是命運，令廚師和香料遇上: 第三章 幸福的頂端 5上

「好！好一道「琉璃浪蕩遇東坡」！東坡肉肥膩，半溶既魚凍夠清爽，岩岩好抵消左過膩既口感。」

「琉璃狀魚凍晶瑩剔透，令呢道菜既賣相非常獨特精巧。」

「插破魚凍，鎖住係魚凍入面既東坡肉香氣立即四溢，令人垂涎三尺！」

「一道超脫常理既菜式！好，非常好！」

評審們對呀文的料理都讚不絕口。





在評審嘗完呀文的料理後，仇九的菜式已端至桌上。

評審們喝了口茶，又喝了口水，就要品嚐。

「等等，咁多位，唔好食住！」仇九喝道。

「大家，食之前，請先飲飲我杯特色拉茶。」仇九說道，拿出了兩隻拉茶杯，即場拉出四杯特色拉茶給予評審們。

「茶甘香，奶細滑，泡濃甜！盡集馬來西亞式拉茶同印度式拉茶既優點於一體！上品！」





「想問下，呢種奶，係咩奶？」

「我用左煉奶。拉茶既做法，再加港式茶走既獨特味道。」仇九道。

「好！非常好！」

「飲完，大家可以起筷。」仇九道。

「蛋...蛋包飯？」評鑑們無不為這簡單的菜式咁到驚訝。





「錯！唔係蛋包飯！」仇九邊說，邊把蛋切開。

剛熟的蛋皮被切過，流出了內裡濃郁的蛋醬。

蛋醬流開，內裡是黃色的一層東西，是布丁？

不，是大家媽媽的拿手菜，蒸水蛋。

「係蛋包蛋。」仇九說道：「我呢味菜，叫絕代芳柔。」

「香！好香！點解蛋可以散發出咁香既香味？」

「其實，蛋本身既香氣係好強既。好似我地係屋企，一煎蛋你就會聞得到，認得出。只不過我用「蛋」黎鎖住「蛋」既香氣，所以一切開，蛋既香氣就比平時強烈。」仇九解釋。

「滑！好滑！點解可以咁滑！」





「廢話，蛋唔滑搵你食？有名比你叫，滑蛋丫嘛！」仇九也不怕得罪評審，直說。

「咦...咦....咦咦咦咦咦？咩黎架？咁好嚼口既？嗯...嗯嗯嗯嗯嗯，好過癮呀。」

「係尢魚粒。我將尢魚切到超級超級細粒，將佢放入蒸蛋入面。」仇九說。

「好！好刀功，可以將尢魚切到咁細粒，但仍然不失口感，好野！」評審無不讚絕。

「仲有，呢味菜，同頭先杯拉茶既配合，真係一流！」

「無錯無錯！哎呀，早知頭先我唔好飲杯拉茶住啦，而家飲晒添。仲有無得添杯呀？」

「無啦，你飲隔離評判果杯啦。不過講返轉頭，如果你唔係飲左杯拉茶先，你就唔會覺得我道菜咁好味架啦。」仇九道。





「？？？」評審們都一頭問號。

「頭先呀文道菜咁油膩，你地淨係飲啖茶，飲杯水，邊可能清除到口內既油膩感。只有奶，先可以徹底解除油膩。枉你地為評審，連咁簡單既常識都無。」仇九道。

評審們都無話可說。