自從住咗hall先知，扑野原來可以咁簡單: 《十、兩個女人》
記得第一次遇上呢兩個女仔，係同一個課堂上面。
「Hello，你有組未呀？不如一組呀。」沉悶嘅大學英文堂令我嘅腦海早已經魂遊太虛之中，突然一把爽朗嘅女聲係我耳邊響起，我先赫然抬起頭來。
眼前係個打扮歐美風嘅女仔。佢身材高佻，臉上面畫住個容光煥發嘅紅唇妝，身上係貼身背心配上小熱褲，看得我目不轉睛。
「啊，好呀，我都未有組呀。」我怔怔地望咗一陣先識得比反應，然後露出個好有自信嘅笑容：「我叫Sean。」
「我叫Olivia呀。」佢燦爛地笑咗一下，然後指住遠少少嘅位置：「佢地都係我地個組架，我地全部都係自己reg咗呢班乜人都唔識，所以拉埋你入組就啱啱好夠人。」
而我嘅目光就停留咗係其中一個女仔上面。
佢留住一把黑色嘅長髮，平平嘅瀏海停係額際間，臉上雖然不施脂粉，但仍然係個好可愛嘅女仔。
佢好似我以前女朋友阿澄。
我地分好組之後，Professor就叫我地跟返組一齊坐。
而Olivia同果個好似阿澄嘅女仔就分別坐咗係我嘅兩側。
「Hi，我叫Sammi呀。」『阿澄』主動同我打起招呼嚟，原來佢叫Sammi。
除咗佢地兩個女仔之外，同組仲有另外一個叫Jacky嘅男仔。我地四個簡單地介紹下自己，發現大家除咗一齊讀呢科之外，其實都係嚟自唔同嘅major，完全無咩交疊之處，除咗我同Olivia。
「我硬係覺得你有啲熟口面。」臨落堂個時，Olivia一路執嘢一路同我講。
「吓，無理由呀，我同你完全唔同科架喎，我又無玩咩soc。」我諗我可能大眾樣，佢認錯人都唔係咩出奇嘅事。
之後我地先發覺原來我地係同一個hall。
其實學校嘅宿舍本來就唔多，所以就算同一座hall都唔係咩驚天動地值得出奇嘅事。
而自此以外，每個星期嘅英文堂就變咗我最值得期待嘅課堂。
大概係無男人會抵擋得住美麗嘅事物，特別係我眼前呢兩個女人。
一個嬌小玲瓏；一個美艷絕倫，兩個都係令人賞心悅目嘅類型。
同呢種質素嘅groupmate一齊上堂，比起同暗瘡肥婆精神得多。
我諗因為同Olivia同hall嘅關係，我同佢比起Sammi自然有更加多嘅話題。
漸漸地，我同Olivia就因而熟稔咗好多，不過同時我都知道咗佢有個讀Law嘅男朋友。
「你會唔會去我地hall個萬聖節活動呀？」有次Olivia落咗堂之後問我。
「吓，咁無聊，唔喇屌，都知啲鬼係人扮架喇。」我灑手擰頭咁講。
「去喇，聽啲莊員講佢地今次set到好恐怖架，陪我玩喇。」佢不斷咁說服我，一直猛咁搖我隻手臂。
「唉好喇，玩喇玩喇。」
雖然話係hall嘅鬼屋，不過基本上學校每一個學生都可以入場玩，唔限於宿生；所以每個hal嘅鬼屋都大排長龍，我地hall都唔例外。
「屌....咁撚多人，個個都傻鳩嚟，排隊比人嚇。」我不屑地望住長長嘅人龍。
「咩意思呀你，即係話我傻鳩喇！」佢好大咁摵咗我手臂一下。
「痛...痛...唔好摵，係我錯大佬，我最鍾意玩鬼屋比人嚇。」我立即附和佢，佢先露出個好滿意嘅微容，然後向前方張望睇下條龍仲有幾耐先會排到我地。
