自從住咗hall先知，扑野原來可以咁簡單: 《九、莊員有愛》
大學裡面有五件事一定要做：讀書、上莊、住hall、part-time、拍拖。上莊對好多人嚟講都有唔同嘅意義同睇法，有啲人會話上莊好哂時間、有啲人會話上莊學到好多嘢、有啲人話上莊會識到班好好嘅莊員；而我都唔例外，Year1玩咗hall ocamp之後就比人不斷地聳恿我上hall莊，當時我對自己hall嘅歸屬感唔算好大。
畢竟我都只係個初來報到嘅新生，一嚟就講到自己好熱愛自己個hall似乎唔係好合理。只係抱住個試下自己得唔得嘅心態，我最後真係上咗hall莊。沿途上我遇過好多人，亦有好多人係我身邊走過。
我諗呢幾年來最大嘅改變唔係我身邊嘅人點變，而我自己變成咗成另一個人。
呢種變化絕對唔係一件好事，至少我到而家都好後悔我做過嘅一切。
如果有得比我揀，我寧願無踏入過hall半步，甚至連大學都唔想讀。
－－－－－－－
阿廷： 你係邊啊？我好掛住你。
我向電話一瞟，見到就阿廷搵我就將佢放返係枱上面，然後繼續同眼前嘅Jake熱吻。
「你男朋友？」Jake係我耳邊輕聲問。
「嗯。」我放軟身體，將雙手圈實佢嘅頸部：「唔理喇，我唔想理佢。」之後我埋頭將舌頭貪婪地係佢頸部、面部不停地搜索，一下又一下地舐食佢嘅身體。
佢將右手伸入我嘅胸罩裡面，用手指係我嘅乳頭上打轉。我不禁將雙腿向上縮，身體輕微地顫抖起嚟。
「啊...」我係佢耳際輕喘。
「想唔想要？」佢低語。
「嗯。」我低沉地回應。
之後佢順住我嘅胸部一直吻落去，去到腰際，直到我嘅下面。
佢張口吞噬我嘅濕地，一口又一口地將裡面變得更加濕潤。
牙齒同舌頭嘅交融令下體嘅快感推到最高，雙手緊緊抓住床單嘅一角，只想佢吸吮得更加深入。
唔知過咗幾耐，佢將身體再次壓係我身上，然後再進入我嘅身體。
我覺得呢個時刻最令我不捨結束嘅唔係身體上嘅快感，而我眼前呢個人陪伴咗我寂寞、空洞嘅夜晚。
呢個人唔係咩人，而係我嘅莊員。
每晚陪伴我做莊務嘅人。
－－－－－－－
第二日醒咗之後，Jake正緊緊地擁抱住我嘅身體。
「喂，我要上堂啊。」我摸一摸佢塊面，向住佢講。
「走堂喇，我仲想攬住你。」佢依舊無張開過雙眼，只係將我抱得我更加緊。
我無走到，繼續係Jake身邊依偎住佢。
我望向天花，心裡面一直諗緊我做緊嘅事到底係咪正確。
可惜我諗嚟諗去，都諗唔到一個答案。
Jake好快又瞓著咗，我趁佢瞓著咗就離開咗佢間房。
作為一個有男朋友嘅人，咁樣同另一個男人發生關係，無論如何都唔係一件好事。
但我心裡面居然好想一直咁樣繼續落去。
－－－－－－－－我叫Athena，阿廷係我男朋友，我同佢由中五就開始拍拖。佢係個讀書好叻好聰明嘅人；而我只係僅僅地夠分入大學嘅水平，所以我同佢分別入咗兩間唔同嘅大學。即使環境幾唔同都好，我地兩個都有住hall，但係呢個都無損我地之間嘅感情。我地每個星期都會輪流去對方嘅宿舍，一個星期嘅見面時間都唔算少，不過我地依然會好珍惜見到對方嘅時間。
當我以為呢一切都唔會改變嘅時候，上莊後我呢個完美嘅諗法漸漸打消得一乾二淨。
