《我竟然同左一個陌生男仔去歐遊...》: 《波蘭篇- 克拉科夫 Kraków (2.3)》

除左入場時既免費Shot，Bar本身既酒都唔平，至少喺波蘭黎講。

Ａ君卻多次主動話請我，我由婉拒到之後無奈接受。

我冇一直計住我飲左幾多，只記得我舌頭都開始對唔同既烈酒麻木，就算Vodka有多濃烈，在我口中也真的開始和清水無異，我都將酒當水咁作解渴用途。

當然無人能夠做到千杯不醉，我都唔例外，眼前既景象在快速旋轉，令我記起喺荷蘭Space Cake發作既時候，雖然係兩種截然不同既感覺，至少我冇出現幻覺。

果然不出我所料，喺我最醉醺醺既時候，A君就冷不防地親上我既嘴唇，但卻不帶任何感情，只係粗暴地不斷錫我，幾乎有種被侵犯既感覺。





不過人被酒精控制著既時候，大腦都會失去判斷事情既能力，甚至有一瞬間，我又再次諗起第一次與Nick既熱吻，然後自然地，將Nick既身影暫時投放喺A君身上，所以我一開始並冇對佢既「非禮」感到不安。

或者喺嗰刻，我終於明白，Nick把我誤當為Karina時候既心情。

可能，佢同我依家既諗法係一模一樣，只係，到呢一晚，主角換轉成我。

到頭來，原來只係一個可怕既惡性循環。

我地總會將一段感情，投放喺唔同人既身上，就好似我地愛上既，從來只有一個人。





不消一會兒，A君開始對我上下其手，就算頭腦多混亂都好，我都知道如果依家唔停止既話，接下來會發生咩事，而我都深知我唔想同一個玩家扯上任何關係。

到佢純熟地摸到我大腿位置時，我已經無意欲再同佢糾纏落去，所以我一手用力地推開佢：


「Sorry, I need to head to the bathroom now, I feel kinda sick. 」


其實我都唔係衝著洗手間既方向走，我只係需要一個藉口去離開呢度，要飲既酒我都飲夠，要放膽既我都放膽左，繼續留喺呢度，我最後應該唔會逃得過A君既「魔掌」。





我腳步不穩地跑出酒吧，週末既街道仍然擠滿左去狂歡盡興既人們，顯得我尤其孤獨。

喺嗰一刻，我心裏希望能依靠著既人，只有一個。

摸一摸褲袋，摸到手機還完好無缺，即時鬆了一口氣。

我打開連接Wi-Fi既介面，隨意地在不同街道走動，終於喺一個位置連接上某酒店大堂既Wi-Fi，然後手機螢幕就立刻顯示數個未讀訊息：


Nick：「Hi，Sorry啱啱喺出面收唔到你WhatsApp，我依家返左去喇。」


Nick：「你咁夜仲未返黎既？」

Nick：「雖然你話過唔好問你去邊，但依家真係好夜喇，你睇到既話覆下我啦。」


原來嗰陣已經係淩晨十二點半。


我不加思索地按下了WhatsApp既語音通話。