憤怒•新罪的誕生[七罪][魔法] (逢星期一、三、五更新): 第五章：罪的誕生

「唔......唔知啊，殺曬佢地？」 



我好不自覺咁講左出呢句野出嚟，而且仲要覺得無咩問題添.... 



「哇！唔係啊嘛，咁嘅野都講得出口嘅！」 

「人渣！人渣！」 



講完呢句野，所有村民都圍住我嚟插，一瞬間場景聲勢浩蕩。 

「全部人同我安靜！！！！」 



老大一聲咆哮，所有人都唔夠膽再有一絲嘅躁動。



直至到所有人都安靜曬，佢先再講 

「細路，你都幾直接架喎，好，欣賞你咁直接，而家就比個畀個遊戲你玩，呢到有差唔多成一百人，你可以選擇同我賭番一場，你嬴嘅，呢到啲人就唔洗死，之但係你一輸，一百條人命就無架啦，哈哈，點啊細路？」 



「吓...吓...」 



我望住每一個我識嘅人，佢地嘅性命就掌握係我手上，但係佢就只係當呢個係一場遊戲？咁樣........好玩咩？就算係唔公平嘅賭局，我又有咩辦法呢？我仲有得揀咩？同佢賭好大機會會死，但唔同佢賭就一定會死…… 



「好.....我就同你賭番場，用呢到所有人嘅性命去同你賭番場！！」

 「有決心係好事，好，我地就賭下，究竟係我殺得多，定係你救得多！哈哈！」



 「吓....咩話？！」 我好清楚呢個賭局嘅邏輯好有問題，之但係我可以做到啲咩？畢竟呢個世界有實力嘅人就係皇道。



 佢無等我反應，就開始攞起手中嘅斧頭，斬殺無辜嘅村民。

 一個又一個嘅人頭係我腳邊碌過，血流成河，哀鳴聲不斷係耳邊演奏住一首又一首嘅奏鳴曲，可惜並唔悅耳，一種無力感油然而生。



 如果你問我天堂係點樣，我諗我味必答到你，但係如果你問我地獄嘅風景，我諗，而家嘅我...應該就係地獄呱…… 



「喂，你再無反應嘅話，我就會殺曬呢到所有嘅人架啦，哇哈哈哈哈！！」 



聽到佢「善意」嘅提醒，我先識得從死人堆裹面作出反應，開始救人，只可惜一個手無寸鐵，連魔法都唔識嘅垃圾....又可以幫到幾多呢.... 情況一面倒，到最後，我救到嘅就只有......

五個。






呢五個人分別係啊森一家人同埋兩個年輕貌美嘅姐姐。

啊....估唔到我咁冇用....哈……到最後都得五個人。 



「太好啦，我地五個無事啦，無事啦！」



 五個人攬埋一舊，好似真係無事咁.... 點解....點解死左咁多人都可以咁開心.....值得開心咩..... 同埋你地覺得自己..........










可以唔洗死咩？



 「哈哈，恭喜你，好成功咁救到五個人，不過可惜嘅係....你輸左啦。」 



無錯，呢場遊戲邏輯好有問題，只要佢殺夠五十一人，無論我救到幾多個，佢都會將救到嘅人殺曬，就正如佢所講，我一輸，所有人都要死。



同埋你認為一個普通人，可以係一班殺人無數嘅強盜入面救到幾多人呢，所以.......呢個賭局我係無勝算，我由一開始就注定係輸。



「咩....咩意思啊？啊芳！放開佢啊！啊芳，啊芳！」



 果然…… 啊森發曬癲咁想救佢老婆，換泥嘅就只有毒打，同埋睇住自己老婆慢慢咁比人用斧頭斬甩個頭，驚恐嘅人頭同阿森絕望嘅眼神對望住，相信啊森....已經失去生存嘅勇氣。



 個兩個年輕貌美嘅姐姐亦都比一班強盜拖到去叢林裹面，衣服撕碎嘅聲音加上淒美嘅叫聲，亦都代表著佢哋嘅下場都並唔好過。 



「喂...喂....唔洗趕盡殺絕啊嘛，佢...細路女泥架炸，停手啦，好嗎？」



 我盡最後嘅努力去哀求，希望可以挽回啊希嘅生命，可惜嘅係..... 



「細路，佢係...你女朋友啊？咁就唔可以虧待啦！哈哈嚟人，有無玩過夫目前犯啊？比你地試下好無啊，哈哈哈哈！！」




唔好....




唔好啊.....




唔好啊！





停手啊！！！！



「兹~拉~」



 啊希嘅裸體慢慢咁呈現喺我面前，或者我無咁講，佢嘅下場就唔會咁慘...... 



痛苦嘅表情深深咁印係我腦海入面，我好憎自己，點解無能力救佢地，點解..... 



侵犯完之後，啊希嘅惡夢仲未完結，直至到睇住佢啊爸比人用同一個方法殺害嘅時候，佢先至可以永遠咁合上佢嘅眼睛。



點解..... 點解我咁冇用...... 明明同佢約好左架...... 明明我地都係中意大家架...... 點解我救唔到佢....... 點解永遠都係咁.........


「你...想唔想得到力量，去報仇。」



 「想嘅，就交你個身體比我。」 



一種耳熟嘅聲音傳入我個腦到，呢把聲音令我感到好放心，好安心，就好似見返老朋友咁，令到我好不自覺咁相信佢。 



「呢個世界就係咁殘酷   既然你不仁      就唔好怪我不義！」



講完呢句，我就陷入昏迷之中，等待我嘅就只有無盡嘅黑暗.....



──────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────────


在另一世界裏 



「終於把怒的力量引導出來了，不錯，妒。各位，罪已經甦醒，快準備下一次的XXXXXXX！」



 「是！」 



站在他身後的五人齊聲答道。 



高傲的男人站在世界最高處，即使微風輕輕地安撫著他，也不能吹散他那令人恐惧的氣場，嘴角表露出自信的笑容，好像世事早已被他猜透，不可一世地俯視著下面那一個又一個的螻蟻，慢慢地道出。