望住人龍之中除咗係三五知己嚟玩之外，排隊嘅多數都係一雙一對嘅情侶。
我側身望一望Olivia：佢今日著咗件碎花露腰嘅背心，下身係緊身牛仔褲，將佢豐盈嘅臀部表露無遺；而且佢一頭啡金色嘅長髮散發出淡淡嘅香水味，其實非常誘人。
不過我心裡面知道佢有男朋友，唯有暗忖這些機會不是屬於我的，呢啲咁正嘅女又點會輪到我呀。
排咗接近九個字，終於到我地兩個入去。
「嗱，講明先唔好打工作人員呀，今日有條女嚇到打鳩我地個莊員，你地唔好呀下。」莊員A鄭重地同我地講，然後向Olivia打個眼色：「你驚就攬實你男朋友喇下。」
Olivia無講啲咩，只係笑笑口點個頭，之後就拉咗我入去。
我地首先會進入一個由廁所改裝而成嘅鬼屋。雖然廁所裡面未至於伸手不見五指嘅程度，不過呢到嘅陳設佈置的確比我想像中認真得多，係漆黑嘅環境之中都可以見到係牆上面血漬斑斑；頭上面亦有一啲蜘蛛網同假人頭，而且廁所裡面本來有嘅鏡都為呢個環境增添咗一份莫名嘅恐怖感。
我心裡面知道就算再恐怖都只係假象嚟，所以心入面絲毫恐懼都無。
「喂，你望下。」我拍拍早已經瑟縮係我手臂裡嘅Olivia，當時我地對住塊鏡。
佢抬高咗少少頭，望到鏡入面嘅我地其實身後有異：有個著住白衣、披頭散髮嘅女人係我地身後向佢招手，露出個好詭異嘅笑容。
佢馬上嚇得花容失色，尖叫聲足以令我耳膜受創。
「啊！！！！！！」佢即刻捉緊我嘅手臂，然後埋頭係我臂彎之中緊緊依偎住我。
「戇鳩，洗唔洗驚到咁呀，哈哈。」我忍唔住笑咗佢幾句。
佢無出聲，直到我地行哂成個鬼屋，佢都係一直低頭默默地跟住我走。
當我地重見光明之際，佢先鬆開我嘅手臂，呢個時候我先見到佢雙眼通紅。
「喂，做咩事呀你....」見到佢個樣好似就嚟喊咁，我不知所措起來。
「嚇死我喇，頭先真係好驚.....」佢滿腔哭音咁講。
「假架喎，你唔洗驚喇。我地行完架喇。」我雖然心入面覺得佢好白痴，甚至有啲戇鳩，居然咁樣都會嚇到喊；不過作為一個男人，點樣都要安慰下佢先。
「我係咪好戇鳩呀。」佢楚楚可憐咁望住我講。
「梗係唔會喇，女仔正常都會驚架嘛。」
梗係唔會係戇鳩喇，係好撚柒戇鳩添呀。
如果係平時我一定覺得呢啲女人好煩好蠢，不過我諗樣貌真係好大影響，我覺得佢戇鳩得嚟又幾得意。
我諗如果Olivia無男朋友嘅話，我應該都會試下追佢。
－－－－－－－－－－－
我同Olivia發展出一段無所不談嘅友誼，雖然心裡面對佢唔多唔少都有啲好感，不過礙於佢有男朋友嘅關係，自然無再多諗啲咩。
有次上堂，Olivia同Jacky都走咗堂，得返我同Sammi上堂。
「個個都走哂堂，哈哈。」我細細聲係Sammi耳邊講。
「而家都sem中喇，可能大家都忙掛。」佢好專心咁記低professor講嘅重點，見佢咁認真我都不敢怠慢，連忙投入返係課堂之中。
落堂之後，我隨口問咗Sammi一句：「一唔一齊食飯呀？」
本來見佢好似無咩意慾同我傾計咁，我都無預佢會應承；點知佢好爽快就答我：「好呀。」
正午時分嘅學校canteen人山人海，我地好難先等到兩個空位。
「你食咩啊，我幫你買埋。」我問坐低咗嘅Sammi。