「Athena，今晚飲唔飲酒呀？」莊員Katie係晏晝問我。
「我約咗我男朋友喎。」逢星期五都係我同阿廷嘅拍拖日，無論幾忙都好呢日都一定係預留比大家。
「痴線，我地梗係十二點後飲喇，到時你咩街都出完喇。」佢再講：「咁我叫埋Jake同Kevin架喇。」
Katie、Jake同Kevin都係我嘅莊員，由於係工作分配上我地四個比較多合作機會，例如係我地會負責同一個活動，又或者我地需要一齊出去同其他hall嘅莊開會之類；所以我地四個比起其他莊員更加多接觸，自自然然就變得好熟稔。
「哦，原來你想借醉行兇。」我對住Katie奸笑，佢只係吐吐舌頭，無承認啲咩。
其實一路以來我都睇得出Katie對Kevin係有啲興趣，甚至係鍾意佢；不過Kevin似乎好後知後覺。
「放心喇，今晚我一定會比機會你地架喎，哈哈。」我對佢揚揚眉，之後我地就約好咗今晚見。
「今晚我返到去要同幾個莊員飲酒呀。」我同阿廷都唔係咁鍾意出街，所以我地嘅活動多數都係留喺hall睇下戲，食飯就去附近嘅餐廳解決就算數；雖然咁樣好平淡，不過我都好樂意咁樣過。
「有咩人呀？」佢一路睇緊有咩戲好睇，一路問我。
「咪Katie佢地囉，我同佢地最熟架喇。」因為平時我都會同阿廷講下我地莊員之間嘅關係，所以佢都好清楚我嘅圈子有咩人。
「你飲還飲，唔好醉呀，小心啲。」佢呢個時候先將臉轉向我，然後係我額頭上面錫咗一啖：「我唔係你隔離睇住你，自己睇住，唔好要我擔心呀，知唔知。」
「知喇傻佬。」我向佢回吻，之後我地就係床上面開始擁吻起嚟。
我地之間從來都唔存在懷疑同猜度，即使我有上莊但阿廷無，佢仍然係比足100％信任我。呢個令我更加覺得我唔可以令佢失望，點都唔可以令佢有半點要擔心嘅理由。
當晚返到hall我地去咗Kevin同Jake間房飲酒，因為佢地兩個係roommate，所以我地四個有咩活動就一定會係呢間房進行。
男仔房其實比起女仔房更加整潔乾淨，我諗因為一般男仔嘅物品都比女仔少，望起上嚟嘅凌亂感自自然然會降低。佢地間房都唔例外，書櫃上面只有少量嘅書本同筆記；其中一格有幾包公仔麵、幾枝酒，其餘都係空位。
「你地間房真係咩都無架喎，到底你地係咪住hall架。」我掃視佢整間房之後又忍唔住咁講，雖然我已經唔係第一次講呢番說話。
「你當呢到貨倉咩，要咁多嘢做咩呀，你估我地係你咩。」Kevin反駁我，然後將枱面上面一疊筆記移開，騰出空間放酒同杯。
「我只係當hall係我屋企我先搬哂啲嘢入嚟啫。」我不甘示弱咁講：「我唔得閒執架，執咗就唔似倉架喇。」
「算吧喇你，間房成個垃圾房咁，哈哈。」
「屌你。」
酒局開始咗一段時間後，我地嘅身體都受酒精影響漸漸變得軟起嚟，所以坐姿亦無辦法維持一開始咁端正。Katie坐咗係Kevin床上面，身體已經漸漸傾向Kevin；而我就坐係Jake嘅床上面，緊緊靠住我身後嘅牆壁；而Jake就係另一方挨住佢個枕頭。
「喂，你條仔知唔知你係到飲酒架。」Jake滿面通紅地問我：「一陣比佢知你係我床上面真係水洗都唔清，殺咗我都似。」
