是命運，令廚師和香料遇上: 第四章 無題３

翌日，又是一個美好的清晨。

「老闆，你又食咁小野呀？不如返香港就去睇醫生啦。」小遊道。

「小遊姐....早餐黎架，邊食得咁多。我個胃痛左幾年啦，無咩事。一陣食粒胃藥就得。」仇九笑道。

「係係係，你去賭就無事架啦。」

結果，整個下午，仇九和呀文就在賭場內佂戰。





小遊和美芳美泙就到處去參觀。

是夜，他們相約在碼頭。

「老公，今次你同何生一戰誰勝誰負呀？」美泙問呀文。

「我？我贏八百幾蚊啦。」呀文不好賭，上落很小。

「你呢死佬？」美芳問道。





「拿！凡事向好處睇。好彩我尋日一早就將船飛錢同酒店錢放低比你，先不致於全軍覆沒渣！」仇九道。

「唉！又輸。咁你乖乖地返香港再招兵買馬，養好元氣就再黎挑戰過啦。屢敗屢戰，屢戰屢敗！」美芳笑笑，搖頭道。

仇九低頭，也不作聲。

他很高興有個如此支持和放任他的老婆。換著其他女人，可能早就大吵大鬧了。

還真幸福。





此時，仇九的胃又傳來一陣陣痛。