「幫我買個叉燒飯呀，凍奶茶少甜，唔該哂。」佢微笑道。
我買完個飯返嚟之後，我地就自然地傾起計。
「見你頭先上堂好認真咁，你好努力讀書架？」雖然咁樣問好似好戇鳩，不過係大學入面不學無術嘅人數之不盡，上堂就算個個拎哂電腦筆記出嚟，真正聽書嘅人又有幾多個呀。當然，我都係不學無術嘅其中一員。
「ok喇，都係學嘢啫。同埋我想去exchange呀，所以gpa要高少少先得；唔係就揀唔到去邊到exchange架喇。」佢淡然咁講。
「嘩，咁你係學霸嚟架喎。」我不禁噴噴稱奇，可能係身邊嘅朋友都同我一樣咁無目標，我覺得對讀書咁認真嘅人好罕有。
「學咩霸呀，咁比咗錢入嚟讀書我都唔想哂屋企人錢，如果要hea讀我不如直接出嚟返工好過喇。」佢擺擺手：「不過我好少同人傾讀書，大學都無人讀書嘅。」
「無計喇，大學咁多嘢玩，好難專注學業架。」我不忘補上一句：「不過你咁樣好好呀，keep住呀。」
「你唔會覺得我咁樣好悶咩？」佢反問我。
「個個人目標唔同啫，有啲人志在玩，咁你就志在讀書上面，咁咪去做囉。」我堅定咁同佢講。
「哈哈，好。多謝你咁樣同我講。」佢笑咗笑，之後我地就繼續傾下其他話題。
認真嘅女仔其實好吸引我，而我以前嘅女朋友都係呢類型。
心裡面除咗對Sammi有少少改觀以外，亦不其然產生咗一種好感。
好快我就將我對Sammi有好感呢件事話咗比Olivia聽。
「wow，so great！係咪想溝人先，洗唔洗姐姐幫下你呀。」雖然我地讀緊同一個course，不過Olivia已經year3，而我同Sammi都係year2。
「十劃都未有一撇，溝乜鬼呀。」我有啲擔心咁講：「何況佢都話要去exchange，可能佢都唔想拍拖呢，我又唔知人地對我係點。」
「我幫你加幾筆就有架喇。」Olivia拍哂心口咁講。
係幫我追Sammi呢件事上面，Olivia可以話係不遺餘力，幫我製造咗好多同Sammi見面嘅機會。例如係落堂之後好熱心咁話一齊去食飯呀、傾project之前又會約早少少出嚟食嘢咁，漸漸地我同Sammi嘅交流都多咗好多，我同佢仲開始私底下whatsapp。
接近完sem之際，我同Sammi已經私底下出咗幾次街，而我都感覺到呢段關係都接近米已成炊嘅地步。
「喂，點呀，溝到Sammi未呀你？」Olivia個日嚟我房借洗衣粉，順道問起我同Sammi嘅事。
「未呀，不過我聽日又約咗佢出去，打算開口同佢表白架喇。」我胸有成竹咁講。
「好好呀，出到pool記得請我食飯，我都幫你地唔少喇！」佢好開心咁笑咗笑，拍咗我一下；對眼好似一顆腰果咁，好靚。
「真係成功嘅話，請囉。」我都以一笑回應返佢。
結果我真係出咗pool，同Sammi順理成章地成為情侶。
「嘩，你地個個都一對對咁，得返我一個毒撚咁。」Jacky知道咗我同Sammi一齊之後好驚訝。
「唔好咁講喇，有我陪你。」Olivia黯然地道。
當時因為係Sammi面前我就無再多問，因為Sammi除咗知道Olivia同我同hall以外，絕對唔知道我地私底下其實好熟。
於是當晚返到hall，我直接去咗Olivia房到拍佢門。
