是命運，令廚師和香料遇上: 做廚？搵食姐

「喂，你地做咩丫，放手啦！」美芳向著那群對她毛手毛腳的流氓叫道。

美芳找不到全職的工作，也不能去找全職的工作，因為她還要照顧這個站在她身旁，就讀小四的女兒－－－小遊。

「你咁後生就做報紙檔，都係想比我地呢Ｄ麻甩佬望架姐～而家我地成全你，你又要係度嗌晒救命，姐係想點姐？」流氓Ａ說。

精靈的小遊不待媽媽指令，早就走到報紙檔後的茶餐廳處找救兵了。

「老闆，老闆，有班人黎咸濕媽咪呀！！！」小遊也不顧餐廳內滿是食客，推門就叫道。





「吓！得，小遊唔洗驚，我即刻黎！」一男子應道。

此時只見他立刻左手一揮，笨重的中式炒鑊竟然身輕如燕地在半空中飛舞，火光為它瑩造出舞台效果，「熊熊」的石油氣噴發聲為它伴奏，廚房中竟也能變出一套歌劇。

鑊中的牛河順滑地降落到碟上。老闆立時除下一身廚裝，左手拿起一把光亮鋒利的菜刀，轉身就走。

「牛河四號枱我出出去先！」老闆叫道。

「收到！」廚房眾人齊聲應道。沒有一個人問道要否幫忙，因為他們都相信老闆能自己應付得了。





「美芳！！邊個咸濕你！」不到三十秒，老闆就走到了報紙檔前。

「妖，廚房佬，死開啦，揸把刀出黎嚇鬼呀？」流氓Ｂ說。

縱卸下了一身廚裝，但老闆身上仍然流露強勁的廚房佬氣勢，令人一眼就看穿他的身份。

「廚師既刀，係要黎煮食，唔係要黎劈友既。呢把刀，只係尋日美芳交比我，要我幫佢磨利佢，我而家物歸原主姐」老闆邊說，邊徐徐地放下菜刀。

「一個一個黎，定一齊黎？」老闆望著面前四名流氓問道。





四名流氓也不回話，就一擁而上。

只見老闆沈馬，推手，衝頭的那名流氓立時整個人被抽了起來！

「你仲輕過隻鑊。」老闆冷冷地說，然後就是一下過臂摔。

剛擊到了一個，老闆就被另外三名流氓包圍著；三名流氓眼見同伴被輕易擊到，也不敢托大，決定採用圍堵戰術，三人從三個不同的方位夾擊老闆。

「你地仲慢過條魚。」老闆從容地閃過三人的合擊，然後蹲馬，一下半月掃堂腿，掃得三名流氓通通倒地。

然後老闆對倒在地上的三人一人送一腳。

「嘩，你地Ｄ肌肉仲「淋」過煲羊腩呀！」老闆笑說。

四名流氓那敢再發惡，拔腿就跑。





「九哥，多謝晒你。」美芳說。

「唏，你多謝小遊啦。個衰妹不知幾醒目，一有事就識過黎求救。」老闆九哥說道。

「呀女，你下次唔好成日走去麻煩九哥啦。」美芳對女兒說。

「老闆，呀媽成日都咁講，但其實不知幾想你可以黎幫佢。」小遊對九哥說。

「美芳，邊有話麻唔麻煩架。做人既野，你幫下我，我幫下你，咁就一世架啦。你咪當我係幫緊小遊囉～」九哥笑說。

說完，九哥就瀟灑地回頭就走，不留下半點雲彩。

「老闆，老闆，你頭先跌左個銀包丫！」小遊追上前對九哥說。





「丫，係喎，好彩得你渣小遊，唔係九哥今晚就無飯食啦.....」