《我竟然同左一個陌生男仔去歐遊...》: 《比利時篇- 布魯日 Bruges (2.3)》

除了鐘樓，另一座最出名既建築，係與市政廳連在一起既聖血大教堂（Basilica of the Holy Blood），而佢並唔只係一座帶有華麗設計既教堂，因為相傳聖殿裏面保存左從伊斯坦堡帶黎既耶穌聖血，而教堂亦都得其名，雖然係真係假已經無從考究。

之後去嗰個景點，Nick笑說，簡直好似為我而設咁，係一個Beer Museum！

雖然並唔係啲咩新奇既地方，喺德國都去過類似既地方，但德國同比利時既啤酒，由原材料開始已經大有不同，而個人都偏好Belgian Beer，因為種類較為繁多。

其實入面都唔係太特別，只係showcase左好多不同種類同品牌既比利時啤酒。

如果仔細地聽著audio周圍行既話，應該會瞭解得更深。





而因為Tour既重點並唔係呢度，我地十分鐘度應該都行完，印象深刻既大概最後喺博物館頂層既bar，坐低飲左又一杯既啤酒，我開始諗我係咪將會有啤酒肚既出現？



Tour既最後一站，Rebecca帶左我地去一間手工朱古力店。

我向來都寧願去呢啲小店，都唔想去幫襯Godiva等等大型（唔知啲朱古力係咪工廠出產）既店鋪，雖然明知佢地一定係有commissions既關係，但之前喺Brussels冇試過呢種手工朱古力，所以都心甘情願地入去。

老闆娘同Rebecca似乎係識左好耐既拍檔，一見面就黎個熱情擁抱，佢為我地介紹店鋪內既朱古力。





因為嗰度係家庭式經營，幾乎所有野都係佢地親自製作同包裝。

除左朱古力外，都有林林總總既擺設品，睇得出老闆娘好有心思。


 
Rebecca同我地一團人強調，即使唔諗住喺度買任何野，都可以試食一粒朱古力，就當係一份佢送比我地既小禮物。

不過我同Ｎick終於受唔住誘惑，買左一整盒，裏面差唔多有三十粒朱古力，Milk，Dark，Truffles什麼都有，但印象中價錢都唔貴，總之絕對唔會喺比利時以外見到咁抵食既朱古力。





由開始到結束，呢次tour都冇悶場，應該係我印象最深刻既一次walking tour，當然要歸功Rebecca，臨行前我向佢奉上一個不捨既擁抱。

佢對大家笑說，如果滿意佢帶既呢一次Tour，可以上佢地既Facebook page, mention Rebecca個名，咁佢老闆就會buy her a pint of beer。

我點頭說好，但最後卻沒有。（愧疚中）

完結後，我地打算再沿著市中心一直走下去，睇下會唔會發現一啲冇去到既景點。

而我點都唔會諗到，喺眼前突然出現左一個熟悉既身影，因為嗰日我終於有帶隱形眼鏡，佢既五官我望得好清楚。