Olivia一開門見到係我，就忍唔住啜泣起嚟；我見佢房入面空無一人，於是就入咗佢房。
「做咩事呀你，同男朋友嗌交呀？」我拍拍佢膊頭安撫佢。
「分....分咗手喇，Wills佢話已經唔鍾意我，話好淡...」佢哽咽地道：「明明之前都好地地，唔明點解話分就分，無感情架咩...」
之前聽過Olivia講Wills唔係我地間U，成日都好忙，所以佢地一個星期都係見一次咁大把；不過Olivia好鍾意佢，所以每次都好珍惜見到佢嘅時間。
我唔知講咩安慰佢好，唯有繼續拍下佢個身，輕聲係佢耳邊講：「唔好喊喇，好快會無事。」
陪咗佢一陣，我見佢嘅情緒都穩定返少少，我就問佢：「點呀，你OK嗎？」
佢用紙巾抹抹鼻，然後向我點點頭。
「你餓唔餓呀？喊咗咁耐，陪你落去食啲嘢喇。」
我地去咗hall canteen解決，雖然公認好難食但係唔知點解每晚都人頭湧湧。
今晚條人龍雖然無個次排鬼屋咁長，不過隊尾都就嚟排到龍翔道。
「屌，食個飯都咁多人。」我忍唔住咁講。
「hall多廢青唔想出街，好似你咁。」Olivia嘲諷我。
「你條仆街，頭先邊個陪你安慰你架，仲串鳩我。」之後我搔佢個身，佢比我整到哈哈大笑。
「係喇係喇，多謝你囉。」佢細細聲咁講：「頭先係你面前喊到咁，好柒添。」
「唔緊要喇。」我好認真咁講：「因為你柒開架嘛，哈哈！」之後又擺出一副嬉皮笑臉嘅樣子。
「去死喇你！」佢又好似之前咁大力力摵我。
－－－－－－－－－－
「我真係收到exchange offer喇，嚟緊下個sem就要走喇。」個日同Sammi出完街拍拖，我送到佢屋企樓下個時，佢有口難言咁同我講。
「吓，我地啱啱一齊就要分開喇.....」雖然只係一齊咗未夠兩個月，不過心裡面點樣都會唔捨得自己女朋友。
「無計喇，係我最想去個間U呀，雖然我都好唔捨得你，但係機會好難得架.....」佢愈講愈細聲，之後直程垂低咗佢個頭。
「我明嘅。你去喇，我之前鍾意你就係鍾意你好認真果個樣，點可以要你因為我而放棄exchange。」我攬住Sammi：「一個sem好快過咋嘛，我係呢邊鳩下揈下就過架喇，我等你返香港！」
「多謝你呀Sean。」佢喜極而泣咁攬住我：「一定要等我返嚟。」
就係咁樣，我同Sammi第二個sem開始就要維持一段long D嘅關係。
臨上機之前，佢仲送咗本簿仔比我，入面有我地小量嘅合照同埋佢滿滿嘅文字。
睇完之後我更加愛呢個女仔，心裡面亦有莫名嘅感動。
我一定要等到佢返嚟香港，當時我係咁樣同自己講。
－－－－－－－－
呢段Long D關係開始咗之後，我嘅凌晨時分多數都係留返比Sammi。
佢係英國，我係香港，所以我地嘅距離唔只得九千幾公里，仲有八個鐘嘅時差。
我返緊學嘅時候，Sammi就瞓緊覺；到佢夜晚活躍嘅時間，我又差唔多要瞓覺。
好多時都係等佢落堂返到去宿舍，我就可以偷啲時間係佢食晚飯之前同佢傾陣Skype。
「好掛住你呀。」我一係電腦螢幕上見到Sammi個樣就同佢講。
「嘻嘻，我都係呀。」佢笑起上嚟露出一對虎牙，非常可愛：「香港凍唔凍呀？我睇新聞話有冷鋒喎。」