「我有話佢知我地飲酒架，又無做啲咩，唔怕喇。」我一手拉起佢張被：「喂分啲比我，唔好一個人霸哂咁自私喇。」
「借張床你仲咁串，踢你落床呀拿。」Jake將成個人靠近我，篤咗我個頭一下，然後又挨返落佢個枕頭到。
Jake同我算係成枝莊入面最熟果個，因為我同佢唔只係莊員，佢亦係我同科嘅同學。我地嘅見面時間基本上係最多，我見佢嘅時間一定多過見阿廷多多聲；即使同其他莊員比較，我同佢先係名乎其實嘅朝夕相對，正宗嘅朝見口晚見面。
我地成晚都無玩咩酒game，畢竟得四個人都玩唔到啲咩，所以我地只係靜靜地傾下計。
後來我地幾乎清哂枝Vodka，大家都開始變得醉意醺醺，特別係Katie。「我無醉啊，我要再飲。」Katie嘅聲線本來已經屬於比較嬌嗲嘅類型，此刻比平常更加高音同溫柔。
「咪撚飲喇屌你，醉喇。」Kevin一手搶走Katie手上面嘅酒杯，然後將Katie推落床：「瞓喇柒頭。」然後佢幫Katie冚好張被之後，佢都一下子鑽咗入被窩入面。
「喂，咁點呀，佢地收皮喇喎，我地仲飲唔飲。」我拎起個酒樽，搖一搖裡面剩餘少量嘅Vodka：「得返呢到少少。」
此際整個房間都酒氣瀰漫，我嘅醉意亦不淺，除咗昏昏欲睡都搵唔到第二個更加合適嘅形容。
「清埋佢囉，得個少少。」Jake將剩餘嘅酒全部倒哂出嚟，然後話：「一人一半喇。」
佢舉杯一飲，一下子就無咗一半；而我就慢慢地將剩返個少少酒飲埋佢。
一陣灼熱係喉嚨間慢慢地蔓延，我諗因為無溝任何mixer，所以比起之前任何一啖酒都更加灼喉。而濃度嘅增加亦令我身體一下子變得更加無力，我感覺到自己比起原本更加醉意濃厚。眼前嘅景物竟然開始變得朦糊起來。
「你點呀。」Jake搖一搖我嘅手臂。
「我...我好wing。」我摸一摸額頭：「頭先個杯太哽喉...我頂唔順...」
「唉你地真係好廢。」佢問我：「咁你返房瞓定點呀？」
「我返房喇。」我嘗試坐直個人，但我發現我連坐直嘅力氣都無。
「算喇，你係到瞓喇。」
我諗當下點都有少少神智不清，我聽完之後無講啲咩就直接瞓咗係佢張床到，過咗無耐我都感覺到身後有個人瞓咗係到。
我地之間貼得好近，近到我係朦朧之際都彷彿聽到佢嘅呼吸聲。
後來我真真正正瞓著咗，都無理會我地嘅身體有幾靠近。
第二日醒咗之後，我見到Jake隻手正正搭係我嘅腰際之上。
我整理一下自己嘅混亂嘅思緒之後，下意識地向被窩裡面探望，好彩衣衫仲係完整，我頓時鬆一口氣。
我側目一下身邊嘅Jake，佢仲係呼呼大睡嘅狀態，熟睡程度應該仲係深層睡眠緊。
我躡手躡腳地跨過佢個身，望一望對面床，Katie同Kevin仲瞓緊覺。
我即刻返咗自己房，然後去咗沖熱水涼俾自己冷靜落嚟。雖然我諗應該咩事都無發生過，但佢隻手的確令我好在意。
我諗佢飲多咗先會搭隻手上嚟，無事嘅。
我不斷同自己講，任由頭頂上嘅花灑熱水散落係自己身上，希望可以沖走琴晚嘅記憶。
無論如何都唔可以俾阿廷知道，一定唔可以。
由於第二日嘅宿醉未過，我沖完涼之後就攤咗上床休息。好好彩清空咗今日嘅行程，我先可以繼續抖下。
