是命運，令廚師和香料遇上: 第五章 幸福的末端2

「芳，我死左之後，你睇下有無機會搵個人黎照顧你啦。」仇九道。

「九哥...都未肯定.....當你真係有CANCER，都分好多期架嘛。而家科學咁昌明，你唔好咁灰心啦。」

無錯。世上有幾多奇蹟發生過呢！癌症病人奮鬥，然後創造奇蹟的故事，我們聽得少嗎？

只是，現賽是癌症病人在努力了三數個月後就死去的故事，比創造奇蹟然後活下去的，要多數百數千倍。

現實，能出現多少個奇蹟？





能出現多少個奇蹟？

..................................................................

「老闆！聽日你要請假同我去試菜！我同呀健今日搵左間酒樓，準備係果度擺酒，要靠你既專業睇下信唔信得過啦！」小遊道。

「係咩？諗住幾時擺呀？」仇九問道。

「如果係OK既話，佢果度要一年後，大約下年五月先有期。」小遊道。





「嗯，好丫，聽日我同你去試菜！」仇九笑道。

一年丫.....好遙遠呀.......

我能夠撐到那時嗎............?

想到這，胃又痛起來了。

從不覺如此的痛....是心理作用嗎？





......................................................................

「點呀文？呢間酒樓D菜式OK嗎？」仇九問道。

「OK，唔錯，咁既價錢，擺得過。」呀文說道。

「好！小遊，我地都覺得呢間野OK。淨返既就你同呀健自己決定啦！」仇九道。

聽日就要回去看報告了。

沒事的，沒事的。

下年，我還會回到這間酒樓。
下年，有很多人會恭喜我嫁女。





沒事的，沒事的。