「凍呀，今日得八度，行返hall凍到仆街！」我雙手交疊係胸前瑟緒住：「如果你係到就好喇，攬住你就唔會凍！」
「把口浪過油呀你。」佢續道：「我呢邊都差唔多溫度，不過好彩我地室內有暖氣，所以仲頂得順。」
一路分享佢係英國嘅生活比我聽，而我都會講下我係香港過成點。
雖然每日咁樣傾法有時真係好攰，特別係第二日要返早；不過真係鍾意一個人就幾辛苦都唔會介意。
Olivia自從同佢男朋友分咗手之後，搵我比之前頻密得多。
我諗係同一個hall嘅關係，好多時我地都唔洗刻意約，只要大家都係hall就有見面嘅機會；而且活躍於hall各大活動嘅我地都自自然然會一齊出席唔同嘅活動，好似singcon呀、盆菜宴、仲有各種各樣嘅inter-hall比賽，我地都會一齊睇。
當然我地一直都以禮相待，畢竟我同Sammi拍緊拖，就算幾熟嘅女仔都應該保持適當嘅距離。
「今晚睇完波一齊食飯呀？」今晚有場足球比賽，我呢個運動白痴當然無份踢，就算隊波幾唔夠人我都只能做觀眾。所以Olivia一早約咗我一齊去睇，順便拎下return分數。
「今晚呀...」我諗起Sammi話今晚會打比我同我傾Skype，就有少少憂慮會趕唔切返hall。
「食個飯好快啫，唔會阻到你返去慰妻架喎。」佢奸笑咗一下：「嚟喇，早啲放你返去喇！」
「好喇好喇。」我又一次比Olivia說服倒。
我地喺學校附近嘅運動場睇完波，個時大概八點幾，一行十幾個同hall嘅人話一齊食飯。
「喂，Sean，你同Olivia跟唔跟我地呀？」五樓嘅Tommy仔問我。
「Olivia，你想唔想跟大隊食呀？」我問身旁嘅Olivia。
「無所謂呀，一齊囉。」佢聳聳膊，一臉從容嘅樣子。
點知一跟之下，佢地食完飯之後話難得有咁多人，不如去下場飲野。
「吓，飲野呀....」我面有難色，心裡面雖然好想去，不過諗起Sammi係英國等緊我電話，我就婉拒咗：「唔好喇，我有份assignment要做，趕住返去。」
「收皮喇，你有咁勤力架咩！」
「唔係唔撚飲呀，個個都話去喎！」
「屌你呀，笠水？差你咋喎。」
我一話唔去，到處都媽聲四起、鬧我鬧到飛沫橫飛，Olivia暗暗地向我竊笑。
「唔係呢，下次喇，下次一定嚟。」我連忙向佢地解釋，Olivia幫我口話：「係囉，佢要做功課呀，由得佢喇。」
「喂，你仲去呀？」因為在場嘅大部份都係男仔，就算有女仔都好，佢地男朋友都係到；而Olivia一個女仔去飲酒，我點都有少少唔放心。
「梗係喇，你唔去我就唔去咩，我地又唔係連體嬰。」佢拍哂心口咁話：「唔洗擔心我喎，我ok架喇。」
「咁好喇，你自己小心啲。」
之後我匆匆離去，就係為咗趕返宿舍會我係遠方嘅美人。
傾咗個幾兩個鐘之後，Sammi因為要上堂所以都唔能夠繼續傾落去；而我都諗住打陣機就瞓覺。
Tommy仔：Sean!!!瞓未
我：做乜鳩
Tommy仔：你條女醉咗呀，快啲嚟接佢走
雖然都唔只第一次比人傳我同Olivia有野，但係直接話佢係我條女又真係第一次聽。
我：你講Olivia？
Tommy仔：唔通講我咩
之後我直接打咗比Tommy仔。