我昏昏沉沉就瞓著咗，醒返嘅時候已經五點幾。
阿廷：你瞓醒未呀？
阿廷：b你醒咗打俾我喇
Jake：你返咗房？
我見到呢堆message之後即刻打電話俾阿廷。
「喂，我起身喇。」我懶慵地同阿廷講：「飲完酒瞓咗成日好攰，我而家好肚餓。」
「咁我而家陪你出去食嘢好無？」阿廷好溫柔咁講：「都知道你實會瞓到死豬咁架喇，特登唔食嘢等你架。」
「你真係好....」心裡面一陣慚愧湧上嚟，如果俾阿廷知道琴晚有男仔攬住我瞓，佢一定會好傷心：「咁我地一陣見喇。」
「好喇。」
「喂。」我對住阿廷講：「Love you.」
「傻妹，我都愛你。」電話另一邊嘅阿廷甜絲絲地講，之後就收咗線。
我鬆一口氣，之後換衫化妝，準備出門口搵阿廷。
「喂，你琴晚去咗你條仔到呀？」我roommate阿妍推門返嚟，然後問我：「又掉低我低房去扑野啦！」
「痴線，琴晚我同我啲莊員飲酒咋。」阿妍佢無上莊，不過佢都有玩hall o，所以對我嘅莊員一啲都唔陌生，甚至有啲仲幾熟。
「飲酒？又係你地四人幫呀？」佢口中嘅四人幫就係我同Katie佢地幾個。
「係呀，Katie call酒局，我地咪奉陪囉。」
「你地飲到朝早呀？我今朝出去返學唔見你嘅。」佢脫咗對鞋之後走向床邊。
「係呀。」我無講太多，直接話：「我出去搵阿廷啦，返嚟再講。」
我落到lobby之後，撞到啱啱返嚟嘅Jake。
「喂，點呀你，無頭痛呀可？」佢若無其事咁講：「今朝一醒就唔見咗你。」
「我無野呀，瞓醒就無事。」我將心入面份尷尬收起：「我要出去先喇，再講喇。」
講完之後我就急急腳咁走咗。
雖然我覺得琴晚嘅事好奇怪，不過睇落去佢好似完全無事發生過咁，我諗佢都未必知琴晚嘅事。
或者佢都係因為飲大咗兩杯，隻手先會咁樣搭過嚟，可能佢連自己咁樣做過都未必知。
我都無理由要自己問佢，咁樣有機會造成更不必要嘅尷尬。
所以我都係扮無事發生過好啲。
漸漸地，我都開始將呢件事遺忘，就當大家飲醉咗咩事都無發生過一樣。
我同Jake之間嘅相處都同之前無咩大分別，依舊一齊上堂落堂做莊務咁。
不過無耐之後，我同阿廷嘅關係開始出現磨擦。
「Sorry呀，我今日都係想溫midterm，我唔出嚟喇。」電話裡面嘅阿廷充滿歉意咁同我講。
「但係今日星期五喎....」我好失落咁講。除咗因為星期五係我地嘅拍拖日以外，佢今個星期已經第二次放我飛機，所以我更加為此覺得失望。以前阿廷就算考DSE都好，佢都唔會因為溫書而唔同我出去，特別係我地約好咗嘅日子。
「乖喇，我真係溫唔切呀，下星期無咁忙我地再見喇好無？」佢用個氹小朋友嘅聲線對我講。
「好喇，咁我嚟陪你食飯好無？」
「唔洗喇，廢時你走嚟走去，我地下星期見喇。」
「咁你溫書加油喇B。」收線之後，心裡面雖然覺得有啲難過，畢竟好似比男朋友冷落咁；不過一諗到佢係因為溫書先咁樣，我就叫自己唔可以咁小器。
Jake：今晚食飯？
我見今晚嘅計劃都落空咗，反正都係一個人食飯，所以就應承咗Jake。
我地只係去咗學校附近嘅茶記食，因為大家都無意慾搭車出去食。
我地一人叫咗一碟碟頭飯，佢食豆腐火腩飯；我食羅漢齋飯。
