憤怒•新罪的誕生[七罪][魔法] (逢星期一、三、五更新): 第六章：來龍去脈
「啊…啊…好痛……」
「你終於醒啦，嚟，飲淡水先。」
「唔…唔該。」
一個陌生男仔坐咗係我身邊
「你…你係邊個，點解你會係到架？」
「我叫風映，你呢。」
「我叫七刃。」
「你……唔記得曬之前發生嘅野？」
之前發生嘅野？
啊……我記起啦
無錯……成村人…啊森…啊芳…
小……小希
一記起呢到，我啲眼淚就好不自覺咁流咗出泥，一滴一滴伴隨住我嘅痛哭聲而墜落係地面。男仔無聲地坐係我身邊，以行動安慰住我。
「喂，好啲味啊，係個男人就堅強啲啦，係度喊苦喊忽成個女人咁。」
「呃……唔…唔好意思…」
「唉，我都明白好難接受嘅，畢竟死左咁多人。」
「……」
「係呢，啲強盜呢？」
「吓……你講緊咩啊，啲強盜咪比你殺曬囉。」
風映用個望住個怪人咁嘅樣望住我，搞到我都有啲想打獲佢。
「我…殺曬？」
「哇大佬，頭先你幾威啊，一個打十個咁，成個人變曬啊，我都係見你殺曬佢地，好似好攰咁，先夠膽出泥制服你，幾驚你當我係佢地一份
子，殺埋我啊。你唔記得曬咩？」
風映滔滔不絕，繪聲繪色咁形容住。
「咪住，你話我變到好強？咁點解你可以制服到我啊？同埋點解你又會係到嘅？」
聽完佢形容之後，即刻充滿警覺性咁望住佢。
「冷…冷靜啲，我話曬都將會係魔武學園入面嘅魔鬥者，都算係有小小實力嘅。同埋我只係經過架炸，信唔信由你。」
「魔武學園…魔鬥者？」
「我都知你唔會相信我架啦，比你睇啲野你就知道之前發生左啲咩事。」
講完，佢就將一隻手放係自己個頭，一隻手放係我個腦到。
「喂！停手，做咩啊？！」
「冷靜啲先，我呢個係精神魔法——記憶搜索，可以將人地嘅記憶重播一次比佢睇，咁樣你咪知道我有無呃你囉。」
無數嘅影像好似走馬燈一樣，係我腦裏面重播一次。
──────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────
「呢個世界就係咁殘酷
既然你不仁
就唔好怪我不義！」
「大……大佬，條友好似痴咗線咁樣喎。」
「唔洗理佢，痴極都係一個普通人，點都唔會夠我地打嘅，了結左佢之後就快啲休息，聽日仲有第二個村落架。」
「係，大佬。」
嘍囉一步一步咁行過嚟，表情輕鬆，就好似好不屑去做呢件事咁，攞起斧頭，準備斬落嚟。
我慢慢咁抬起頭，一隻血紅嘅眼睛直視住佢，跟住落嚟嘅一幕……
唔話比你知~！！！！
我無等到佢反應，直接用手將佢條頸擰甩。
享受左一陣首殺嘅滋味之後，我終於有下一步嘅行動。今次特別嘅係我雙手不斷變出武器，劍、刀、匕首等等，而且我仲好似對呢啲武器好熟手，用起上嚟完全無陌生嘅感覺，就好似啲武器係我手嘅一部份咁，駕輕就熟。
紅色嘅光點不斷係人群之中穿插，所到之處必有一番腥風血雨，令到所有人都感到震驚。
「大佬，快…快啲走啊！啊~~！！！！！」
當首領意識到事情無咁簡單嘅時候，佢嘅團隊就死淨佢一個。
通紅嘅眼睛係漆黑嘅夜空中同首領對視住，就好似深夜嘅猛獸盯上了獵物一樣，都係咁令人恐懼。
「怪…怪物…惡…惡魔啊！！走開啊！你呢個魔鬼！！走開啊！」
「喂，喂，喂，我呢隻魔鬼都係比你逼出嚟架炸，點可以咁話我架，吱吱吱。不如咁啊，我同你玩個遊戲，
睇下係你走得快，
定我殺得快啊？
你嬴左嘅，我比你走，你輸左嘅代價…
就係死！」
「救……救命啊！~~~~~~~~~」
最終，一聲清脆嘅骨折聲終結左呢場單方面嘅屠殺，之後就係黑色嘅影像啦。
──────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────
「呼~攰死我啦！」
「所以，全部人都係我殺嘅？」
「係啊，所以咪話你好似變左個人咁囉，個隻紅色嘅眼睛好恐怖，好似支配左你咁啊！係呢，咩嚟架？」
「我…我都唔知，之前都無出現過咁嘅情況。」
「吓…你都唔知？係咪啊…」
「嗯…不過，呢隻眼睛存在住嘅時候，我嘅身體機能好似強化左咁，做到我平時做唔到嘅高難度動作，而且速度、反應同埋力量都提升左……相信，佢應該都係好野呱。」
「的確係咁，睇嚟呢個應該係你嘅能力，試下掌握佢啦，呢隻眼，應該會幫到你。」
無錯，呢隻眼會幫到我，我唔想再咁廢啦…唔想再有人係我面前死…唔想再保護唔到我愛嘅人啦…唔想……真係唔想…
「喂，知唔知邊到可以令我更加快掌握呢隻眼。」
「吓…唔清楚喎。你呢個情況咁特別，或者你嚟我地學校問下校長會知呢，我地校長好勁架，傳聞就係佢創造魔法出嚟架啦，而且，佢仲實力高強，仲有添啊，佢仲曾經打敗過龍，殺左龍啊！係龍啊！！弒龍者啊，國皇都要比面佢，你話勁唔勁啊。而且仲有啊………」
「夠啦夠啦，知你校長勁啦…我就去你學校睇一睇，希望可以搵到令我變得更強嘅方法啦。」
雖然某程度上呢條友都幾似我個朋友，都係一樣咁鳩煩，之但係為左變得更強，只可以信佢一次。
就係咁，我決定左會一會呢間所謂最強魔法學校——–魔武學園。
「喂，順帶一問，你係個到嘅學生嚟架？」
「唔係，但將會係。」
「…」
「啊！唔記得同你講，入學嘅話要有錄取通知書。」
「……………」
我無……
屌，咁你個仆街又叫我去讀？？
「不過可以用能力考入去，到時會有個能力試，只要過左就得架啦。」
唉嚇撚死，咁都好啲，姐係話我至少有機會入到。
「啊！」
「又點啊？？」
「我又記起一啲野。」
「記得咩啊？？」
「我唔記得左點行去囉。」
「……………」
導演！！！！
呢個仆街邊個請返嚟架！！！！！