「喂，Olivia好醉咩？」電話裡頭嘅背景聲好嘈雜，佢講咗聲「等等」之後應該行咗出酒吧，話筒裡嘅雜音漸漸變小，Tommy仔嘅聲音清晰無比：「係呀，佢醉撚到仆街喎。」
我本來想問Tommy仔點解比佢飲咁多，但係諗諗下其實又無咩理由唔比佢飲咁多。
於是我就問：「咁佢而家人係邊？」
「我地搬咗佢落梳發到，但係佢係咁亂講嘢，又係到喊又盛咁，屌！」佢好急速咁話：「嗱我唔撚理呀，你快撚啲嚟接走佢，最怕女人發酒癲架喇。」
之後佢講咗個地址比我聽，我就即刻搭的士過去搵Olivia。
甫踏入酒吧，周圍都瀰漫住一陣陣酒氣同煙味，每一枱都係年紀相若嘅大學生，有人係到猜枚、有人係到大笑、亦都有人係到忘情擁吻，呢到好似咩人都有，大家都係喺酒精之中尋求快慰嘅人。昏黑嘅環境令我無法立即搜索到Olivia嘅位置，我到處張望咗一陣，先聽到有人叫我：「喂！Sean！」
我向左方望一望，見到Tommy仔向我大力揮手，另一隻手指住瞓咗係梳化嘅Olivia。
「佢頭先嘔撚到傻呀，好彩比咗個桶佢咋，唔係一地都係真係好難搞！」佢一額汗咁講：「喂你快啲帶佢返去先喇，咁唔飲得唔好追酒飲喇。」
「佢追酒飲？」我望一望瞓咗係梳化上面嘅Olivia，平靜而豔麗嘅五官，凌亂嘅金髮披散係臉頰兩旁，微微張開嘅嘴巴正在小口地呼吸住。
「係呀，明明唔係佢輸，佢搶人地杯酒嚟飲喎痴撚線。又唔係飲得，爭乜鳩呀。最後咪柒囉！屌！」佢一輪嘴咁講，之後望一望我：「sor鳩，咁樣話佢，你唔會介意架可？」
「唔介意呀，你繼續講喇。」
「講撚完喇。唉總之你而家嗱嗱聲搞掂佢先喇，下次佢飲酒唔該你睇住佢喇，出去實比人溶咗佢呀。」
我連聲向其他人一一道謝同道歉，之後就扶起醉如爛泥嘅Olivia。
「喂，臭雞，你點呀。」我平時都鍾意以臭雞稱呼Olivia，佢都唔介意我咁樣叫佢，因為我地兩個實在太熟。
「.....」佢無理我，只係重重地將身體嘅支撐點放哂落我身上。
「屌，你好撚重....」因為Olivia一啲都唔矮，我諗佢大概有一米六八；而佢嘅身形亦稱唔上輕盈，反而係微微豐腴，特別係佢圓渾嘅屁股同飽滿嘅上圍，所以托起佢上嚟都有啲吃力。
經過一番波折終於截到一架願意載我地返hall嘅的士，佢重重地瞓咗落我身上。
佢半邊嘅乳房就直直壓住我嘅身體，酥軟嘅質感令我嘅下體有少少反應；我忍唔住瞟向Olivia微微翹起嘅豐臀，好想大大力一下拍落去。
當然我只係得個諗字，我就僵硬地任由Olivia壓住我，直到我地要落車個刻。
「喂，醒喇。」佢彷彿喃喃自語咁低語咗兩句，我都聽唔清楚佢講乜，只能將佢拖落車廂。
我好不客易拉咗佢入Lobby、撳lift、上到四樓、拉住佢到門口，之後我係佢銀包搵房卡。
屌，無嘅。
我試圖敲門，隔咗一陣，毫無回應。
仆街喇。
經過咁多折騰先返到嚟，已經凌晨三點幾，佢roommate應該瞓咗。
如果放佢係門口，又好似太不近人情；如果放佢出common，分分鍾比鬼佬執屍。
我諗咗一陣，帶佢返我間房似乎係最保險嘅做法。
最多我同Danny孖鋪，Olivia瞓我張床喇。
我諗Danny，即係我roommate，應該都唔會介意Olivia借宿一宵。