
儘管上面再也沒有任何新的發文，但經我測試過後發現此討論區還能運作！沒有網絡又如何能夠上線並發文呢……
 
「唔通係內聯網？」我也忘了說，我壓根兒就是一個電腦白痴，有關電子電腦什麼的問題，我通通都是交予給別人待我處理。
 




唔理點解啦，總知就一定有問題啦！今次就係可以拯救到香港既最後機會啦！
 
我死命的三步併兩步衝至細巷之中，不時大嚷健美喪屍現身。
 
「嗌得我咁急做乜呀？唔係咁快就回心轉意呀嘛？」只見健美喪屍從轉角位冒出，我隨即把手機螢幕亮在他面前，不多作解釋。
 
「就係咁？所以呢？你唔係咁小事就嗌我出嚟呀嘛，大佬你估我真係得閒到咁可以成日跟住你咩，我都有野做架。」怎麼他好像沒太大反應？
 
「你一早就知？」
 
「我都係會員嚟架。」
 
「你知咁做咩仲唔做野呀？呢個討論區唔洗經網絡都可以用到。你之前咪話過剩係香港先有生化危機架嘛，一定有人依家唔響香港，我地可以叫佢地聯絡外界啲人救我地！」我早已盤算好行動計劃的一切。
 
「夠啦。」




 
「係呀，救呀！我地好快就可以冇事啦！」我未有留意到二人所說的字有所不同。
 
「我係話足夠個夠呀！」嗯，他提醒了我：「你可唔可以唔好再諗點反抗呀？依家咁樣有咩問題呀？」
 
「你真係覺得冇問題咩？」我急了，急得直躲著腳。為何他總是一副既來之則安之的樣子？
 
「就算真係俾你反抗到，贏咗又點呀？呢到一早就返唔到去以前咁。」健美喪屍還不忘補上一句：「我地唔夠佢地嚟架。」
 
「你唔係話過，喪屍係最高智商既生物嚟咩？」我一時想不透，到底他們的聰穎是何以見得。
 
「就係因為我地有智慧先知我地根本唔夠佢地鬥！」
 
「你試過啦咩？你地乜都未試過就話冇可能，咁樣叫高智商？」我恨不得一口直接把他吞口中。
 




「我唔洗試吊頸燒炭都知會死！你可唔可務實啲，腳踏實地啲呀？」他同樣也氣壞了。
 
……
 
「你真係甘心咩？」