是命運，令廚師和香料遇上: 第四章 無題２

「公！公！公！YEAH～～～」仇九在百家樂枱前，和眾多大陸人一起叫囂著。

澳門賭枱前，大概是大陸人和香港人最沒有矛盾的地方吧。

「四邊！四邊！吹，吹，吹！九呀！YEAH！」仇九手風不錯，輸輸羸羸，一輪下來也殺敗了何生四千兵馬。

不過何生可是坐擁過十億兵馬的大將軍。四千，只是冰山的一小小小小小角。

「仇九揸九點，羸錢無危險呀！」九哥笑說。





「九哥，去食飯先啦不如。大家都肚餓啦。」呀文說道。

「好，好～LET'S GO。」仇九說道，然後把錢交給美芳。

「呢度係船飛錢，酒店錢。其他呢，就黎我再去殺殺殺既子彈！」仇九說。

「咁叻仔呀你，竟然有錢贏？」美芳說道。

仇九是個天生黑仔王，過大海十次輸九次，一次平手離場。





「好！大家食飯。」小遊說道。

「嗯，呢間野真係次次黎澳門都要食，好味。」美芳道。

「係呀，呢間野個廚唔錯，唔好睇個鋪面好似好舊咁，味道係無得頂的。」呀文道。

「九哥，做咩唔食野呀？仲心掛掛睹場呀？」美泙笑問。

「係丫，好想再殺佢一輪！同埋呢排我個胃成日都唔舒服，可能真係老啦。」仇九笑道。





「你食唔落呀老闆？唔好晒野，拎黎我幫你搞掂佢。」小遊笑說道。

「仲食？變大肥婆啦喎？」仇九道。

「唉，有你煮飯，我遲早都變大肥婆架啦。我瘦左咁多年算叻女啦！」小遊道。

大家都笑逐顏開。

「咁點呀？食完係咪返去再殺過？」呀文問道。

「唔啦，有D攰攰地。返去訓一訓，聽日精神充沛再殺過！同埋....我地係咪睹到唔記得左，其實一陣有煙花睇？」仇九道。

「係喎！」眾人道。