「嘩，你食咁齋嘅？」Jake聽到我叫呢個飯之後嚇咗一跳。
「係呀，我一個月會有幾日唔食肉，清下腸胃嘛。」我不以為意咁講。
好快地兩個飯都到咗，我地都開始閒聊起嚟。
「難得你今日得閒喎，唔洗陪你男朋友咩？」佢知道我多數嘅時間都係比咗阿廷，所以對於我會出嚟都有啲意外。
「唉，唔好提喇。」我食咗一飯之後講：「阿廷佢呢排好忙，成日話要溫書唔出嚟。明明逢星期五係我地一定會見架嘛，佢今日又話midterm溫唔切唔出喎。」
「咁可能佢真係忙呢，你都話你條仔學霸嚟架喇。」佢嘗試安慰我。
「係嘅，我都知讀書緊要啲，所以我咪由得佢囉，正經嘢做咗先都好嘅。」我嘆咗口氣：「不過少咗時間見，有啲唔開心啫。」
「嚟緊我地都有好多活動要開始搞喇，到時可能到你忙，係你無時間見佢架喇。」佢笑笑口咁講：「唔同U拍拖係咁架喇，習慣下。」
「好似好有經驗咁喎。」Jake比我大一年，不過因為今年先住hall，所以同我同年上莊。
「我個啲唔講喇，廢時打擊你信心。」之後我地轉向傾莊務之間嘅話題，無再係我同阿廷嘅事上繼續深究落去。
－－－－－－－
我瞓係阿廷隔離，佢好專心咁望實部電腦上緊網；而我就開始用對腳嚟撩動佢。
當日係一個星期五。
「做咩啊。」阿廷嘅雙眼仍然無離開過部電腦。
「我想要啊。」我輕聲地係阿廷耳邊講，然後隻手不安份地撫摸佢嘅下體。
「唔好喇，我好攰呀。」佢聽到我咁講之後皺一皺眉頭：「唔好整我喇，乖。」
「但係我地好耐無喇喎......」我刻意拖長聲線嚟講。
其實我本來都唔係一個對性特別有渴求嘅女仔，一開始同阿廷發生關係嘅時候都係因為鍾意佢先會比佢；而我自己就唔會特別有慾望，多數都係阿廷做主動。
而佢嘅性慾都異常地旺盛，所以我地做愛嘅次數好多，最誇張一日會翻雲覆雨三四次先滿足到佢。
久而久之，我比阿廷調較到連自己都開始接受、甚至發現性愛嘅美好；肉體上面嘅快感同感官上嘅刺激令我漸漸地喜歡做愛嘅感覺，所以我不時都會做主動，有時候甚至會比阿廷有更加大嘅慾求。
好多人都會覺得天下間得男人先係最咸濕，其實唔係。我覺得男同女都會有性方面嘅需要，只係睇在多啲定少啲。係我眼中，性係一樣好好嘅生活調味劑，無咗佢都可以生活得好好；不過會缺少咗啲味道咁解。而且性慾就好似我地需要去廁所一樣，只係好普通嘅生理需要，所以我唔認為有咩問題。
「你唔好咁咸濕喇。」佢摸一摸我個頭：「今日我真係唔想呀，你唔好迫我喇。」
所以當日我同阿廷無做愛，我嘅慾求都得唔到滿足。
「啊，好想扑嘢呀！」當晚返咗房之後，我對住阿妍大叫。
「痴撚線，你同你條仔講喇，我唔想知呀。」佢一個枕頭飛向我身邊，我即時接住咗。
「唉，我今日撩佢，佢唔理我，話唔想喎。」然後我一五一十咁同咗阿妍講。
「嘩，撩佢都會有男人唔想要架咩？你條仔係咪唔想同你扑咋？哈哈。」佢笑住咁講，我向佢舉咗下中指，佢先認真地講：「嗱，你下次試下用啲新嘢嚟誘惑下佢，好似著下校服咁，我就唔信佢忍得住喇。」
於是當晚我同阿妍就係到上淘寶，睇下有無咩誘人嘅制服可以重燃阿廷對我身體上嘅與趣。