生化危機下，你會點樣保護你女神？: 第十三章

這一問一答，令到我和陳sir突然有了一個安全的地方。儘管不知他們是敵是友，但有個事實不得不承認，他們的確有很多資源。
 
「呢到得我同呀峰兩個人，我地一路由屋企殺到落嚟呢到。」由那張稚拙的臉孔說出這番如此可怕的話，實在不太合當。彷彿死亡，早已不再是什麼的一回事了。
 
更令人心寒的是，現在只不過是喪屍爆發的五小時後。
 
「你地係……」我總是覺得呀峰不應全聽張森堡的話，雖然他的確很有大將之風，就連說話時的語氣也和一般大人沒分別，但要把一個比自己還要小的男孩當首領，總會有一點說不過去吧。
 
「我地係兩兄弟，同父異母。」這次到了呀峰說話。也許因為這特殊的家庭，令到他們對殺人沒什麼感覺。常常聽到什麼變態殺人兇手，都是出生於一個不完整的家庭裡。
 




「原來係咁……」雖然這不是我希望聽到的答案，因這不能解答我心中的困惑，但只少還能得知更多他們的資料。
 
「你話你有一啲好基本既資料，不如講嚟俾我地聽吓。」張森堡把手上的果汁先生全給喝光，隨手往後一拋。
 
「呢場喪屍爆發其實係從一種病毒突變而引起，病毒會隨住人類既血液遊走，一旦經過大腦之後就會令大腦癱瘓，亦啫係變成喪屍。」陳sir一字一句的說道，把他所得知的資料全說了出來。
 
「你點會知咁多野？」果然防人之心不可無，張森堡還是防範的提問，生怕我們正懷有什麼計謀。
 
「我抽取咗喪屍既血液樣本化驗，先搵到呢啲資料。」陳sir從手推車裡找來一份化驗報告並展示給他們查閱。
 




「你係點樣……拎到啲樣本架？」呀峰不太相信陳sir能從喪屍身上取得血液。
 
「我緊係冇可能響真正既喪屍身上抽取血液啦，不過我可以響麥俊傑身上搵到……」接下來，陳sir又再一次把我之前所發生的事全說給他們。
 
「所以你既意思係……佢可以變嚟變去？」張森堡本能反應的坐離我一點點，而呀峰更是緊握著機關槍，困窘的望著我們等人。
 
「理論上佢的確係可以隨心所欲咁變身，但係佢仲未掌握到呢種能力，所以佢暫時都係不自覺咁變身。」陳sir收起化驗報告，也許還沒研究好吧。
 
「咁……佢變身既時間有冇規律？」呀峰著緊的問道，想必是害怕得快要死似的。
 




「冇架，不過佢變身之前會覺得好唔自在咁，到時你地要自己搵定武器同埋安全地點。但係你地一定要記住，唔可以殺死佢，就連打傷就儘量唔好。」陳sir瞄著呀峰的機關槍並搖搖頭。
 
「何出此言？」張森堡瞇起眼正打量著我，心中盤算著我到底有什麼殺不得的原因。
 
「佢可以從喪屍變返人類，啫係話佢體內有抗體可以令到自身變返做人類。如果你地殺咗佢既話，亦啫係等於殺咗唯一既解藥。」化身為談判專家的陳sir解釋著我有何特別之處。
 
「所以我地唔單止唔可以傷害到佢，直頭要保護埋佢？」面對如此差事，相信是誰也不願意進行吧。
 
「咁對我地兩兄弟有咩好處？我地大不了咪一直咁打打殺殺落去，我地仲好享受響呢個無法無天既世界。」張森堡走至雪櫃裡拿了一甁果汁先生。
 
「冇錯你地有呢間超級市場，的確可以生存好長既時間，不過如果呢場喪屍爆發一直都唔會結束呢？咁到時你地又有咩打算？相反，我可以利用麥俊傑身上既抗體搵出完結呢場喪屍爆發既方法，大家都係聰明人，冇理由唔明我想講咩既。」陳sir回望四周視察，幸好並未發現可疑人物。
 
「老師果然係老師，講句野都特別有公信力……」張森堡把手上的果汁先生遞向陳sir：「合作愉快。」
 
「大家……」陳sir那抹微笑突然轉變成警備，神情可說是十分認真，大概……是有什麼人走進了這裡吧。




 
「你地自己小心啲……」張森堡也察覺到氣氛有點不對勁，從呀峰手上奪去機關槍。
 
慢慢，超級市場正門開始出現第一隻喪屍……隨後的喪屍也開始跟上，很多﹑很多……